نشر في الصين

اللي قد سافروا للصين الحقوا علي ياأنا يالصين

ذبحني غلاه

12-08-2022 - 10:18 pm

اهلين ...
بالشابات والشبان..
شوفوا انا حلم حياتي اسافر برى وخصوصا للصين...
لكن ابو الشباب ماعنده امل يسافر بي للشرقيه عشان يسافر للصن.
الموهيم ..
تهاوشنا وطقاق وصياح ع السفر...
وبس يرد علي وش فايدة السفر بالله وش اجاوبه..
احمدي ربك سافرت بك لشهر العسل.,..
طبعا اكيد الكل بيسال وين شهر العسل..؟؟؟؟
لايروح بالكم بعيد:112::112:
للشرقيه و3 ايام بعد وياليته في فندق صاحي ...
ياربي الموهم طلعت من النفاس قلت اكيد انه مسوي لي مفاجاه سفره للصين ...
رجعت لبيتي وانا ع احر من الجمر
استناه يبشرني بعد شهر قلت له ماحجزت للصين.
قال اي صين بعد احمدي ربك اني سافرتك بك للشرقيه..>>>ياهالشرقيه
جدتي اللي تكره الطلعات تقول بسم اله وراك ماتروحين ابد..
الكل يسالني وهو ماعنده في احد..
بعد سنتين من الزواج و الاقناع ...
ابشركم كانه بدى يقتنع
بشروط::::
1- يروح يجيب بضاعه لانجري.
2- يروح يجيب بضاعه كمبيوترات ديل وماديل وايسر .
3-يروح يجيب بضاعه شنط وجزم وملابس ماركات تقليد واواني.
طبعا هالبضاعه اسوقها له انا في المنتديات عشان حالته ع الحديده
فياللي رحتوا للصين اسعفوني بالمعلومات التاليه>>>قلبت عربي من الفرحه
ولاتخذلوني اخاف يجيني حاله نفسيه....
طيب :
1- علموني ارخص رحلة تذكره لصين وبكم...
2- خطة الرحله: بشرط ارخص المدن الصينيه شقق وكل شي.
3- يبغى بضاعه (كمبيوترات ديل وغيره -شنط وجزم وملابس ماركات-لانجري)) بس ارخص شي...وكم اسعار هالاشياء عندهم
ياشبان وشابات : اهم شي الرخص..
انتظر ردودكم عشان نسافر ومتى افض وقت نسافر...
يالله بسرعه
سجلت عشانكم

التعليقات (9)

ذبحني غلاه

13-08-2022 - 01:04 am

gz_china والاخ عاصي نجد
افيدوني بالسفر للصين بخصوص الاحذيه والشنط ولانجري وكمبيوتر والاواني
وين الاقيها في اي مدينه؟؟
واذا اشتريتها عادي اشحنها لما اسافر ولاكيف؟؟
واقل سعر تذكره للصين ؟؟
كم ومن وين؟؟
وياليت تعطوني خطة للسفر ؟؟
هل يكفي 10 ايام او 14؟؟
طبعا الرحله 70% تجاريه
والف شكر لكم

اسيرالدوحه

13-08-2022 - 02:05 am

السلام عليكم اختي ...
ماعندج الا غوانزوا ...
هي المدينة اللي تبينها ...
وجنبها ..
شينزن ... مدينة الالكترونيات ..
جونشان ... مدينة الاضاءة ...
فوشان ... مدينة السيراميك والادوات الصحية ...
شونده ... مدينة الاثاث ...
بالتوفيق اختي ...

khaled-22

13-08-2022 - 03:06 am

صباح الخير الله يوفقكم
ملحوظه بالنسبه الكمبيوتر انا بقيت اجيب بس تفجأت ان الكى بورد صينى ونجليزى فقط يعنى لاب توب ما ينفع 0000 دربالك من الشغله ---اما بالنسبه للجزم سوقهم معروف والشنط فى كوانزوا
بالتوفيق

ذبحني غلاه

13-08-2022 - 04:07 am

معقوله منكم
1مشاهده ورد واحد؟؟؟
مشكور يااسير الدوحه..
ويعطيك الف عافيه...
بانتظار البقيه..

عاصي نجد

13-08-2022 - 05:08 am

اختي الكريمه
ذبحني غلاه
لكم
1-اذا كنتي تقصدين الابتوب في الكمبيوترات السعوديه ارخص
2-اكسسوارات الكمبيوترات شنزن وجوانزو
3-الاحذيه التقليد والشنط جوانزو
4-الشحن تتكفل به شركة الشحن يكون عندهم مستودع ويقوم صاحب المصنع او المحل بايصالها اليهم
5-اقل تذكره من دبي ال جوانزو الطيران الكيني (ما انصح فيه)او الطيران الصيني

ذبحني غلاه

13-08-2022 - 06:09 am

انا اقصد الاكسسوارات اللي نلبسها..
وكم سعر تذكرة دبي ...
طيب اسره للاطفال ..وين احصلها
اللابتوبات ارخص السعوديه.؟؟؟
تحملني وغثاثتي

نواف 1

13-08-2022 - 07:10 am

أختي : ذبحني غلاها
أتمنا لكم رحلة ممتعة
إضافة بسيطة لوسمحلي أستاذي ومشرفنا الغالي عاصي نجد
أفضل خطوط الإماراتية _ الخطوط القطرية
وهذه دايركت من بلدها مع السؤال عن الإماراتية ممكن يكون فيه ترانزين بلد أخر
أما القطرية على طول غوانزو _
كذالك ممكن زيارة( أيو ) تراها مدينة فيها الشيئ الكثير والأسعار المناسبة في مجمع الفوتيان
دمتم بخير

ذبحني غلاه

13-08-2022 - 08:11 am

اخوي نواف
الله يجزاك الف خير...
طيب كم اسعار كل رحله؟؟
وبالنسبه لايو كم تبعد عن كوانزو .
وكم يكفي لزياره كوانزوا وايو من يوم؟؟
ثقلت عليك..
لاتحرمني من رايك السديد..

fahad9900

13-08-2022 - 09:12 am

اختي الكريمة
المنتدي غزير بمعلومات وتجارب اتوقع تفيدك وتغنيك
ولكن حبيت اعلق علي نقطة ارخص شي.. انتبهي تركزين علي البضائع الرخيصة .حاولي تركيز علي البضاعة الجيدة والغير متوفرة في اسواقنا حتي تجد قبول لدي المشترين
اسواقنا مليانه بالاشياء الرخيصة..واذا انتي جبتي رخيص فماراح يكون عليه قبول مثل ماتتوقعين..بل اخشي انه يجلس عندك وماينباع
نصيحة اول مرة اعمليها للاطلاع والدراسة.ومافي مانع تاخذين عينات وارقام المحلات وتطلبي بعد ماترجعين وتتاكدين ان البضاعه عليها طلب وفيها فايدة
تمنياتي لك بسفر سعيد وموفق

الصين المسافرون العرب

اللي قد سافروا للصين الحقوا علي ياأنا يالصين