السلام عليكم
هلا وغلا بمسافرنا الجديد
وتراك جيت فيي المكان الصحيح وراح تستفيد وتكون سفريتك بريفكت ( مكتمله) ان شاء الله.
اخوي انا توني جاي من ماليزيا واذا تبي البرنامج السنع اللي يصلح لشهر عسل واللي مايكلف الشيء الكثير بامكانك قراءة موضوعي اللي في توقيعي ..وفيه بتلاقي كل شي سويته بالتفصيل الممل والصور الكثيره اللي تعبر عن دواخلي وخوارجي الدفينه ... اذا تبي تفاصيل اكثر اسالني وانا حاضر من عيوني.. ولا يهون اخواني الاعضاء وخاصه الشعيبي ..
تقبل تحياتي

خطأ مطبعي (بريفكت = بيرفكت)

السلام عليكم ...
حياك الله اخون magma ونورت منتداك
اضم صوتي لصوت اخوي الاتجاه المعاكس الله يسلمه
اطلع اولاً على رحلته اللي كانت ناجحة بفضل الله واطلع
على رحلات اخواننا واغلبها مدعمة بالصور وخذ لك
فكرة اول شيء وبعدها تأمرناامر ولا تشيل هم شيء
واعتبرانه برنامجك ومدنك وفنادقك في جيبك
ترانا كلنا في خدمتك
يعطيك العافية وحياك بيننا والسلام عيكم

1. شكرا لكم على ردودكم الجميلة،


2. عموما ذهبت الى 3 مكاتب سفريات وزادوني حيرة

شكرا لكم على ردودكم الجميلة،

عموما ذهبت الى 3 مكاتب سفريات وزادوني حيرة

واحد يقول ماليزيا ماتستاهل اكثر من 10 ايام كوالالمبور كثير عليها 4 ايام و بننج اذا قعدت فيها اكثر من يومين بيجيك اكتئاب لانها بحر وبس اما لانجاوي حلوة 3 ايام بس، والمواصلات في ماليزيا انت دبرها بروحك ارخص لك.
مكتب ثاني يقول: لا لا لا، كوالالمبور 6 ايام،جينتنج يومين (مو فاهم ليش اللي اعرفة انها منطقة في كوالالمبور)، 5 ايام في لنجاوي و4 في بيننج، وبيعكني حجز شامل كل المواصلات.
اما الثالث مسكين قال ما اقدر اعطيك رد لان وكيلنا في ماليزيا للحين ماعطانا تفاصيل رحلات شهر ديسمبر (لان الاسعار تتغير).
يعني انا الحين شسوي،
احجز كل شي بروحي؟ او بس السكن عن طريق مكتب، او كل شئ عن طريق المكتب (يعني الجمل بما حمل).
طبعا فس هذي الرحلة ابغي ارتاح ماابغي مفاجات غير سارة، يعني المكتب الاول قال ان بننج بحر وانا بصراحة السباحة مو من اهتماماتي .
النقطة الثانية: الفنادق، قرأت كل مشاركات الخوة في المنتدى (مشاركات اكثر من رائعة) كل شخص عندة رأي وانا اتفهم هذي الأراء (واحد معاة عائلة من 5 اشخاص، واحد معاة صديق، واحد مع زوجتة) ف من الطبيعي اختلاف الاراء، وفي وسط هلأختلافات الصراحة ضعت.
علشان نسهل الموضوع: الفنادق، حرام اني اسكن ب اكثر من 600 في الليلة وفي نفس الوقت ما ابغي فندق فية اشياء تتحرك على الارض ولاصقة بالسقف....
وشكرا جزيلا لكم

