ياهلا وغلا فيك
يالدوسري
بدايه الف مبروك مقدماا
والله يتم زواجك على خير
بالنسبه لماليزيا
بلد سياحي امن باذن الله
وبالنسبه للحجوزات
حاول تحجز بدري لانك كل ماحجزت كل ماكان السعر ارخص
لان اغلب شركات الطيران يسوون عروض تجي نص السعر لتذكرة السفر
فحاول تبحث من ذلحين
وارخص سعر احجزه
بس ياليت تكون حجوزاتك كلها عن طريق النت ارخص بكثير وسهله مره طريقة الحجز
بالنسبه ثلاث اسابيع احسها واجد حلو اسبوعين
5تكفي وزياده
والله يوفقك باذن الله

حياك الله اخي
ومبارك مقدما
وحلو موعدك بصراحه وغندك الوقت الكافي للحجز باسعار حلوه
انا انصحك بالحجز عن طريق النت
ابعد عن المكاتب ونصبها
كل الحكايه اول شي احجز من الان تذاكر الدوليه
وبعدها حدد لنا كم مده رحلتك والاخوان هنا راح يكونوا خطوه بخطوه معاك
بالنسبه ل 3 اسابيع ب 25 الف ممكن تكفيك لكن راح يكون فيها ضيق في الاختيارات وراح تكون حجوزاتك للفنادق اقتصادية جدا
انا اشوف انه اسبوعين او 16 يوم راح تكون ممتازه ويكفي المبلغ باذن الله
كل ماعليك ابدا بحجز التذاكر الخطوط وبالباقي تتسهل باذن الله
واقترح جدولك يكون
2 سلانجور
3 لنكاوي
3 بينانغ
3 كاميرون
5 كوالا
تحياتي لك
ابو عبدالرحمن

على فكره لابد يكون معاك فوق المبلغ الي راصده 5 الاف كطوارئ

ماقصرو الاخوان
اعطوك المفيد
ولي اقتراح من اخوك الصغير
بما ان المده طويله لو تقسمها بين بلدين
مثلا سنغافوره مجاوره لماليزيا وتخلي اول اربع ايام فيها
ثم بالباص ايرولاين اربع ساعات لكوالا لمبور في ماليزيا
او طيران الاقتصادي

بارك الله لكما وبارك عليكما وجمع بينكما بخير
موفق أخوي وحياة سعيدة وسفرة ممتعة إن شاء الله
المبلغ ممكن يكون كافي وممكن لا... الي يحدد ذلك نوعية الفنادق الي تبي تحجزها لكن كلما تقدم حجزك كلما كان أقل تكلفة

1. بارك الله لكما وبارك عليكما وجمع بينكما في خير

بارك الله لكما وبارك عليكما وجمع بينكما في خير

أنا أيضا أخي الكريم أرغب السفر إلى ماليزيا لأول مرة وكنت كتبت استفسار هنا عن البرنامج وما قصروا الإخوان بعد ذلك سبحان الله صادفت أحد الإخوة عندنا في الحي وهو خبير سفر وبصراحة أعطاني كلام جميل جدا عن السفر لماليزيا ومن ضمن الكلام :
ماليزيا مناسبة جدا للعوائل والأسعار على كافة المستويات أرخص مما تتوقع بكثير , لا داعي أبدا للذهب في برنامج وجروب ووجع راس لأنهم يقيدون حريتك وأنت هناك يمكن يوم ما تبغى تطلع تبغى تنام مثلا وكذا بتروح عليك رحلتهم ولكن أفضل شيء انك تحجز من هنا على الخطوط الماليزية خيال بصراحة حسب وصف الرجال يعني تسع ساعات كأنها ثلاث مع ان أمه معاه وكبيرة في السن لكن ما شاء الله ما اشتكت من أي تعب ..
اذا حجزت من بدري زي ما تفضلوا الشباب قبلي بتلاقي سعر أرخص وبتتحكم فيهم ثم إذا وصلت هناك بإذن الله سوف تجد عشرات المندوبين من الفنادق يستقبلونك لا تعتقد انك بتلاقي هناك أي صعوبة ,كل شيء سهل وميسر بإذن الله للعلم بأن هذا الرجل سافر بأربع زوجات وأولاده ووالدته يعني أسرة كبيرة ولم يحجز من السعودية فندق ولا شيء وحصل هناك الفنادق كثيرة وفاضية مع ان الوقت كان موسم .
بالنسبة للمدن والأماكن السياحية , أي فندق بتسكن فيه بيعطونك قائمة ولائحة طويلة بكل المواقع والمدن التي تستحق الزيارة وانت تختار على كيفك .
هذا اللي أقدر أفيدك فيه الحين وأتمنى لك رحلة سعيدة وزواج موفق
وعقبالنا قريبا بمشيئة الله ,,,
تقبل تحياتي

