و عليكم السلام و رحمة الله و بركاته
حياك الله أخوي تركي ...
و الله ما له داعي القلق و التخوف ... خذ الأمور بكل بساطة ..
و أنت لست مجبر على الركوب مع أي سائق و اللى ما يعجبك مو شرط تركب معاه
و تقدر تختار من بين السائقين المتواجدين أمام الفندق أو الأسواق اللى ترتاح معاه
و صدقني قلبلك رحنا و جربنا جميع الجنسيات من السائقين من مختلف الديانات و الأعراق الصيني و الهندي و الماليزي
و جنسيات أخرى و الحمد لله لم نواجه أي صعوبة أو مشكلة تذكر ...
أنصحك أخي تركي نصيحة واحدة ... خل الأبتسامة تعلو وجهك .. و سوف تقابل بالمثل
و للمعلومية ... تقدر تستعمل التكاسي اللى عن طريق الفنادق و هم معروفين لديهم
و متأكدين من خدماتهم ... و كن مرتاح البال ....
و للمعلومية .. أخي تركي .. أنت أول ما تركب التاكسي بتلاقي فيه لوحة
تعرفييه فيها معلومات عن السائق و رقم التاكسي و لو واجهتك أي صعوبة أو مشكلة
لا سمح الله .. فقط بعد النزول قم بالأبلاغ عن الحادثة بشكل رسمي برقم التاكسي
و لكن في الختام .. لا تدع موضوع السائقين ينغص عليك الرحلة
أنت رايح تنبسط و تستمتع أنت و عيالك ...
بالتوفيق أخوي ..... تركي .. رحلة سعيدة أن شاء الله

السلام عليكم ماتقلق ولكن انتبه من السائقين الهنود
تحياتي

اكثر السائقين الملتزمين بالمواعيد هم الصينيين ومعاملتهم جيدة وبعد ذلك الماليزيين واهم شيئ لو ركبت مع صينى او هندى لا تعلق على ديانتهم اذا رايت صور او تمثال البودا فى السيارة

لا تقلق بالعكس السائقين الماليزين محترمين واشوفهم محترمين اكثر من السائقين عندنا وخاصة المحترم يكونوا معه محترمين... وبالتوفيق ان شاءالله.

ماهو رائيكم بالقيادة الشخصيه في لنكاوي وبينانق
وماهو الافضل للذهاب من بينانق الى الكاميرون
تكسي او باص

مساء الخير ..
مثل ما قالوا الاخوان والله ماله داعي التخوف والتفكير الأمر جدا عادي
لا تطيح ميانه مع السايق وخلك بشوش ومالك دخل فيه
الامر جدا عادي ومثل ما قالوا الاخوان مهما شفت من امور بالتاكسي صور بوذا او غيره من الديانات تأقلم ولاتعلق
لاحظ الصينيين قليلين كلام ومضبوطين بالتعامل وخلك معاهم صامت افضل
الماليزيين بنظري الافضل بشوشين وينصحون ويدردشون معاك اذا تعرف انجليزي ونفسهم طيبه
الهنود في المرتبه السفلى واذا تقدر ابتعد عنهم ولو انه مافي مشاكل معاهم اطلاقا
ملاحظه اذا ركبت مع هندي وماكان معاك الاهل او بس رجال مليون بالميه راح يقول لك قيرل سك! وهالسوالف
لاتتنرفز ولا تنصحه مايفيد بس قوله نو ثانكس مع ابتسامه ..
اما عن المشاكل اخوي والله مافي مشاكل اطلاقا .. ومثل ما قالوا الاخوان اذا تحب ترتاح اخذ من الفنادق من عند الباب قولهم ابي تاكسي
ردا على سؤالك في سواقين نساء للتاكسي .. وغالبا سياراتهم صغيره جدا ما تنفع لعائله كبيره الا نادرا واكثرهم الصينيات
وبصراحه النساء افضل بمليون مره من الرجال من التعامل والاخلاق والسواقه الراسيه الجيده
ع الطاري .. ركبت مع تاكسي صيني والمشوار كان ساعه ونص الى ساعتين تقريبا ..
وطول الطريق ندردش وضحك وسوالف وفله عسل هالسوالف .. رجل كبير بالعمر ورزين
ويسألي شلون حياتكم واقوله واسأله عن حياتهم ويناقشني بأمور طبعا عاديه ( ما نتطرق للسياسه او الديانات )
وطول الطريق اقوله بروذر بروذر .. وقبل لا انزل قلت له انت رجال طيب شكرا على روحك الحلوه
ولما نزلت ونزلنا الشنط دققت ولا اصلا السواق حرمه مو رجال ههه
وتخيل ما احرجتني ولا قالت انها حرمه
شعر قصير وصينيه يعني بعيوني كلهم شبه بعض ))))))))
تحياتي وثق بالله لما توصل وتشوف الوضع راح تقول ليش كنت متخوف واصلا الوضع جدا عادي
تروح وترجع بالسلامه يا اخوي واستمتع كثر ما تقدر البلد جدا جميل ويستحق

الماليزيين هم افضل الموجودين اخلاق وتعامل وماعندهم استغلال لسياح
المنتدى يمنع وضع الارقام ولا كان حطيت لك رقم ماليزي ويتحدث اللغة العربية على خفيف

القيادة بنفسك ممكنة فى بنانغ ولانكاوى حيث ان المدن صغيرة وليست معقدة مثل كوالالمبور ولكن الصعوبة ستكون بمعرفة الشوارع والاماكن والقيادة فى ماليزيا على اليمين وليس اليسار كالدول العربية لذلك انصح بالتاكسى - توفير للوقت والمال
بالنسبة للكامرون من بننانغ فانصح بالباص للتغيير

بسم الله الرحمن الرحيم
القيادة بنفسك افضل و أمتع وتتحرك بحرية كاملة
سواء المدينة صغيرة مثل لنكاوي او بينانج او كبيرة مثل كوالا او على السفر الى كاميرون او كوالا نفس الشي
تحتاج اول ساعة الى قليل من التركيز بعدين كأنك ماليزي
معرفة الشوارع و الاتجاهات سهل مع النافيجيتور اما الجارمن او عل جوالك من برنامج سايجك
السيارة الخاصة اعتقد انها أرخص من التاكسي
الأهم من كل ذلك الحرية المطلقة بالتحرك
لا تنسى الرخصة الدولية اضمن لك مع ان الرخصة السعودية مقبولة للمكاتب
نصيحتي لك جرب في لنكاوي و شوف مقدراتك اذا عجبت الفكرة كمل
دمتم بخير