هلا يا غالي ما شاء الله عليك
دام سالت كم من سؤال معناها انك خبير في ماليزيا قبل ما تسافر وهذه ميزه حلووه
وكويس انك قريت و طبعا استغل 6 اشهر بالقراءه بتصير ترد على الاستفسارات هنا وتكسب لك دعاوي
بالنسبه للجدول راايق الصراحه بس اول فندق تقصد صن واي لاغون ولا بيراميد ؟ يفرق بينهم الاحلى لاغون ثم البيراميد
لنكاوي لاغون ما جربته ولكن انا اعتبره من الفنادق الاقتصاديه ولكن اللي انت شفتها مش الفندق بل لنكاوي لاغون سي فيلا او الشقق المفروشه هذا رابطه
http://www.agoda.com/asia/malaysia/langkawi/langkawi_lagoon_sea_village.html?asq=JzljS%2b0Ap0txE2k%2bCF0YpgZiohFeCU3GaLqjgukZnmIo9GUCCau3zxg8IGriRuzowu0BofSPjIJniEVsF0K0R0v%2bUWK2KW4PhME96S6rdJkhMNkDcxZyMkdLWLMHFD1mP1yF%2bVOJXx1FGAVbBYgtR6jFsya05dDCGgFvtnCNiwE%3d
وهذه انا معك جميله جدا
لانهم اثنين جمب بعض بنفس الاسم يختلف النظام فقط والغرف في الشقق استديو و ديلوكس استديو سويت
طبعا انا اشوف بلانجي بيتش احلى موقعه حلو بجانب اسواق ومطاعم وفوق كذا احسن شاطئ في لنكاوي
شوف فرق السعر بينهم
ورد لنا خبر

ياخوي حاول انك ماتسكن في فندق واحد وانا افضل تخلي 4ايام لنكاوي مادام انك عريس فهي تسمى بجزيرة العرسان ورايح ترتاح فيها اكثر من كواللمبور لنكاوي جزيره هادئه وفيها رحلة المنقروف وميدان النسر والتلفريك وغير انا افضل فندق لنكاوي لاقون يومين وتر اكثر نزلاءه خليجيين ويومين بلانجي بيتش وبنسبه لفنادق كواللمبور فندق دورست ريجنسي اقتصادي ونظيف وفطورهم شي وفندق جراند ميلنيوم في قلب شارع العرب ضخم جدا بس لاتنسى تركب مع صاحب التكسي محمد عبدو وفلها وربك يحلها

مبارك الزواج مقدمآ الله يتمم لكم على خير
رحلتي ان شاء الله اخر الشهر
والفندق هذا سبب لي أزمة فضيعة
ناس تذم بقووة وناس تمدح بقوة
طبعا المشكلة اننا حجزنا وخلصنا ولنا نية نغيره للبيتش بصراحة اهم شي النظافة والشاطئ الممتع
بالنسبة لجدولكم مشابه لسير رحلتنا الفرق اننا اضفنا كامرون
حتى نفس الفنادق
وفي كوالا اخذنا 3ايام في ابيبس ستايل شفت له تقرير جميل جدا وغريب<<<<<<غرفهم ملونة عجبني
والي جد جد جميل اسعارهم..الليله ب225 مع الضرائب والافطار
السعر هذا في الرياض مايجيب لك غرفة في اقل شقق مفروشة
ويومين في فندق رويال شولان..غني عن التعريف
الليله على ما أظن 750
والله ييسر لنا وييسر لكم وجميع المسلمين

اذا ننتظر اول تقرير عن ايبس :-)