انا انصحك تحجزز عن طريق مكتب المؤيد يقدر يحجزلك كل شي انت تبغاه ويفهمك لو حبيت
ويعطيك بروشورات للفنادق تدفعها قبل تروح
بالتوفيق

أشكر كل من مر وشرف موضوعي وقدم لي النصيحه
روز2010
مجهول النت
ابوساره11
بركان أحمر
حركات
قهوه الصباح
أشكركم جميعآ وجزاكم الله خير يارب..
انا قررت تكون15يوم الأقامه
بس ولاعليكم امر هل الأفضل اسافر عن طريق شركه سياحيه اولا؟؟؟
لأن خبرتي بالحجز عن طريق النت ضعيفه جدآ
وهل يوجد أرقام سائقين بماليزيا يتكلمون عربي؟؟
ابي سائق يعرف ومجرب
وبالنسبه للطيران الداخلي كيف احجز اذا بغيت انتقل لمدينه اخرى بماليزيا
هل الحجز الداخلي يحتاج وقت؟؟ او مايحتاج
جزاكم الله خير جميعآ

1. 3بينانج


2. 5 كولا

في البدايه احب ان اقدم لك التبريكات والتهاني بمناسبة زواجك والله يجمع بينكم بالود والمحبه على طاعته
وثانيا ماليزيا بلد شعبه كله بشوش وصدقني مارح تتعب كثير وكل الي انت تسال عنه ومتخوف منه راح يكون سهل بالمره اما توقيت زواجك فهو في غاية الروعه والاجواء الجميله فسوف تشاهد الامطار والمناظر الخلابه هناك وكذلك قلة الاسعار
ومن نظريتي المتواضعه انك ماتحجز الا نهاية شهر 11 لان راح تزل عروض كثيره في منتصف شهر 10 بعد عودة المدارس بس بشرط انك تتابع اسعار التذاكر اول باول لان بعض الخطوط فترة العرض اسبوع ولا تنسى ان وقت رحلتك بعد الحج يعني الطيارات تروح مليانه من السعودية بس ترج فاضيه وهذا يقلل السعر واهم شي خذ دايركت او ترانزيت ساعه او ساعة ونص والاهم من كل هذا مقاعد الطائره حاول تحجز الي عند باب الطوارى او الي في النص بعد دورات المياة وانت بكرامه لانها راح تخفف عنك الرحله الطويله علشان يمديك تتمدد على راحتك ولا تضايق احد وحاول انك ترتب لك من الان جدول تقريبي تاريخ الاقلاع وتاريخ الوصول وعدد الايام في كل مدينه ونوع التنقل الداخل بين كل مدينه وانا افظل الطيران اريح بكثير لانك سوف تذهب الى ثلاث مدن خلال 15
اما المده الافظل بحسب الخبراء 14 ليله 15 يوم
2 سلا نجور
4لنكاوي لان الاجواء رمنسيه وجميله والوقت الي راح تكون فيه انت بيكون امطار

3بينانج

5 كولا

اما بخصوص الشركات انا اشوف انها ماتحتاج وارجع واقولك صدقني هناك بتلقى تكاسي يتكلمون عربي بمجرد تاخذ رقم واحد يمكن تحصل منه خمسين رقم يتكلمون عربي يعني كل واحد يعطيك رقمين الى ثلاثه سواقين في كل مدينه من غير الي تشوفهم يرحبون فيك عند كل مطار
الاعضاء هنا مو مقصرين بيمدونك بالفنادق وكذلك انت ادخل على تقارير الاعضاء وشوف الي يصلحلك والانسب لك
5الف حلو ومناسبه لخمسة عشر يوم بس خذ منها 3000 الاف وخلها طوارى 22 الف بتكفيك يعني الفنادق لو بتاخذ حط لها ميزانية 8000 وطيران خارجي وداخلي 6000 ومصورف يومي500 راح تكفيك وممكن تسوي نفس ماسويت انا بالرحله بالمصروف اليومي
جب 14 ضرف صغير وكل ضرف حطيت فيه 500 اليوم الاول صرفت 400 و100 رحلتها لليوم الثاني صار اليوم الثاني 600 واليوم الثاني صرفت 300 و300 رحلتها اليوم الثالث صار 800 واليوم الثالث صرفت 700 وميه رحلتها لليوم الرابع وهاكذا واخر الايام صار عندي مبلغ 2000 واشتريت فيها هدايه
واي خدمه احنا حاظرين ودعواتك لوالدتي بالشفاء والعافيه