يا هلا فيك أخوي وبهل قطر كلهم < أمس أخوي راجع من قطر
بالنسبة للمجمعات بالخبر:
مجمع الراشد
مجمع الظهران
فينيسا مول
الجمعة سنتر
الخبر بلازا وشارع السويكت
وبالدمام:
الشاطئ مول
مارينا مول
بالنسبة لفساتين السهرة عندك فينيسا مول ووصفه سهل أول ما تدخل الخبر بتلاقيه على يمينك وكذلك الجمعة سنتر على شارع الكورنيش
وعندك شارع السويكت مليان فساتين عروس وأقمشة وذهب وكلشي..والوصف بتلاقيه هنا https://artravelers.com/p/re/225458
وبالنسبة لمحلات الأطفال أتوقع موجودة بكل المجمعات خصوصا أكبر مجمعين بالخبر هم الراشد والظهران..
ومبروك اليوكن مقدما

هلا وسهلا بو حور
كل المجمعاات فيها فساتين سهره وملابس اطفال
والمجمعات بالخبر
1- الراشد مول
2- فنيسيا مول مقابل الراشد
3- الظهران مول
4- الجمعه مول مقابل فندق الميريديان
5- مجمع التركي على شارع الكورنيش
وسوق السويكت بوسط الخبر
مجمعات الدمام
1- الشاطئ مول مقابل فندق الشيرتون
2-الدمام مارينا مول مطل على الكورنيش
3-اللواحه مول بشارع الامير محمد بن فهد بالقرب من الاستاذ الرياضي
4-الشراع مول وهو جديد بشارع الخزان واغلب المحلات لم تفتح
5-مجمع بن خلدون على شارع الملك فهد
وسوق الدمام الرئيسي ( شارع الحب ) بالقرب من الاماره
الاحساء فيها ( العثيم مول ) وهو جديد ولم اقم بزيارته
واي خدمه حااضرين وبالسلامه

يامرحبا وسهلا أخي ابو حور
بالنسبة للمجمعات فالشباب ماقصروا
لكني سأذكر لك اسماء المحلات وليس المجمعات
بالنسبة للفساتين
يوجد أكثر من محل متخصص في الفساتين وبضاعتهم راقية
منها محل ميموزا وتجد المحلات في الخبر بالقرب من فندق الميريديان وهي ايضاً مقابله لمجمع الجمعة سنتر
يوجد أيضاً محل اسمه على ما اظن الخطوة السعيدة في شارع فيصل بن فهد بالخبر ( شارع البيبسي )
مقابل لمجمع البندرية
محل ميسان بمجمع الراشد لديه فساتين سهرة حلوة واسعارة مناسبة ( أخوك ذوقه راقي )
بالنسبة للأطفال أفضل المحلات موجودة في مجمع الراشد
منها رباعيات للأطفال ومحلات السواني ومحل ايكيس اسعارهم غالية شوي لكن بضاعتهم راقية وغالبيتها ماركات .
هذا باختصار ما أحببت توضيحه وأي استفسار أنا حاضر وحياك الله مره ثانية .

عز الله كفيتوا و وفيتوا وبيض الله وجيهكم
اخ العاهل البترولي تسلم وماقصرت
busaad الله يحرم وجهك على النار
rheen الله يرحم والديك
بينك روز الله يجزيك خير
عز الله فزعتوا

ماشاء الله الاعضاء عطوك اهم شي بالمختصر المفيد الله يعطيكم العافيه

مجمع مارينا موول في محلات فساتين كثيره انصحك تروح له و اسعاره مادري ما قد جربت

هلا ومرحبا اخوي
انا جربت اليوكن
وطلعته جديد وبعته بعد 4 شهور
يتفكك بسرعه وصوت هواء اذا مشيت اكثر من 100
اقترح تاخذ لك فورد اكسبدشن
في معرض الجزيره وهو وكيل فورد طريق الدمام الخبر الكباري السريع
والله هذي نصيحه وماهي دعايه
ضمانهم وصيانتهم افضل وبحكم مجرب

فارسة الله يجزيك خير
معاذ 2008 اشكرك
مطلع الشمس اشكرك على نصيحتك واهتمامك
بس يا اخوان كم المسافة من الدمام الى الحسا