نايف
10-10-2022 - 04:39 pm
السلام عليكم ورحمة الله وبركاته
رحت البحرين من اسبوعين تقريبا ً
وبصراحه قريت عن عذاري هنا وقلت ياولد خل اروح انا والمدام
رحنا وتمشينا ومرينا السيف (ماركة مسجلة لكل سعودي يروح البحرين) ومرينا السينما شفنا فيلمين اكشن بس يحومن الكبد
وتعشينا برنديفو بوفيه مفتوح طبعا ويابلاش الشخص ب 45 مع المشروب وكل الين تشبع وطعم ولا ألذ ماشاء الله واحسن مافيه بعد اللوحه اللي حاطينها(شكرا لعدم التبذير)
ومن بكره رحنا الى ملاهي عذاري
وشقول وش اخلي
ملاهي رهيبه وحلوة وممتعه
لعبت فيها الين قلت بس
بس المدام خوافه مالعبت
بصراحه اللي مايروح لعذاري تراه ضايع
وطريقها سهل جدا
اول ماتدخل البحرين امش على طول
لاتلف لايمين ولايسار
على طول
تجيك على اليسار واضحه زي عين الشمس
خذ يوتيرن وارجع وامسك يمين وادخلها
رسم الدخول ب 12 ريال ونص الشخص بخمسه ريال انا وزوجتي عشره ورسوم بطاقه دخول ريالين ونص
وتعبي البطاقه الكترونيا من الكشك حق التذاكر بكل مكان
الالعاب الكبيره بعشره ريال والصغيره بخمسه ريال
جلسنا فيها 3 ساعات ونص وطلعنا
استمتعنا والحمدلله
ادعوكم لزيارتها اذا رحتوا لها
بالتوفيق
والله دايمن نمر ملاهي عذاري بس مايجي ببالي نلعب فيها
احسها من برا مره قديمه