أفضل تدخل أرشيف ماليزيا...أفضل لك..
لأني مرة استفدت منه في أخذ المعلومات...
فيه كل شي..
تحياتي..

السلام عليكم ..
حياك الله أخوي الفيصل ..
إذا تبي الأفخم والأفضل في لنكاوي بكل شي بدون منازع ... (( بس مشكلته سعره غالي ))
منتجع أندمان داتاي ...
باقي الفنادق اللي ذكرت كلها ممتازة ونستثني منها شيراتون لنكاوي ريزورت لأن شيراتون بردانا غطى عليه .. لكنها تعتبر شعبيه يعني أسعارها معقوله .. أما اللي يبي الفخامه وما عنده مشكله بالسعر .. راح يصير يقارن بين (( أندمان داتاي )) و (( ذا داتاي )) (( تانجونق رهو ))
وبيني وبينك صعب إنك تقارن بين هالمنتجعات والفنادق اللي ذكرت لسبب ..إنه لكل واحد ذوق .. ولولا الأذواق لبارت السلع ..
وفيه ناس وأعتقد إني منهم تحدهم الميزانية أحيانا إنهم يختاروا بين بيلانقي وشيراتون بردانا ولنكاوي لاقون .. مو لأنها أفضل من المنتجعات اللي ذكرت لكن لأنها على قد الميزانيه ..
واذا ما قد مرت عليك هالمنتجعات اللي ذكرتها شوف مواقعهم على النت .. وانت تفهم قصدي .. مع إني متأكد إنك فهمت ..
هذا موقع ذا أندمان :
http://www.theandaman.com
وهذا موقع ذا داتاي :
http://www.ghmhotels.com/thedatai/index.asp
وهذا موقع تانجنق رهو :
http://www.tanjungrhu.com.my/english/index.html
.. وترا ما ذكرت هالمنتجعات إلا لأن سؤالك كان عن الأفضل على الإطلاق ..
تحياتي لك أخوي وبالتوفيق إن شاء الله ..

السلام عليكم جميعا
اخوي Metzan6ra
صدقني من كثر ماقريت بمواضيع الاخوان بالارشيف خلاني استفسر عن الافضل .. لاني اصبحت بحيره
اشكرك اخوي على مشورتك
اخوي ابو ميسم
بصراحه الفنادق اللي ذكرتها جدا جدا رائعه ولا يعلى عليها ..
( شكلك ما فهمت وش قصدت بكلمة .. على الاطلاق )
ركز معاي ونا اخوك..
ابيك تتخيل انك عريس
( اذا منت متزوج .. تخيل معاي )
( اذا متزوج .. لاتتخيل خلك بعيد .. خلنا نشوف غيرك يتخيل )
اقلك .. تخيل .. يبس بيني وبينك
وش راح تختار من بين ذي الفنادق .. بدون ماتحتار
لانكاوي لانقوون
شيراتون بيردانا
شيراتون لانكاوي
ابي اجابه محدده .. ونا اخوك .. بدون ماتحيرني
اشكرك يالغالي
اخوكم

بسم الله الرحمن الرحيم
اول شيء اخوي الفيصل انت تقول تبي افضل الاوتيلات بلنكاوي او تقول وش افضل واحد من الاوتيلات الي انت كاتبها ؟
اذا كنت تقصد افضل الاوتيلات بلنكاوي انا ارشح ذا داتاي لكنه مليان وانا مو محصل فيه حجز
و اضظريت اخذ باند مان وتراهم قريبين من بعض
واذا كنت تقصد من الي قلتهم
شيراتون بيردانا
وشيراتون لنكاوي
ولنكاوي لاقون
انا ما اعرف ولا واحد فيهم لكن الي اعرف انه شين شيراتون لنكاوي يقولون بيردانا افضل منه وبالنسبه للنكاوي لاقون انا شفت موقعه بالنت وعجبني و سئلت عنه لكن حصلته مليان
والله يوفقك ويتمم عليك سفرتك وزواجك على كل خير ان شاء الله
و بالتوفيق

السلام عليكم ..
أخوي الفيصل .. أنا فهمت إنك تقصد وش أفضل فندق على الإطلاق في لنكاوي .. عشان كذا عطيتك الأفضل على الإطلاق .. لأن الفنادق اللي ذكرت ما هي الأفضل على الإطلاق ولا تقارن بالمنتجعات اللي ذكرتها أنا وفي أعتقادي إنها الأفضل على الإطلاق ...
على العموم أخوي صار خير بما إنك تبي الأفضل على الإطلاق من الفنادق اللي انت ذاكرها أقولك أخوي ..
لو كنت عريس ....... وأنا راحت علي لأني متزوج وعندي بنيه صغنونه إسمها ميسم .. الله يخليها لي إن شاء الله ويطرح فيها البركه ..>>> شكلي شطحت وقمت أدعي لنفسي على العموم ..
لو كنت مكانك وأبي أختار ..
راح أختار لنكاوي لاقون اذا قدرت أخذ فله فوق البحر .. بس لأنها الأفضل عندهم .. واذا قدرت أخذها لأن سعرها شوي غالي فا راح أصرف نظر عن الباقين ..
لكن لو كانت ميزانيتي ما تسمح وانحديت على شرتون لنكاوي أو بردانا .. باخذ على طول وبدون تردد شيراتون بردانا ..
تحياتي لك أخوي ..

أخوي والله انا سكنت في شيراتون بيردانا والله رائع بكل ماتعنيه هذه الكلمة

تبون عاد الصج عليكم فى برجايا او متيره هذولى ميه ميه

سلام الله عليكم جميعا.
اخوي Ksa
تسلم لي على رايك ودعواتك لي ياعسل.. ربنا يتمم للجميع افراحهم ويديمها علينا يارب
اخوي ممكن طلب ..
ابي اعرف منك ... كم حصلت سعر داتاي ؟؟ واندمان ؟؟
لاني بصراحه شفت اسعارهم بالنت ..شويتين غاليه
وشكرا
اخوي .. ابو ميسم
ربي يحفظلك . ميسم وتشوفها عروسه يارب
اشكرك على توضيحك ورايك لي يالغالي
اخوي الاصيل
اشكرك على مرورك .. وماتحرمش
اخوي alqreen
بصراحه ماعندي علم بفندق برجايا ... لكن مبين انه صراحه فخم
اشكرك على مرورك
ودمتم يالغاليين
اخوكم

بسم الله الرحمن الرحيم
ك اخوي الفيصل ترى احرجتني لما قلت لي يا عسل
وبالنسبه للاسعار :
انا خذيت ذا اندمان على 999 ويكون سي فيو و تربل
يعني ثلاث اشخاص ويكون يطل على البحر
وبالنسبه لذا داتاي انا حصلته على 1200 تقريبا لكنه مليان
وانا جالس اكلمك عن سعر الغرفه لثلاث اشخاص يعني تربل
لكن والله داتاي مرة حلو وخيالي الصراحه انا شفته العام لكن هالسنه يقولون انه مليان وانا وقتي راح يكون اخر اوقست و يقولون ان اند مان مستواه حلو بعد لكن مو مثل داتاي
ولولا اختلاف الاراء لبارت السلع
ومثل ما انت عارف ارضاء جميع الناس غايه لا تدرك يعني وكل واحد له رايه واتوقع انت شفت المواقع على النت وحكمت على هالشغله وبالنسبه للموقع بالطبيعه تراهم قريبين من بعض
و الله يعطيك العافيه اخوي ولو بغيت شيء تبي تسئل عنه ترى من عيوني و الاخوان بالمنتدى والله ما يقصرون
مع السلامه