السلام عليكم ...
حياك الله اخوي magma والله يفكك من الحيرة
مدتك 20 يوم ...يعني 19 ليلة ... صحيح ... اجل نقسمها .
هدفها ... شهر عسل صحيح ..اجل اكيد شخصين
استفساري مش في مكانه الله يهنيكم ويسعدكم والف
مليون مبروك
رأيي .... وما نستغني ترى عن اراء الاحبة
سلانجور ... الخيول الذهبية 2 ليلة .
لنكاوي ... لنكاوي لاقون 3 ليلة .
بينانغ ... رايا ساينغ شانغريلا 3 ليلة .
كاميرون ... اكواتوريال 2 ليلة .
جنتنغ ...عاد هذه ترجع لك بغيت تبات فيها او بغيت
تطلع لها من كوالا تمشية يوم ...ان كنت من عشاق الملاهي
والترفيه والالعاب اجل بات فيها وان ماكنت تطيقها اجل
انزل لكوالا مباشرة ويوم تمشية لها ... تراها مش تابعة
للعاصمة ولا حتى للولاية نفسها وساعة روحة ومثلها رجعة
والحمد لله ...
ان بغيت المبيت اجل عندك فندق جنتنغ .
وباقي المدة تخليها للعاصمة ....منها تماشي وتسوق
وشراء هدايا ...الخ ..فنادق العاصمة كثيرة والخيارات
ياكثرها ... تبغى شيء فخم ... اجل في رايي انك تاخذ
بماندرين اورينتال ..وان بغيت شيء فخم ويكون على شارع
العرب اللي اتقع سمعت عنه او قريت (بوكيت بينتانغ )
عندك الويستن روعة وعندك ماريوت وبعده يجي ريجنت .
عشان لا تحتار رأيي الويستن مباشرة ان بغيت على شارع
العرب وان بغيت الفكة من شارعنا اجل ماندرين اورينتال
هذا ان بغيت الفخامة .
لو تحدد لنا اسعار الليلة اللي تبغاها كان سهلناهاعليك اكثر
وفي فنادق سعرها النصف وتعتبر فخمة ولكن ماتساويها
باللي ذكروا وخاصة انك في شهر عسل
سؤال وجيه .... اخذ الخدمات كلها من المكتب ولا كيف
وش هي الخدمات ... تذاكر الطيران هذه عاد لابد منها ...
وحجز الفنادق ... دام انكم شهر عسل وبداية حياة خذوها
من هنا احسن لكم ويكون مؤكد وتريح بالك ...يبقى لك شيء
واحد اللي هو المواصلات ... الموظف اللي قلك انه من ماليزيا
ارخص تراه امين ...صادق ...هناك تتعامل مع الشخص مباشرة
ومابينكم وسطاء فتعطيه حقه وهنا يأخذ حق السيارة وحقه هو
وبعدين ماتدري اللي يوفره لك المكتب يناسبك ولا لا ...يكون
دمه ثقيل او يعصب بسرعة او ما عنده معاملة تصير زي الربطة
والورطة ...غير انك تدور واحد طيب بنفسك ويناسبك وما تدري
ممكن تصيروا اصدقاء واخوة وترى الحبايب حطوا ارقام سواقين
هم مجربينهم فخذها ودام انه مجرب احسن من اللي ماتعرف عنه
شيء مرة ...
وبعدين بعض الفنادق مانضمن لك الشيء اللاصق
يعني نجي بيته وكمان نطرده .. اش ذنبه هو وترى يحب
يشوف العرب لانه خشومهم واقفة وتراه في الليل يغني
ترحيب ولا تتوقع انه يزعجكم
الوزغ تلقاه اكثر بلنكاوي ... ولكن ان شاء الله مايصادفك
وترى وزغهم يتروش كل يوم وعندهم امطار فجسمه نظيف
اما اشياء تمشي من تحت ان شاء الله مايصادفك
خبرنا وش رايك في البرنامج ... وعاد زود ونقص بكيفك .
الخيول الذهبية ... جوها مثل العاصمة وجنبك بخيرة .
لانكاوي ... جزيرة ... اجل اكيد بحر .
بينانغ .. جزيرة ...بحر ... شكلك ما تحب البحر .
كاميرون ... مرتفع ودنيا خضراء وشلال وحدائق وجو .
جنتنغ ...مدينة ترفيه بمرتفع .
كوالا ... العاصمة ومعروفة .
وحيكون عندك متسع بكوالا ..اجعل يوم طلعة لافاموسا واتمنى
ترجع لرحلة اخونا الاتجاه المعاكس بخصوص افاموسا .
وان بغيت تغير شيء بشء اجل خبرنا ونتعاون فيها .
واعيد اننا مانستغني عن اراء احبتنا الكرام
اسفين على الاطالة ... واعذرني استخدمت لهجة عامة
كأني بالبيت لاجل اخذ راحتي اكثر ومنتدانا بيتنا
تحياتي لك اخي الكريم ورحلة سعيدة بأذن الله والسلام عليكم

