لقد كان الماس مناحي شاباً لطيفاً يعيش في الصحراء مع شيبانه ( عجيّزه و ابوه ) .. يرعى الابل ويحلبها ويسقي شيبانه كل صبحيه من ذيك الغضاره اللي كنها قدر ذبايح !! ,, واذا صك شيبانه الجوع ! نقز الماس مناحي مثل الذيب وذبح له واحد من القعدان وصلخه وجابه لشيبانه يفطرون على كبدته ( كبده حاشي ولا اروع !! ) ويطقطقون مقلقل على خفيف ( يسمعون بالرجيم !!) واذا جاء وقت الغداء اذا بالماس مناحي مزهبن لهم ذيك الضلوع اللي يحبها قلبكم على صحن من الرز المندي بين قوسين مثلوثه غوزي !! ,, واذا امسوا شيبانه !! صكهم بذيك المرقه المخلوطه بشوي لبن على فنجالين مويه !! يا لطيف وعلى طرف الصحن راس القعود !! فإذا تعشوا شيبانه وذهبوا الى النوم !! نقز الماس مناحي مثل الذيب كي يتاكد من ان كلاً من شيبانه قد تلحف جيداً بين قوسين تغطى مضبوط بالجاعد ومن ثم يذهب يصك ابوها نومه الى اذان الفجر ! ومن ثم يقوم يعاود يومه بنشاط بعد ان يصلي فرضه !!
وفي يوم من الايام !! جاءهم خوالهم من المدينه ,,, واذا بولدهم شادي !! طاق ام الجنز الازرق اللي تقول مغسول بكلوركس ورايح لونه !! !!واذا بالماس مناحي يصيح من اعلى الجبل وهو فوق ناقته الهدباء ... ويقول : وش عندك يالمصري !!! ابك انت تباني ادوسك دوس !! ... يقوله انت يالماس مناحي الى ابن خاله انت يا شادي !! جهلاً منه !! ( ما درى انك انت يا شادي تصير ولد خاله !! ) وعندما نزل انت ياالماس مناحي من اعلى الجبل حيث كان يرعى الابل ويحلبها لشيبانه !! نزل الى شادي وساله بالبدوي الكح : ابك انت يالمصري ما تسمع وشني اقولك اولا !! فاذا بشادي يرد عليه قائلاً : ابك انا ولد خالك صداح يا مناحي !! فاذا بالماس مناحي يصك امها بكيه !! ويقول : شيدي !! ولد خالي!! فيرد عليه شادي : ابك شادي يالخبل ماهو بشيدي !! ...
يوم وراء يوم !! حبيبي ما قاني نوم !! حبيبي واديني قيت !! ... معليش غلطة مطبعيه !!
يوم واء يوم ,, و ولد خاله شادي يوسوس عليه ويقرأ فوق راسه !! ويقول له : انت ما شفت جنة الله في ارضه ؟ فاذا بالماس مناحي يتعجب ويقول : وش احلى من ذيك الطعوس اللي ترد الروح يالخبل ! !! عاد في الدنيا كلها احلى منها !! .. فاذا بشادي يرد عليه بلكمه خطافيه قائلاً : ابك انت مهبول !! اي طعوس واي غبره!! اقولك جنه تقول لي طعوس !! ........
انقلب راس رفيزنا انت ياالماس مناحي ,, وقام يقلبها ويصلزها يمين ويسار !! يفكر في كلام ولد خاله شادي !! - صار يقول يا ولد !! وش قصد شادي بجنة الله في ارضه !! وش بحسن من ذي الطعوس اللي ترد الروح وذيك القعدان اللي كنها دينصورات من زود النعمه والرعيان !!
وفي يوماً من الايام !!! اذا بالماس مناحي !! ولا اقولكم خلوها بكره احسن ....
غداً الماس مناحي في نفس هذا الوقت
ترقبوها !! لا تفوتكم ..
الماس مناحي
يومياً طيلة ايام شهر رمضان المبارك على قناتكم المفضله المسفرون العرب
من السبت الى الخميس - الساعه الثامنه مساءً
الجمعه - برضه الساعه الثامنه مساءً