السلام عليكم ورحمة الله وبركاته طبعا هذا اول موضوع لي بهذا المنتدى الجميل وحابة استفسر عن كم حاجة سحر اللغة الصينية وجمال الصين خلاني أنهوس فيها بشكل جنوني عشقت الصين واللغة الصيني ومن يوم هوسي وأنا مو قادرة أشيل من بالي فكرة العيش والدراسة بالصين. نظرة سريعة لحالتي طبعا أنا بنت غير سعودية ولكني مقيمة بالسعودية وصرحة دايم أتحسف لأن مافي بعثات لنا طالبة بالثانوية وأبي أحدد وش بدرس بالمستقبل أنا قد حالي ولو بغيت الشي بأجيبه وباتعلمه بإذن الله وأعرف عن اللغة الصينية ومستعده اتعلمها مهما كانت صعوبتها , مستوى معيشتنا جيد يعني إن شاء الله أقدر أدرس بجامعة بفلوس حتى لو غالية شوي . حبيت أسأل أهلي عن هالموضوع كثير لكن خفت من (((الرفض الشديد والنقد والاستهزاء))) طبعا أهلي غير أبوي أبوية هذا موضوع آخر. لكن قبل ما أفتح الموضوع حبيت أدرس كل شي وأشوف الامكانيات عشان أقدر أطرح الموضوع بثقة وبإذن الله لو أراد الله رح يصير اللي أبيه ومافي شي يصعب على الله.أولا إيش هي النظرة للموضع بما أني بنت ومسلمة وفي بلد غير مسلم.عاد أنا ما أدري إذا لوحدي لكن أكيد لو شاء الله رح يكون معي أول فترات أمي أو أي أحد من أفراد العائلة مارح أدخل بتفاصيل لأني بس حابة أستفسر بشكل عام وما أعرف وش ممكن يصير.بعض الأسئلة : إيش هي أفضل منطقة للسكن منطقة تكون فيها جامعة جيدة ومعترف عليها وفيها تخصصات جيدة ومستى معيشتها جيد والأمان فيها موجود.بالنسبة للتخصص أنا أبغى تخصص عن اللغة الصينية أو شي يخص الصين شي سهل ومناسب وله مستقبل.أختبار hsk كم مدة دراسته وفين وما مدى صعوبته ؟النسبة العادية حقت الثانوي ما مدى تأثيرها على دخولي في الجامعة ؟ والقدرات والتحصيلي هل لها أي تأثير ؟إيش فيه حاجات ممكن ما أحسب لها حساب وبعدين اندم ؟,وعندي تسائل أخير ممكن تكون الدراسة باليابان أحسن أو أي بلد ثاني ؟
وشكرا مقدما