اخي الشعيبي شكرا جزيلا لردك ونصائحك القيمة،
امس لما رحت اسال عن تذاكر الطيران في وقت الرجعة كلها مليانه (السنة الجديدة) يحني احتمال الرحلة 21 لليلة.
اما عن الفنادق (فندق الليلة اكثر من 500 صعب اني اقتنع فية خاصة وانة طول اليوم بكون برة) ،الخيول الذهبية من كثر ما قرأت عنة ودي اسكن فية، في لنكاوي ناس تمدح الشيرتون وناس لاقون باخذ برايك ونروح لاقون، بيننانج اراء كثيرة لكن بعد باخذ بنصيحتك ونروح اللي قلت علية
http://www.shangri-la.com/eng/frame.asp?top=/eng/hotel/nav.htm&main=http://www.shangri-la.com/eng/hotel/28/index.htm
هذا هو، صح؟
كاميرون ما كانت في بالي بس احطها في عين الاعتبار ونتوكل على الله ونروح،
كوالالمبور، اكثر من شخص نصحني بالمندرين، مكتب نصحني بالسوس جاردن والثاني بالريناسينس، اما شارع العرب ما ادري الصراحة، بما ان المدة بتكون اكثر من اسبوع يعني مهم الفندق يكون سعرة مناسب، مريح جدا، وقريب من معظم الاماكن (يعني مو علشان علبة بيبسي ناخذ تكسي) والاهم من هذا كلة الامان. حاليا انا مايل ال المندرين لكن اذا كان السعر مرتفع يمكن افكر في الخيارات الثانية. من ناحية المواصلات اعتقد اني بأحتاج الى طيران داخلي، هل يكون مع الحجز ؟
آسف للإطالة وكثرة الإسئلة، لكني لازم احجز خلال هالايام او ما احصل حجوزات.
شكرا مرة ثانية،

1. بس ودي اضيف بعض الاشياءات لاخونا magma


2. اخوي حياك الله دي اضيف لك بعض الاشياء


3. لنكاوي لاقون 3

السلام عليكم
ماشاء الله عليك يالشعيبي دايما ردودك مفعمه بالحيويه والتفصيل وتريح البال والعين والخاطر الله يخليك لنا عشان نتعلم منك المزيد عن ماليزيا الساحره

بس ودي اضيف بعض الاشياءات لاخونا magma

اخوي حياك الله دي اضيف لك بعض الاشياء

بالنسبه للمده اعتقد بانها طويله وبما انك مارح تروح لاكثر من اربعة اماكن افضل انك تقللها وتخليها 16 ليله يعني 17 يوم وصدقني انك لو قعدت اكثر من كذا راح تمل الا اذا رحت لولايات غير المذكوره فمااعتقد انك بتمل
بالنسبه للخيول الذهبيه لاتفوت هذا الفندق زي ماقال الغالي الشعيبي وترى ليلتين فيه يكفون يوم تروح فيه مجمع الماينز المائي مع اني ماانصحك تشتري شي من البدايه وتخلي المشتروات اخر الايام . وتروح بنفس اليوم ملاهي الوندر لاند وايضا هذي يبيلك فيها ساعتين الى ثلاث سعات بالكثير.وثاني يوم تروح بحيرة بترجايا وتقدر تشوف صور لها في موضوعي..
بعد الخيول تتجه للمطار للتوجه الى لنكاوي ولاتروح لها الا بالطياره.وتقددر تحجز للطياره من المطار اول ماتوصل كوالا وعلى الطيران الاسيوي لانه ارخض من الماليزيا.احجز رايح جاي...لنكاوي لاتسكن الا في فندق لنكاوي لاقون ...زانا اخذت فيه شاليه على البحر بسعر 520 ريال وبالنسبه للحشرات والبتاع ماشفت منها ولا شي من جيت الين مشيت....ولنكاوي تكفيك فيها ثلاث ليالي بالكثير..هذي خمس ايام..بالنسبه لبيننق هي مشابه للنكاوي ودامك بتروح لنكاوي مايحتاج تروح لها لاني اعرف ناس راحو للثنتين وقالو بييننق ماتصلح بسبب كثرة الصينين فيها وذولي انجس ماخلق ربي ويكرهون العرب واللي يروح لنكاوي لايروح لها..هذا مجرد رأي ولايهون اخوي الشعيبي...طبعا ترجع من لنكاوي لاقون الى المطار للعوده الى كوالا وتراه الفندق قريب جدا من المطار مسافة خمس الى عشر دقائق بالكثير....طيب هذي خمس ايام..ترجع لكوالا وتتوجه الى كوالا وتسكن في فندق مندرين ارينتال وقيمة الليله 390 ريال هذا في الوقت اللي رحت انا فيه بداية سبتمبر والاسعار والحجوزات عن طريق اخونا ابو غدي( تعال ابو غدي ماشفته من زمان.. وينه؟) او زي ماقالك اخوي الشعيبي تقدر تروح فندق ويستن وانا اشوف ان ويستن افضل لان مكانه حيوي وقريب من كل شي ..وتقدر تسوي مثلي تسكن ثلاث ليالي في مندرين وباقي الايام تسكت في ويستن ...يعني تقعد في العاصمه سبع ليالي واظنها كافيه جدا لانك بتروح خلالها تزور الاماكن اللي تسحق الزياره ..وبالنسبه لجنتنق روح اذا حبيت لها في يوم واحد رحه ورجعه وتكلفك بالتاكسي 200 رينقت بس والسكن فيها مايستهال دامك مع زوجتك بس لان مافيها غير ملاهي بس .. ولاتنسى تروح سنوي لاقون لان المجمع اللي فيها عجيب واسعاره رخيصه جدا واذا تبي اسكن في فندق سنوي لاقون مع اني ماانصح فيه لانه صار قديم وماعجبني واذا بروح ماليزيا ان شاء الله ماني بساكن هناك بس بروح المجمع اللي فيها يوم وارجع وملاهي سنوي لاقون رغم انها افضل من ملاهي افاموسا واكبر ولكني افضل ملاهي افاموسا لان ملاهي سنوي لاقون زحمه بينما افاموسا فاضيه على الاخر وتاخذ راحتك وان تسبح وتبلبط واذا بتروح افاموسا انصحك تسكن فيها لان فيها فلل عجيبه وانا تندمت اني ماسمعت كلام اخوي الشعيبي وماسكنت فيه وتكفيها ليلتين في فيلا بالمسبح بسعر 470 ريال حسب كلام الشعيبي ايضا ..طيب سبع ليالي وخمس وثنتين .....هذي 14 ليله..بالنسبه لكاميرون انا مارحت لها لان طريقه مخيف حسب ماوصلني من بعض الاعضاء وبعض الاصدقاء وعشان كذا خفت على زوجتي وهونت والا هم ينصحون بزيارتها وخاصه الشعيبي ولكن عليك تحمل طريقها االمرعب...واذا بتروح روح صايم عشان ماترجع اللي كلته وخل عين زوجتك مغمضه .لاني خويي تعقد من طريقها من صراخ زوجته ....لو بتروح كاميرون ليلتين وهذي 16 ليله. واليوم ال 17 تكون عائد الى بلدك اعتقد ان هذا كافي جدا لشهر عسل.
اذن برنامجي المقترح هو
الخيول الذهبيه 2