الاخوان ما قصروا الله يعطيهم الصحه والعافيه
افاداتهم كافيه وشافيه ان شاء الله ...
لكن احب اشارك من باب حب المشاركه ..
بخصوص التوزيع : اقترح عليك ( سيلانجور ليلتين ثم لنكاوي 4 ليالي ثم كوالالمبور 4 ليالي )
وتكون لنكاوي موزعة على فندقين
الفندق الاول: كاسا ديل مار او بلانجي لمده ليلتين ( الفندقين يقعون بمنطقه سيانغ ، وهي منطقه نشطه فيها حركه والعاب بحريه )
الفندق الثاني: الوستن ( هذا الفندق يقع بمدينه كواه - قريبه من محطه الفيري وميدان النسر )
اما فندق لنكاوي لاقون : فهو ان شاء الله زين ، لكن الفنادق اللي انا كتبتها افضل
اما فندق كوالالمبور : ولانك ما تحب الزحمه ، فما اتوقع فنادق شارع العرب بتناسبك .. عشان كذا ارشك لك : تريدرز او نيكو او شنقريلا ،، وممكن امبيانا .......... بصراحه الفنادق كثيره .
اما من ناحيه المدح والذم للفنادق من قبل الاعضاء : فهذا شي طبيعي ,, فأكيد مو شرط اللي يعجبني بيعجب غيري والعكس صحيح ... لكن احنا علينا نقرأ كثير وناخذ برأي الاغلبيه وطبعا ما نغفل احاسيسنا ( سبحان الله احيانا الواحد يختار فندق عشان هو مرتاح له من صوره او تقرير او حتى من اسمه ... وينبسط منه كثير ،، وبنفس الوقت ممكن هالفندق كثير يذموه )والاهم من هذا كله لا ننسى التوكل على الله
موفق

AL3DNI
هلا اخوي العدني , وترانا بانتظر جزءك الاخير من تقريرك المتميز
ا
ولا اشكرك جدا على سرعة تفاعلك كعادتك , وفي سلانجور باحجز في صن واي لاقون وليس البرميد
ثانيا والله اني احترت
انا ماراح احجز عن طريق النت لاسباب عديده منها عدم توفر فيزا (الغيتها قبل فتره) وعدم توفر المبلغ كامل حاليا للتذاكر والفنادق وايضا انا راح احجز عن طريق مكتب لاحد اقربائي, مكتب مشهور ومعروف وموثوق.
عشان كذا انا اصلا مادري شنو نوع الغرفه اللي باحجزها في لينكاوي لاقون ههه المكتب يقولي كوخ عالبحر , ولكن دخلت النت ومالقيت شي باسم كوخ في فندق لنكاوي لاقون!!
وبيني وبينك بما ان السلبيات غير واضحه في لينكاوي لاقون, فانا ودي اجرب الاكواخ من باب التغيير وكسر الروتين (في سيلانجور فندق وفي كوالا فندق فليه مانغير في لينكاوي).
او ممكن اخليها يومين في لينكاوي لاقون ويومين في بيلانجي بيتش (كاسا ديل مار مليان في هالفتره).
شكرا جزيلا اخوي العدني

أبوسعود222
هلا ابوسعود ,
الله عليك يابوسعود
في الحقيقه انا فعلا ناوي اجلس في لنكاوي 4 ايام ولكن بالغلط كتبت 3 ايام
وشكلي باخذ بشورك وهداية الله واخذ يومين في لينكاوي لاقون ويومين في بيلانجي بيتش
وفنادق كوالا راح اخذها بعين الاعتبار
شكرا جزيلا لك

غيووم المطر
يامرحبا غيوم ( اخي/أختي ؟ , كثير من الاعضاء مخربطين فياريت توضح)
الله يبارك فيك ومبروك لك ايضا
قرأت موضوعك اللي تستفسر فيه عن لينكاوي لاقون وحاس فيك خ
بس انا اللي فهمته انك حجزت في الفندق وليس في الاكواخ
فهل هو نفس الفندق ولا مختلف ؟؟
وبالنسبه لخط سير الرحله فيبدوا اننا متشابهين جدا انا كنت مخطط اروح كاميرون ولكن كنسلت موخرا , مادري ليش بالظبط ولكن يمكن لاني مااحب التنقلات كثير.
واختياراتك في فنادق كوالا راح اخذها بعين الاعتبار , واذا ممكن تزودني برابط التقرير حق الفندق فاكون لك شاكر جدا
شكرا جزيلا

النهر الجاري
هلا اخوي النهر الجاري ,
بالعكس افدتني كثير جنبا الى جنب مع باقي الاعضاء ,
راح اختار فندقين ان شاء الله في لنكاوي
اما فنادق كوالا فانت صدقت , كثيره جدا ومن كثرتها تحتار ههه
يبغالي امخمخ عليها وبعدين اشوف الانسب وفي الغالب انا افضل يكون فندق قريب من البرجين.
وزي ماقلت ممكن يكون الفندق مميز عند بينما هو سيء عند شخص اخر , "لولا اختلاف الاذواق لبارت السلع"
شكرا جزيلا لك