اهلكني هواها
24-01-2022 - 03:40 am
السلام عليكم ورحمة الله وبركاته
حبايبي انا محتاج مساعدتكم
ابغا اقضي شهر العسل في ماليزيا بمشيئة الله
زواجي بمشيئة الله يوم 8/8 1432
وماعمري سافر خارج السعوديه ابد
وميزانيتي مع قيمة التذاكر 20000
ابغا مساعدتكم في هالنقاط
1. متى احجز وعلى اي خطوط
2. 20000 مع خصم قيمة التذاكر منها ... كم اقدر اقعد يوم في ماليزيا
3. برنامج شهر عسل رائع وممتاز جدا
4. افضل الفنادق الفخمه والمعقوله (( مو شين ولا عادي ابغا فخم معقول ))
بالعربي الفصيح انا ما ادري وش اسوي
ابغا انسان يعطيني الخطوات من الالف الى الياء
وله مني الدعاء ان شاء الله
يعني لو كنت مكاني وش بتسوي من الخروج من بيتك الى الرجوع الى بيتك
ولكم الشكر والدعاء
ومن الآن إلى شهر 8 عندك وقت طويل
كل المطلوب منك تقضي بعض الوقت تقرأ الموضوعات والتقارير اللي في المنتدى
وراح تتعرف على كل شيء في ماليزيا
ميزانيك ممتازة وأنصحك تحجز وتقص التذاكر من الآن علشان تطلع عليك رخيصة
بحسبة بسيطة لو أفترضنا أن التذاكر ادولية = 5000 ريال لشخصين
يتبقى من الميزانية 15000 ريال
ممكن تكفيك لمدة 14 ليلة
مصروف = 400 * 14 = 5600 ريال
للتكاسي والمطاعم وتذاكر الحدائق والترفيه
تذاكر طيران داخلي لشخصين = 1000 ريال
يتبقى للفنادق = 15000 - 5600 - 1000 = 8400 ريال
بمعدل = 8400 تقسيم 14 = 600 ريال لليلة
بتحصل فنادق إقتصادية متوسطة بهذا السعر
إذا تبغى فنادق فخمة يبغالك إما تزود الميزانية 2000 ريال أو تنقص المدة ليلتين
شاور نفسك ورد علي وإن شاء الله أرتب لك أحسن برنامج وأحسن فنادق
لا تشيل هم نحن معك حتى تصل ماليزيا