أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
النهر الجاري
حيا الله ابو نايف
تصدق عاد ماتوقعتك ترد أول واحد مو عشان شي لأني داري إنك (مشغول للنخاع)
عموما شرفتنا ياعسل بردك علينا.....
وتدري يبو نايف ودي ألف شرق آسيا كلها والمشكلة مو في الميزانية ولا الأيام المشكلة في الأطفال بيتعبوني وأتعبهم...
ولا أنا سبق إني في فكرت في زيارة دولتين في وقت واحد وفكرت في زيارة سيرلانكا+ماليزيا ثم قلت بالي+ماليزيا ثم قلت
سيرلانكا+اندونيسيا وبالأخير قررت إني أرجع للحبيبة ماليزيا
خصوصا إنه في أماكن كثيرة مالحقت عليها المرة اللي فاتت وبعدين لو الواحد يبغى يلف ماليزيا لحالها وال 13 ولاية كاملة
يبغاله سنين .......
كمان فكرت أزور على قولك بلد مازرته مثل سيرلانكا الهند أو حتى تركيا بس مدري ليش أحس اني مرتاح لماليزيا
والميزة فيها كل شي تبغاه طبيعة بحر تطور ترفيه أرياف تسوق رخيص غالي فخم معقول أمان كل شي موجود........
أما بالنسبة للفنادق فمن المؤكد إني لازم أغير خصوصا إن الفنادق أخذت مني في سفرتي الماضية تقريبا 13000 ريال أي
50% من كامل الميزانية وهالمرة ناويها اقتصادية خصوصا في الفنادق.....
عشان برجع وأقول آآآآآآآآآآآآآآآآآآآآآآآآآآآآآآآآآآآآه يا لنكاوي
وعسى الله يكتب لنا ولك سفرة سعيدة يبو نايف وجزاك الله خير على اهتمامك
sameh2022
ههه ايه والله صادق هذي رحلة أصيل مو رحلتي
أولا حياك الله وبياك وأشكرك لتواجدك معنا
تصدق عاد انا لما رحت الصنواي توهقت لأنه كان يوم السبت وفيه مناظر مخزية ولا ودي أصولي يشوف هالمناظر وأنواع
الاستفهامات بتطلع فوق راسه........
الشي الثاني جينتينق أنا معك بس اللي شفته فيها إن أغلب الألعاب حق كبار والأطفال ألعابهم محدودة غير كذا يكفيهم
ألعاب البرجايا تايمز سكوير...
وكمان اللي اعرفه إن أفضل فندق بجينتنق هو فرست وورلد ولما مريت على الرسيبشن حقه يقالي بأسأل إلا والكاونترات
وش كثرها وبأرقام يمكن لو مابالغت أكثر من 20 كاونتر وتصف سرا عشان تاخذ رقم !!!!
يعني أنواع الزحمة ....... ومن وجهة نظري مافي شي في جينتنق يستحق المبيت فيها وإذا كان على الجو فعندنا
الكاميرون...
أشكرك جزيل الشكر أخي الفاضل سامح ولاتحرمنا طلتك
خليلها
انت الخبير بأيام الزحمة
إبعد عن الثلاثاء والسبت والأحد في الصن واي خللي الولد يفك ضغط الطيارة عن أذنيه
)
والجنتنق طالما بهذا الحال أنا بلغيها من برنامجي
أو أروح لها يوم من الصبح وكفى
)
رحلة موفقة إن شاء الله ويمكن نتقابل هناك
)
عليكم السلام ورحمة الله وبركاته لايفتي وخليلها بالمدينه ماشاء الله عليك انت الخبره عموما انت رتبت الترتيب اللي يعجبك وانا عني احب كوالالمبور هي اخر شي بس انت جربت اخر مره البورت ديكسون واكيد اعجبك الترتيب وعموما إذا ايامك 20 يوم نصيحه زور سنغافوره او اندونيسيا وانا ارشح لك سنغافوره ثلاث ليال إذا ماتبي تدخل اي دوله علي جدولك فأشوف ليلتين سيلانقور -- اربع ليال لنكاوي -- ثلاث بينانق -- ليلتين الكاميرون -- ثلاث كوالالمبور ليلتين بورت ديكسون -- اخر شي ثلاث ليال كوالالمبور ممكن تغير لنكاوي ثلاث ليال وبينانق اربع ليال بس عارف إنك تحب لنكاوي ولا تحب بينانق عموما الفنادق الإقتصاديه سيلانقور الصراحه إذا مابتسكن