يعطيك العافية خالد علا الموضوع
انا عندي سفرة من مطار البحرين لامريكا
وماادري اروح بسيارتي او تاكسي
وين افضل موقف في المطار من حيث التكلفة والامان
شرايكم في free parking
جزاكم الله خير

enezieam
من ناحية الامان كل المواقف آمنه باذن الله لكن المشكله انها مكشوفه للشمس وعوامل الجو
أختيار الموقف يعتمد على ايام سفرك فاذا هي أقل من اسبوع بامكانك تقف في المواقف (a) الأقرب الى مبنى المغادره والقدوم واليوم يحسب ب10 دينار
اما المواقف البعيده (d - c) فيحسب اليوم بدينار واحد

يعطيك العافية علا الرد

الحافظ الله سبحانه وتعالى
واساله بوجهه الكريم ان يحفظ بلاد المسلمين من كل مكروه
انا كنت مسافر عن طريق البحرين يوم الثلاثاء الماضي وانا مار قدام السيف كان الطريق مقفل وجميع اشكال سيارات الشرطة وقوات الطوارئ والاسعاف مرت بجنبي وبغت تطير الطيارة بدوننا بس الحمد لله صار الموضوع بسيط شوية مراهقين احرقو كفرات وقفلو الطريق السريع وتم التعامل مع الموقف باحترافية ولله الحمد لحقنا على الطيارة وحنا وجينا وهذا انا قدامك حي ارزق
توكل على الله ولا تشيل هم

الله يعين يا خساره البحرين صار الواحد يخاف يروح لها كثير زي زمان

السلام عليكم ورحمة الله وبركاته،،،
أخواني وأخواتي الاكارم أنا أخوكم بوحمد من البحرين
أول شي: أحب أشكر أخوي بو نوره 2004 وأقوله ربي ينور درب وين ما كنت وهذي بلدك
والشكر موصول للأخ Mercure على شرحه المميز عن البكاركات
ثاني شي: بالنسبة لسؤال الأخ khalid 5595 ترى الشوارع آمنه والأمن موجود في كل مكان والمجمعات والأماكن السياحية وفعاليات صيف البحرين 2012 مزدحمة من كثر السياح وتعال وراح تجوف بنفسك إن شاء الله إن كل الأمور طيبة ولله الحمد وكل ما حاولوا يفتعلون شي أو يضايقون الناس الأمن لهم بالمرصاد، وحياك الله في البحرين في أي وقت بين أهلك وأحبابك...
وإلى أخوي enezieam حياك الله في البحرين سواء كنت مار ترانزيت أو قاعد عندنا وما قصر أخوي Mercure بالرد على استفسارك
ثالث شي: إلى konooz99 هذا اختبار من الله وإن شاء الله نطلع منه وإحنا أقوى وأفضل ومن نتائج هذا الاختبار الاتحاد اللي راح يتحول من مجرد أقوال إلى أفعال في القريب العاجل، والبحرين بخير إن شاء الله بأهلها وبأحبابها مثلكم وشرواكم
وربي يحفظ الجميع، وحياكم الله في البحرين وإن ما شالتكم الأرض إنشيلكم في عيونا
مع خالص حبي وتقديري وتحياتي لكم

اشكر الجميع علئ الرد والله يحفظ دولنا الخليجيه من كل سوء

في حال تزعزع الأمن يتم استهداف طرق المطارات
لمعاندة الحكومات
كما هو الحال بالبحرين ولبنان

السلام عليكم
الحمد لله رجعنا بالسلامه من السفر
اخوي وصلنا للجسر بسيارتي انا وصاحبي
ورجع السياره للبيت
تاكسي سمارا وصلنا للمطار 200 ريال
ابو نوره شاهدت نفس الحدث ( شباب مولعين الشارع نار بالاطارات ) والشارع زحمه وغازات خانقه من الحريق
الحريق كان من الجهه الاخرا من الشارع علشان كذا ما تعطلنا
اللي فهمته من السايق البحريني الاوضاع غير مستقره خصوصا في الويك اند يتجمعون شباب ويحرقون الشوارع ولو كان الحريق علا نفس الشارع راح تروح عليك الطياره
في طريق العوده اخذت تاكسي من المطار للبيت 350 ريال
زبده الموضوع السفر عن طريق مطار البحرين غير مناسب في ظل الاوضاع الحاليه
وشكرا لجميع الاخوان
واتمنا الاستقرار والامان للبحرين