نورة الشمري
27-05-2022 - 02:59 pm
الى خبراء ماليزيا ودي اسأل عن المطاعم هناك ويش تنصحوني فيه خاصة وانه ذوقي مرة صعب في الاكل يعني بالعربي مو اي شي اكله فيا الله عاد تكفون عطوني رايكم لاني مسافرة الاسبوع القادم وبعد باثقل عليكم بس ودي اسأل عن فندق فيرست وورلد في جنتنغ ويش رايكم فيه ويعطيكم الف عافية
بالنسبة لكوالا لمبور
المطاعم العربية في شارع العرب (بوكيت بينتق)
كثيره عند ك مطعم الطربوش والمطعم الايراني ومطعم خيمة الصحراء والمطعم اللبناني
وغيرها وكلها تقدم اكلات عربية
وفيه مطاعم الوجبات السريعه قريبه جدأ منها ( كنتاكي , بيتزا هت , ماكدونالدز)
كل هالمطاعم جنب بعض
عني انا جربت هالمطاعم العربية ولا عاد صرت احرص عليها بسبب الزحمة والتغيير زين
فيه مطعم جميل جدا ( بس لازم حجز قبل , لو حبيتو الفندق يحجز لكم ) ويقدم عروض مسرحية وقريب من شارع العرب تحت فندق البرنس تقريبا يعني خمس الى عشر دقايق على الرجلين من فندق الماريوت اللي في اخر شار العرب
وبوفيه مفتوح فيه اصناف واصناف من كل نوع وشكل
طبعا الطلعة والعشاء بها المطعم بحد ذاتها برقرام ليلة
اسم المطعم ( سري ملايو )
وهو ممتاز وعن تجربه
هذا اللي عند ي والاخوان مايقصرون
ورحلةموفقه انا شاء الله