اهلا و سهلا بمي في بلدك اختي نورتينا الصراحه انا ما جربته لكن اصدقائي قالوا عنه كويس

مساء الورد أخت ريم ..
بشرينا وش اخبار ولدك ..؟
وان شاء الله تستمتعون بالجلسه بعمان , والله يعينكم على مصاريف الشهرين ههه ..
بالنسبة للمطعم والله ما جربته بيني وبينك (اخاف من المطاعم اللي اسمائها غريبه) ههه ..
لكن جربي مانتي خسرانه شيء , إن شاء الله تكون وجباته لذيذه ونذوقه اذا جينا هناك ,
لكن فيه مطعم تمنيت أجربه لكن انشغلت عنه ونسبته , وهو على نفس الشارع لكن قبل مستشفى التخصصي وقبل الجسر اللي يودي لصويلح , الزبده المطعم يسوي دجاج شوايه محشي (لكن نسيت محشي بأيش بس حسيت انه لذيذ على شكلها ههه) جربيه وردي لنا ..
وفقك الله

يسعد صباحك ريم
اهلا وسهلا منورة الأردن فيكم وحياكم الله وانا بنصح كل الي بزور الأردن الآن ان الجو بارد بالليل.. بالنسبة للمطعم شفته من برا لكن ماجربته.. فيكي تجربيه وتخبرينا
اتمنى الكم اقامة سعيدة

=ريم=
هلا وغلا نورت عمان
بالنسبة للمطعم ماأنتبهت له لكن بعد إسبوع يعني يوم الأربعاء إن شاء الله
راح أكون بعمان وأذا الله أراد أكتب تقرير مفصل عن المطعم
لكن أنا أنصحك بمطعم أسمه (مطعم الأورينتال) بداية طريق السلط قريب من الجبيهة
الشي المميز بالمطعم جلساته (حسب إفادة أعضاء وعضوات المنتدى الكرام) لأنه مطل على وادي منظره روعة لايفوتكم

هلا اخوي احمد
الله يعطيك العافيه , بس انا مابي اجرب ودي اروح وانا عارفه اذا هو زين او لا
ماني ناقصه تجارب ههه

هلا فيك اخوي سحاب
والله حمدلله عزوز وضعه في تحسن والله ينفع بجلستنا انشالله
ومن ناحية البسطه والله مهنا زود بسطه ههه لانها تعب وكرف مع عزوز افندي , بس الحمدلله على كل حال
وبعدين انا مثلك اذا محد قالي ان هالمطعم ممتاز وجربيه ما احب اجرب اخاف اتوهق
وبعدين وش هالوصف للمطعم اللي تمدحه ههه مشالله عليك كالعاده وصفك مبهم
مطعم مدري وش اسمه وطبخه محشيه بمدري وش ههه وكل شي ماتدري وشو !!
شلون بالله اروح له وانا مدري وشو

اختي الغاليه نانا اسعد الله صباحك وهلا فيك
تسلمين على الكلام الطيب والاردن منوره فيك وفي اهلها الطيبين
وفعلا الجو الان لطيف جدا واول مره اجي مثل هذا الوقت , دائما جيتي للاردن بعز الشتاء والثلج
وهالمره غير شكل وحلوه مره لان الجو يشجع على الطلعات وخاصة مع الاطفال
يعطيك الف عافيه ومشكوره يالغاليه

اختي الغاليه نانا اسعد الله صباحك وهلا فيك
تسلمين على الكلام الطيب والاردن منوره فيك وفي اهلها الطيبين
وفعلا الجو الان لطيف جدا واول مره اجي مثل هذا الوقت , دائما جيتي للاردن بعز الشتاء والثلج
وهالمره غير شكل وحلوه مره لان الجو يشجع على الطلعات وخاصة مع الاطفال
يعطيك الف عافيه ومشكوره يالغاليه
حياكي الله يا ريم
والأردن منورة فيكم
لاتنسو تاخدو الاولاد حدائق الحسين ومتحف الاطفال بكرة الجمعة راح تنبسطو كتير
نورتي ياغالية

اخوي كاستروا حياك الله
والاردن بتنور انشالله الاسبوع الجاي اذا شرفتوها
وحلو دامك جاي خل التجربه براسك ههه انا معدتي مو ناقصه تجارب
وعقب علمنا وش النتيجه
وانا جالسه شهرين لاحقه اجربه عقب ماتعلمنا عنه ههه
تحياتي وتاصلون بالسلامه انشالله