زحمه لكن يمكن تجنبها باختيار اوقات التمشيه
اكبر زحمه هي زحمة الشقق المفروشه فاذا حاجزين تمام عليكم
الكورنيش في الخبر يكون مزحوم جدا بعد التاسعه تقريبا فاذا تبون مطاعم الكورنيش روحولها بدري
المطاعم اللي تمتلئ قليله - مثل فرايديز وابل بيز لكن المطاعم الجديده (جنوب عمارة الخليج) الى الان ما عليها سوق رغم جودتها وباقي المطاعم ما الاحظ فيها زحمه
مطعم البانوش ورمانه وتندوري زحمه طول السنه (ولحظي السيء هي دايما اختيار اولادي)
الاسواق مفتوحه من ثاني يوم العيد
بعض المحلات تفتح من عصر يوم العيد
وسلامتكم

برأيي ان الخبر بالعيد بتكون اختيار روعة خصوصا ان الجو بدأ يتحسن !
اما الزحمة مثل ما قالك اخوي بن بدران..الزحمة بالليل وبالشوارع الرئيسية فقط غير كذا ان شاء الله فضاوة..والمجمعات أكيد تفتح ليش لأ
المطاعم المعروفة بتصير عالويتينق بعضها مو كلها مثل كوبر شندني وبيت التنور
وحياكم الله..
واجازة موفقة

الخبر رائعه دائمآ سواء في العيد ولا في غير العيد
بالنسبه للفاعليات حنا عندنا في الرياض وقت العيد مسرحيات وفعاليات بكل نوع وشكل لكن مادري عن الخبر

باختصار هل تعتقدون يمكن التمتع بالخبر في عيد الأضحى؟
عيد الفطر ولا عيد الاضحى ؟؟
عيد الفطر علشان ماتتوهقون لازم تتأكدون من السكن قبل لاتجون وخصوصاً الخبر بتكون زحمة هذا من خبرتي بالاعياد السابقة

وقت العيد الخبر مزدحمه أكثر من 600 الف زائر خلال فترة العيد والسكن يكون معدوم تمامأ والحركة المرورية مشلوله ولا فيها استمتاع بسبب كثرة الزوار
أتمنى تأجيلها الى مابعد العيد أفظل

أقترح تأجيلها بعد العيد بأسبوع
لأن ايام العيد زحمة في كل مكان

الخبر والدمام تستاهل الزيارة فترة العيد بصراحه زحمه مره اما الاسواق والاماكن الترفيهية فاكيد بتكون مفتوحه خلال ايام العيد وبخصوص المطاعم وحجوزاتها فاعتقد انكم تخالفون الناس افضل فيعني مثلا الغداء اكيد بيكون الناس في المطاعم خلال فترة من بعد الظهر حتى المغرب يعني من بعد المغرب اعتقد بتكون قد خفت الزحمه في المطاعم اما بخصوص السكن فاالله يعينكم لابد من الحجز قبلها بفتره واذا قدمتو خلال فترة العيد قبل الحجز فاعتقد بتكون صعبة الا اذا كان بيكون الحجز خارج المنطقة الوسطى للدمام والخبر يعني خارج المدينتين فممكن بتحصلو حجز وبالتوفيق ان شاء الله واهلا وسهلاً بكم 0

شكرا جزيلا يا اخوان...وعيدكم مبارك .. وتقبل الله طاعاتكم ان شاء الله
افدتوني كثير وانا غلطت قصدت عيد الفطر
وماجيت انا بالكويت الان تغيرت الخطة ومافي سفرة...
ان شاء الله نروح الشرقية عن قريب...
الزحمة عندنا وعندكم خير والله جالسين في البيت ونتزاور هذا هو العيد