السلام عليكم ...
صبحكِ الله بالخير اختي اخت القمر ...وابشرِ اختي
وحقك اكبر يا بنت ديني وبلدي
بينانغ4...منها يوم للنكاوي .
كاميرون2...
جنتنغ2....
كوالا5...
بينانغ ... بي فيو (230غ مطلة-270 للمطلة على البحر)
كاميرون ...اكواتوريال .(230)
جنتنغ...جنتنغ هوتيل .(230)
كوالا ...دورسيت ريجنسي .(170-200)
الغرف اعطيتك اللي فوق اقل شيء ...مثلاً بدل ديلوكس
سوبر ديلوكس ...يعني لاتعبان مرة ولا افضل الموجود
وخير الامور الوسط ..والسعر ممكن يزيد وينقص لكن بشيء محدود .
لاحظتِ ما حطيت لكِ صن واي لاقون مولأنها غالية وانتم
قدها وقدود ولكن لانه الافضل للاطفال جنتنغ ...وصن واي
لاقون تكفيها زيارة من كوالا وهي قريبة ...وترى اماكن الالعاب
المائية فيها مناظر مخجلة وانتبهوا لاطفالكم الله يسلمك جميعاً .
ما حطيت في البرنامج لنكاوي مع انها تستاهل احتراماً لرأيك
وتقديراً للوقت الضيق ...لكن المرة الجاية لا تنسونها
معاكِ انكم تتحركون مباشرة لبينانغ وهناك تريحون .
ترى وقتكم ضيق ...بينانغ لكم فيها يومين فقط ..لانه اليوم الاول
شبه رايح لاجل الراحة ...بس في الليل عشوة محترمة بحرية
من السفينة او ايدين وكلها 5 دقائق كعابي ...
وخلوا اليوم الثالث للنكاوي لكن الله يعينكم على الفيري .
حاولوا تخلون بطونكم شبه فضية وخلوا الاكل بسيط
وتوصلون هناك دقوها اكلة وعبال ما تتمشون يكون انهضمت
وتستعدوا للرجوع ...وعند رجوعكم دقوها اكلة لين ما تقولوا
تقولوا الحمد لله
جنتنغ لسكر الحياة الاطفال ربي يحفظهم ويبارك فيهم
كاميرون للشنبات للزوج الكريم الله يحفظه لكِ .
انتِ اختي يكفيكِ كوالا تسوقي لين ما تشترين السوق كله
كان ودي انكم تذوقون الخيول الذهبية ...خايف اتعبكم بالتنقلات
فكري فيها ...وش رايك تختميها بالخيول ...هذا يرجع لك .
ودي انكم تذوقونها ... لكن اشوفها في الختام مش حلوة ...
محزنة نوعاً ما ...تودعون ماليزيا على امل العودة من مكان
جميل كهذا ..تراها تحزن شوي ..انا ممكن ابكي
الرجال تراهم يبكون ...ومين اللي ما يبكي ..
فكري اختي ...ولا اقول ختموها من فندق عادي افضل ..
لاجل لا تفتكرون ... فكري فيها انتِ وخبريني وش رايك
وش باقي كمان ...ناقشيني في اي شيء اختي وانا معاكِ على
الخط وان اذن الفجر ترى بعد الصلاة راجع ...المهم عندك اي شيء
اسئلي ولا تخجلي ...يقولوا 2 ما يتعلموا
المتكبر والمستحي ...اجل لا تستحين يا بنت بلدي .
وانا في الخدمة ودعائك يكفيني ولكِ كل تحية وتقدير والسلام عليكم

الف شكر لك ياخي العزيز واللة يسعدك دنيا واخرة وترى مانعطى وجة بس يوم اعطيتنى الضوء الاخضر ابغى رايك فى فندق جنتنغ هايلاند والماريوت بكوالا ودورسيت ويستن وكيف بكو ن الذهاب لكاميرون وكم المسافة بين لنكاوى وبينانغ وهل الفيرى متعبة لهاالدرجة واعجبنى كلامك عن الخيول الذهبية وراح اعتمدة انشاء اللة بس ابغى تقول كم سعرة واللة يوفقك ويجزاك الف خير ويفرج لك فى الدنيا والاخرة

