السلام عليكم ..
المختصر المفيد لطالبي التأشيرة من الرياض ...
أولاً :-من عند بوابة السفارة تاخذ نموذج للتعبئة يحتوي على بياناتك وأسباب سفرك و ..الخ
.يعطيك إياه الحارس السوداني وذلك بعد أن يأخذ منك بطاقة أحوالك ويعطيك كرت دخول ..
بعدين تصعد الدرج الخارجي اللي على اليمين ( مكتوب عليه استخراج التأشيرات أو شي زي كذا )
إذا دخلت تعبي النموذج وتصف سرا مع الصافين ..
ثانياً : ماذا يطلب الموظف المختص ؟؟ أنا أعلمك :
1-الجواز ( وشيكوا على مدته يعني لازم يبقى فيه أكثر من 6شهور)
+ 2- صورة من التذكرة .
+3 -صورة شخصية واحدة يدبسها هو على النموذج. .
+4- النموذج اللي عبيته ..
+5- يعطيك نموذج إيداع 200 ريال على البنك الهولندي .. ويقول سدد وتعال الحين ( الآن)..
+6- وين أقرب فرع لهالبنك الهولندي ؟! .. أبشرك .. بجانب السفارة ، إطلع مع باب السفارة الخارجي ولف يسار سبعة وثلاثين خطوة وأنت عنده .. سدد مائتين عند البنك وخذ معك صورة الإيداع وارجع للموظف اللي عطاك أو اللي جنبه وعطه إياه ..
+7- بيقول لك تعال بكرة من الساعة الواحدة إلى الثالثة ظهراً علشان تستلم جوازك مفيز
ويعطيك وريقة صغيرة علشان تراجع بها بكرة..
ملحوظة مهمة:
( وقت استقبال الطلبات من الساعة 9 صباحاً إلى 12 ظهراً)
(وتسلم الجوازات مفيزة من الساعة 1 إلى 3 ظهراً )