الصن واي لاقون او البيراميد فأنا اشوف مالها داعي تسكن فيها والبيراميد ماعاد يعتبر إقتصادي ماشاء الله بعض المرات يصير اغلي من غرف البريمر بالصن واي لاقون عموما لو مصمم علي سيلانقور ولا تبي البيراميد ارشح لك فندق الون ورلد جديد وممتاز وقريب من اوتاما مول وعندك فندق الماينز ويلنز ارخص وحليو وله حديقه جميله جدا لنكاوي اعتقد انسب فندق إقتصادي الموتيارا او هوليدي فيلا اما البقيه فأسعارهم طارت مثل البرجايا ولنكاوي لاقون وبينانق انت جربت القولدن ساندس وانا ارشح لك البارك رويال بس لو تبي إقتصادي وموقعه بين البارك رويال والقولدن ساندس فندق الهوليدي إن اكيد تعرفه مظبوط وإذا ماتبي الباتو فرنجي فأفضل خيار الفلامنقو الكاميرون هاي لاند فندق سنشري باينز إقتصادي ومعقول وفنادق الكاميرون كلها مافيها إلا الكاميرون هاي لاند والبقيه عاديه كوالالمبور ماشاء الله الخيارات كثير عندك قريب البرجين فندق أمبيانا جميل واقتصادي وقريب شارع العرب فندق الدوريست ريجنسي والبارك رويال وانا ارشح لك النوفوتيل في موقع إستراتيجي في المنتصف تقريبا اقرب لشارع العرب عموما اشوف انك تدخل منطقه جديده مثل سنغافوره واندونيسيا او في ماليزيا كوتاكونيبالو
sameh2022
حبيب قلبي وأخي سامح
الله لايحرمنا كرمك وتعاونك
أول شي الخطة حلوة بالنسبة 2 3 3 5 ولكن يبغالها شوية تعديلات
أما عن سنغافورة وهونج كونج لا أعتقد إنه في بالي أزورها حاليا
خصوصا وأنني كما ذكرت في ردي السابق على حبيبنا ومشرفنا العزيز ابو نايف إني أحاول أقلل من كثرة التنقلات بين
المدن في الدولة الواحد ناهيك عن تنقلاتي بين الدول .......
عشان كذا تقدر تقول أني باقترح عليكم خطة وأبغى رأيكم......
2 سيلانجور - براميد أو الخيول الذهبية
4 لنكاوي - موتيارا (ولو عندكم اقتراح فندق آخر اقتصادي ياليت)
3 بينانغ - فلامينجو ويمكن أتجه لبارك رويال عشان موقعه
3 الكاميرون - اكواتريال أو الفندق الجديد اللي راح له مهندسنا القدير ماجد الفهد في سفرته الأخيرة
6 كوالالمبور - رويال شولان ويتخللها يومين كاملين لجينتنق وأفاموسا
2 بورت ديكسون - ومافيها كلام ليجند هومز
وش رأيكم بس؟؟؟؟؟؟؟؟؟
يعني ... لست وحدي اللي وقع في حب ( زيزا ) ... أسم الدلع لماليزيا
قلت من قبل ولازلت أكررها .... ماليزيا من يزرها ... يقع رغمآ عنه في أسرها
تصدق يابو أصيل ... أحد زملائي في العمل خليته يسافر ماليزيا بعد ماقطع تذاكر أندونيسيا ...
سويت له غسيل مخ مو صاحي
وسافر ( خوينا ) وجاء قبل شهر ... ويخطط للرحلة القادمة
لدرجة أنه صار كأنه ( مندوب مكتب سياحي ) كل ماشاف أحد ... قام يمدح ماليزيا ويسوي دعايات عنها
وصرت كل ماأشوفه أحس بتأنيب الضمير ... الرجل كان ماشي زي الحلاوة ... ماله ومال ماليزيا ... الله يغفر لك ياوافي
وافي بزمن جافي
فاقترح عليك :
وان شاء الله الاخوان يساعدونك في التفكير ..
والله معك حق تفكر وينشغل بالك
انا مثلك الحين .. جالس افكر بسفرتي الجايه ..
افكر اكرر زياره سيريلانكا مع ماليزيا
افكر بزياره الهند مع ماليزيا
افكر بالصين مع ماليزيا
اقسم بالله حيره ..
وكمان افكر فين اروح في ماليزيا
نفسي اروح لتامان نيجارا .. بس اهلي معي واحس انها شوي صعبه
فكرت بكوانتان
فكرت بتكرار زيارتي لترنجانو