السلام عليكم ...
الله يسلمك اختي وان ما رديت الف غيري يردون ومنتدانا بناسه
فندق جنتنغ ...صراحة هو افضل الموجود ..مصنف 5 نجوم
لكن اللي يجيه يعطيه 4 ...اكثر من تمشية حال ...عندك فيرست
وورلد لكن يجي بعدها في الترتيب .
ماريوت...فندق فخم وممتازواسمه يشفع له ...وعلى شارعنا المزعوم
وان لقيتِ عيب ممكن في صعوبة التكاسي لانه المنطقة مزحومة وقدام
مقدمة شارع عام .
دورسيت فندق 4نجوم ...سعره فيه ...فخامته بسيطة
اللوبي ما هو بواسع لكن غرفه طيبة وعلى شارعنا .
ويستن ...فخم وممتاز وموقعه طيب ..5 نجوم وفرشه نظيف
ممكن انصح به اكثر من ماريوت .
صراحة كان ودي اقول لكِ انزلِ بوستن لكن انتِ اختي قلتِ
لي ودك في شيء اسعاره طيبة
الخيول الذهبية (290-320) ريال ...سعره جميل .
الكاميرون بعيدة لانها في قارة افريقيا ولا بد من طائرة
لكن كاميرون هاي لاند تجينهاعن طريق البر ...لانها ما تملك
مطار ولاجنبها ماء ...اما باص وهذه صعبة لانه فيها توقف
في محطات معينة وفيها تقيد بوقت ...او سيارة .
الفيري ...قريب ساعتين لاجل توصلين بينانغ ...صراحة متعبة
ممكن لعدم استعدادي ...جاني شعور غريب ...بديت اهرش واحك
جسمي وحاس بحرارة داخلية وعدم راحة وودي اكفخ اللي جنبي
والناس ما تسمعين الا بكاهم وطراشهم ...وفي ناس ولا كأنه في
شيء يقرون مجلات ويضحكون ولا همهم ...تراها حسب البني ادم
لكن ارجعة كانت موفقة ...وتراهم يعطون حبوب لكن ما انصحك
تاخذينها ما ندري وش هي او اثارها الجانبية مو اي حاجة تنعطى نبلعها
ولا ندري وش هي ...لكن للاسف ان بغيتِ يوم من بينانغ تضطري للفيري
وتحركون 7 صباح ..يجيكم باص ...ويرجعكم الباص اللي ياخذكم من
المحطة بعد صلاة العشاء .
موفقة اختي بأذن الله وان عندك اي استفسار اسئلي ما عندنا لمبة
حمراء ...وان شاء الله تروحوا وترجعوا بالسلامة والسلام عليكم

اللة يوفقك ويجزاك الف خير ماشاء اللة عليك زيادة على المعلومات اللى تعطيناها تضحكنا وتوسع صدورنا اللة يوسع صدرك سؤال اخير ان كان ودك ترد ولا مو ضرورىالماريوت والدورسيت والوستن كم اسعارها ولك منى الف شكر وترى انا عادى اهم شى مايزيد عن 500 اذا فية حاجة افضل دلنى اللة يدلك على الخير واللة انى بادعيلك من قلبى اللة يوفقك ويسر لك كل امورك ويسعدك فى الدنيا والاخرة امين يارب

السلام عليكم ...
نرد يا اختي وحنا نضحك مادام وراها دعاء
ويستن = 370 ريال
ماريوت = 360 ريال
دورسيت ريجنسي =200 ريال
الافضل على بوكيت بينتانغ ويستن ...خذيها وانتِ مطمئنة .
مادام ميزانيتك حلوة ...خلك على فنادق جنتنغ وكاميرون .
وخذي ببينانغ راسا ساينغ شانغريلا بدل بي فيو .
وقبل ما تسأليني ارد عليكِ
بي فيو المطلة على البحر 270
راسا ساينغ المطلة على البحر480
وفي المطلة على التل ما ادري الحديقة ...
نقصي من بي فيو 50 .
ومن راسا 100 .
ترى كل الاسعار اللي ذكرتها غرف ديلوكس مع الافطار .
ما كأني موظف مكتب سياحي
موفقة اختي بأذن الله وان عندك شيء لا يردك الا لسانك
تروحون وترجعون بالسلامة اختي الكريمة والسلام عليكم

الاخ الفاضل الشعيبى لقد اخجلتنا باخلاقك الاكثر من رائعة وبطولة البال التى لا يملكها الا ماندر من امثالك فاسال اللة العلى القدير ان بوفقك فى الدنيا والاخرة وان يسدد خطاك وييذلل لك كل الصعاب وان ينولك كل ماتتمنى من خير الدنيا والاخرة وان ينير دربك ويحقق لك السعادة فى الدنيا والاخرة وان يرزقك الزوجة الصالحة التى تعينك على الخير والذرية الصالحة ادعو لك فى الثلث الاخير من الليل سائلة اللة ان يتقبل دعائى

اللهم امين يارب العالمين واياكِ والمسلمين .
السلام عليكم ...
والله كل اللي سطرته بالمنتدى ما يسوى شيء جنب الدعاء اللي
دعيتيه لي ... يارب مالي سواك عبد كثرت ذنوبه .
جزاكِ الله خير اختي الفاضلة وربي يعطيكِ من فضله والمسلمين .
كله على الله ... اقسم بالله انا اكتب هالكلام والدمع وده يخرج ...
الله يجزاكِ خير اختي وربي يجعلها ساعة اجابة وربي يجعل
روحتكم وجيتكم سعادة في سعادة ويجمعنا في الدنيا على مرضاته
وفي الاخرة في جناته ....والسلام عليكم