لنكاوي لاقون 3

كوالالمبور 7 ليالي تزور خلالها سنوي لاقون وجنتنق وحديقة الطيور والفراشات والشلاللات والكثير من الاماكن السياحيه الجميله التي تملأ ماليزيا
طبعا اذا رحت كوالا وسكنت اول ثلاث ليالي في مندرين تروح بعدها افاموسا تسكن ليلتين وهي تبعد عن العاصمه ساعه ونص تقريبا وبعدين اذا رجعت منها تسكن في ويستن الاربع ايام الباقيه ولكن لو تبي تروح كاميرون الشعيبي يقدر يحطاه لك في المكان المناسب
اهم شي لاتروح المجمعات والملاهي والاماكن اللي تتوقع يكون فيها زحمه يومي السبت الاحد لانها اجازه عندهم وراح تنقرف من الزحمه اللي عانيت منها يوم رحت احد المجمعات..مدري اجازتهم السبت والاحد او الجمعه والسبت او الاحد والاثنين....الاجابه عند الشعيبي
اذا ودك تزود الايام تقدر تروح ولايات اخرى وتقدر تاخذ معلومات اكثر من الشعيبي او روح جزيرة تيومان اذا في حجز عليها لانها عجيبه حسب مافهمت بس زي ماقلت لك لنكاوي كافي عليها 3 ليالي وافاموسا والخيول ليلتين وكاميرون حسب ماسمعت ليلتين وكوالا انا قعدت سبع ليالي تسوقت في اربع ايام منها تقريبا واظن انها كافيه.وان زادت بتبيخ
طبعا افضل انك تاخذ لك تاكسي في كوالا يكون سائقك الخاص ويوديك كل مكان واذا جيت تروح لنكاوي خذ معاك شنطه هاند باك في بعض الملابس الخفيفه عشان تكون خفيف وخل شنطتك عنده الين ترجع من لنكاوي مثل ماسويت انا
اذا تبي ارقام السواقين اللي تعاملت معاهم في كوالا ولنكاوي اعطيك اياهم وتراهم امينين وطيبين ودقيقين جدا.
اتمنى يكون كلامي مفيد لك وفي النهايه القرار لك واتمنى لك رحله سعيده والله يوفقكم
تقبل تحياتي

