almezo
09-01-2022 - 10:57 am
مساكم الله بالخير
انا الان اكتب لكم من فندق اكوتريال .في الكامرون.
لكن الحقيقه الكامرون لاتستحق السفر لها ثلاث ساعات ونصف .. نصفها طريق صعود الى الجبل ..
ماتاصل الفندق الا وانت منتهي ,,, وانواع الدجه في ذا الديره اذا غابت الشمس
العوايل متسدحين في اللوبي مافيه مكان تروح له ... والمطاعم لايوجد الا واحد .تقليد ماكدونالد.. تذهب بالتاكسي ,,, والباقي مزارع شاهي .. وفراوله ,,,,
والفندق يقولون اربع نجوم .... وهو حده نجمه ونصف .. توهقت فيه
الفندق مكون من غرف وشقق .. انا ساكن في الشقق .. غرفتين وصاله
المهم الي يبغى الرومانسيه والعزله والهدوء يزور الكامرون .. والى يبغى الفله وسعت الصدر لايقبل عليها
وجهة نظر خاصه ... وذا الفندق الداج الانترنت عنده ساعه ونصف بسعر10 رنقت ,, ولازم تكون في
اللوبي .وطلبت لاطفالى ثلاث مخدات وثلاث بطانيات والله ان الي في الحراج احسن منها وحسبوها علي يومين 150 رنقت .. اداره هنود تعبانه..لاانصح بالسكن فيه
تحياتي لكم جميعا
بالنسبة لي مافكرت أزورها نهائيا ..