بسم الله الرحمن الرحيم
السلام عليكم ورحمة الله وبركاته
حبايبي عيالي شلونكم عسى اموركم تمام وجاهزين للسفر ؟
أهم شي حالياً الجوازات التذاكر الحجوزات فواتشرات الفنادق
وبطاقات الفيزا والصراف والكاش
الباقي مقدور عليه ان نسيتوه تشترونه من هناك ما عليكم
المهم اليوم ودنا نسولف معكم عن القهوة العربية في ماليزيا
بلد آسيوي ما يعرفون القهوة العربية
وفنادقهم ما فيه الا غلاية وممنوع استخدام الغاز
طيب واللي مدمن قهوة وش يسوي ؟
وبصراحة هناك اللي تشتهي القهوة صدق
خصوصاً لا صرت على بلكونة مطلة على البحر والهواء العليل
اه يا زين الفنيجيل ذيك اللحظات
واللي بعد مدمن جالكسي خذ معك علبة جواهر جالكسي تراهم ما عندهم جالكسي
طيب بقولكم الحل المؤقت يعني يمشي الحال العوض ولا القطيعة
الطريقة الله يسلمكم تاخذون زمزمية قهوة بالحجم اللي يناسبكم
وتاخذون القهوة والهيل والزعفران واللي بالعادة تحطونه بقهوتكم
وإذا رحت الفندق تلاقي فنادقهم كلها فيها سخانات مويه
سخن المويه وبعد ما تجهز تكون انت حاط القهوة والهيل وكل شي بحافظة القهوة
صب عليها الموية الساخنة وسكرها بسرعه وخضها خضها خضها لين تدوخ
وخلها شوي تركد وبعدين اشرب احلى قهوة وتفك راسك المقفل
طبعاً هالطريقة تحتاج معها تحط كمية أكبر من القهوة عن المعتاد
لأنها فرق عن اذا تخليها تغلي على الغاز عن هالطريقة اللي تستهلك كمية اكبر
وطبعاً نبي من ربات البويت النشيطات ما شاء الله عليهم حتى الحجوزات مسوينها
يجربون هالطريقة بالبيت علشان يعرفونها على اصولها قبل يروحون
وبالهناء والشفاء مع اطباق عمو مهند أن تكون وحيداً على جزيرة نائية ...
أهون من أن تكون وحيداً
وحولك كثيرٌ من الناس !