هلا استاذي
في مجال تزيد المده يكون افضل
تقسيمك حالي يكون
سلانجور يومين
لنكاوي ثلاثه ايام
كوالالمبور 3 ايام
كم ميزانية الفنادق عندك ؟
التنقلات هناك كثيره وراح تعجبك
رحلة شهر عسل ولا شباب ؟

ي حبذا لو تكون الرحله فيها نشاطات كثيرة و استغلال كل الأوقات فيها بدون تضييع شي لاجل نحس بالمتعه اكثر

لا مافي مجال انها تكون اكثر
طيب شنو النشاطات الموجودة في المناطق السابق ذكرها
وميزانية الفنادق ي حبذا ما تكون اكثر من 3000 ريال او زيادة عليها اشوي و مو بالشرط يكون خمس او ثلاث نجوم اهم شي نظيف و مرتب
و شهر عسل

طيب ياخوي الفنجق خليه الحين مو وقته اول نرتب الحجوزات الايام و التنقلات و ايش تحب تشوف يعني نواك بحري ولا جبلي ولا اسواق وزحمه
الفنادق بطلت لك لسته ان شاء الله يكون السعر متوافق مع الميزانيه مش اليوم بكره ان شاء الله صار وقت نوم الحين
اريد منك تذكر لي تاريخ الوصول لمطار كوالا والساعه كم وتاريخ المغادره بلضبط
سلانجور فيها رحله لمدينه متحضره و حديقة العاب كبيره مائيه وملاهي وحيوانات وكله في سور واحد
لنكاوي جزيره فيها اليحر حلو ونشاطات البحر دباب وبرشوت وفيها تلفريك حلو
كوالا زي دبي مباني ابراج وسوق و مطاعم و اكواريوم وغيرها لا ما تشيل هم زحمه كل شي تتمناه موجود بلد سياحي متطور

بإذن الله تاريخ 14 شوال الذهاب
و المغادرة من هناك بعد 8 ايام
و ي حبذا يكون البرنامج ترفيهي و سياحي اقصد مناظر و طبيعه و حركات مش موجوده بكل مكان .. ( طفشنا أسواق و كافيهات و مطاعم ) لا يكثر منهم ياليت
و شكرًا ع التفاعل
انتظر ترتيب البرنامج بالأيام بالمناطق السياحيه فيهم

ليت تجيب لي التاريخ الميلادي واهم شي ساعة الوصول مكتوب بالتذكره يعني مثال الوصول لمطار كوالا تاريخ 22 الساعه 1 الظهر

الذهاب 21 اوغسطت ع خير
أما الوصول لا اعلم

ابغي فنادق في كوالالمبور و بينييجع و لنكاوي اسعارهم زينه و اقتصاديه و يكونو مرتبين و نظيفين مع الفطور طبعا
وياليت ترتيب رحلات يومي من الصباح للمساء لاستغلال الأوقات هناك
و ابغى طرق تنقل مريح و توفر اقصد السائق هناك ي حبذا يكون شي غير مكلف

هلا اخوي للاسف ما حصلت لك فنادق رخيصه بهذا التاريخ نظرا لان اغسطس وقت موسم السياحه المزدحمه
و الاسعار غاليه نار حتى في ابسط الفنادق غالي اقترح إما تاجيل الرحله الى اكتوبر او زياده الميزانيه شوي وان شاء الله ما راح نقصر معاك يا غالي