شكرا جزيل الشكر على نصائحك القيمة،
اتفقنا على اول ليلتين في الخيول(غرفة ديلوكس، سعر الانترنت 390) بعدها بالطائرة الى لنكاوي السكن في اللاغون (الغرفة ديلوكس مطلة على البحر، سعر الانترنت 510)، لمدة ليلتين او 3 ليالي بعدها نرجع الى كوالالمبور في المندرين (غرفة ديلوكس مطلة على الحديقة، سعر الانترنت 480) لمدة 7 ايام، بحسبة بسيطة مجموع مصاريف السكن لمدة 12 يوم هي 5900 مبلغ مرتفع بالنسبة للمدة والوجهة!!!!!!.
السعر المرتفع للسكن مو بالضرورة معناة الخدمة الممتازة بدليل كلام الاخوان في المنتدى عن بعض فنادق الخمس نجوم ذات المستوى الهابط لان نظام النجوم معناة مواصفات الفندق (4 مطاعم عالمية، مغسلة 24 ساعة، مطعم واحد على الاقل 24 ساعة، خط دولي، صالة رياضية، سونا، جاكوزي...).وهي مميزات لم ولن استفيد منها (اتمنى ان اكون قد اوصلت الفكرة بشكل صحيح، المسألة ليست بخل او حرص على المال، ولكنها صرف بشكل معقول وبسبب)
بالنسبة للمدة :حجز الطائرة 22 يوم، يعني اقدر ازيد المدة عن 22 بس ما اقدر اقللها.
اتمنى اني ما اكون ازعجتكم، شكرا مرة ثانية لتعاونكم.
وبانتظار الردود....

1. هلا اخوي ماقما( صح الاسم كذا؟)

السلام عليكم

هلا اخوي ماقما( صح الاسم كذا؟)

اخوي خذ راحتك وترانا كنا زيك قبل مانسافر وانا طلعت الشيب بالشعييبي من كثر ماسألت ولذلك الحمدلله تكللت رحلتي بالنجاح ورجعت وانا مبسوط على الاخر ...
بالنسبه للفنادق اللي ذكرتها اوكي وصدقني مارح تندم ولكن اذا جينا للتوفير ودفع المال انا معاك وبالنسبه لي لو رحت مره ثانيه ان شاء الله مارح اسكن فيها لان في نفس مستواها بس ارخص بكثير بس قلت شهر عسل خلنا نخربها...
انا اقدر افيدك بشي
بالنسبه للخيول السعر اللي اخذته انا 320 لليله غرفه ديلوكس مطله الى الحديقه والبحيره.....وهذا شر لابد منه يعني فيك فيك لازم تاخذ الفندق لانه مايتفوت
بالنسبه للنكاوي برضو فيك فيك والسعر اللي اخذته انا 520 ريال يعني مثل سعرك واعتقد مارح تلاقي فندق بمثل سعره واذا تبي ارخص اجل خذ غرفه بنفس الفندق ولكن بتندم لما تشوف الشاليهات لانها فوق البحر مباشره
اما بالنسبه لكوالا فاذا بغيت توفر تقدر تحجز في فندق بارك رويال لانه فندق خمس نجوم ومكانه بشارع العرب وسعره حسب اسعار اخونا ابو غددي 270 ريال في الليله يعني فرق 120 ريال عن مندرين ولكن انا ماسكنت فيه بس سمعت انه ممتاز وينافس الفنادق الباقيه والله اعلم...وبيني وبينك الفندق مش مهم لانك بتكون طول يومك برى الفندق وعشان كذا احجز في بارك رويال وعطنا رايك لاني معزم احجز فيه السنه الجايه ان شاء الله اذا رحت.
بالنسبه للحجز ياانك تشوف لك حل وتقلل المده يعني تدور عوده قبل هالمده او انك تضيع المده في اماكن اخرى مثل بيينق وكامرون وتيومان والقرار بيدك واذا تبي نصحيتي قلل المده دامك تبي توفر وحط الفلوس اللي بتدفعها في الايام الباقيه في التسوق وانا اشوف انك ترجع محملا بما ثقل وزنه وقل ثمنه احسن من انك ترجع خالي او معاك القليل من المتاع.
القرار بيدك وانت ابخص واي خدمه حاضرين لعيونك .
تقبل تحياتي
احنا نطرح الراي وبس ...