السلام عليكم ورحمة الله ،،،
أخوي المتفائل ... خلك دائماً متفائل
إن شاء الله أمورك تمام ...
بس هل راجعتهم في السفارة أو القنصلية ؟
وإذا إنت مسلمها لمكتب سياحي ...
كان المفروض تقعد على راس مندوبهم وتسأله وش سبب التأخير ؟
الشغلة يبي لها متابعة ، وإن شاء الله تخلص أمورك على خير.
لا تنسى إنهم بدأو هالشهر بنظام (VIS) وهو أخذ بصمات اليدين لكل مسافر ، ويمكن يحتاج مراجعتك لهم لأخذ البصمة !
تقبل مروري ،،،

يارجل وش بصمته ؟؟؟
كلامك خطير جدا
لكن لو فيه بصمه ورا ماعلمنا المكتب اللي بام الحمام

تعقيب .. مهم
نحن قدمنا عبر مركز تاشيرات ام الحمام ولو كان فيه نظام
بصمه كان علمونا المكتب بما انهم مكتب رسمي !!!
الصراحه انك جننتني يارفيقي لعل احد يجي يفيدنا عن الموضوع وعن نظام الزفت البصمه الجديد
نعنبوهم صرنا ماندخل اوربا الا بمعامله وتحقيق وبصمات

المتفائل 112
هلا أخونا المتفائل
يا أخوي الموضوع لا خطير ولا شي
كل المسألة هو إن دول الشنجن بدأت تطبيق نظام البصمة البيومترية بداية من شهر أكتوبر 2012 ، والنظام مطبق على بعض الدول العربية من قبلنا بسنة ، وحنا بدأو يطبقون النظام عندنا هالشهر.
أنا كل اللي قلته هو دام إنهم أخروك ... يمكن (وتحتها خط أحمر) يحتاج إنك تبصم لأنك دخلت على شهر أكتوبر موعد تطبيق النظام وما استلمت تأشيرتك.
وترى الدعوة دقايق وانا اخوك ... وانت متوكل على بيتكم بعدها.
هذا موضوع بخصوص النظام الجديد ، شف هالرابط:
https://artravelers.com
وهذا تعريف عن نظام معلومات التأشيرات (VIS)
شف الرابط باللغة العربية:
http://www.eda.admin.ch/etc/medialib/downloads/edactr/sau.Par.0047.File.tmp/Leaflet_AR.pdf
بالمناسبة ،،،
يمكن لا تحتاج تبصيم ولا شي ويكون حظك إنك مطلع تأشيرة بدون تبصيم ، بس بتبصم لما تجي تطلع تأشيرة جديدة
عساني قدرت أوضح لك الصورة الحين ؟
تقبل مروري ،،،

الاصلي .. بيض الله وجهك .. والله ماقصدي ارفض كلامك بس كانت شغله (لا على البال ولا على الخاطر )
تخبر مرتب اموري ومسافر بعد بكره .. وخفت ياخروننا بسبب البصمه
ولا كان في نيتي اني ارد كلامك .. وانت مقدر ومحترم اخوي الاصلي ..

• *

ابشركم طلعت الفيزا بعد 14 كامله من الاربعاء الى الاربعاء الثالث