روح السيتي سنتر ، مجمع راقي ورهيب ، وعلى نفس امتداده مجمع السيف ومقابل السيف بالضبط مجمع العالي بتلقى فيه ماركات ماركات يعني ادفع
وبالنسبة للكوفيات والمقاهي عندك الجفير والعديليه
جلسات روقان
وسوق شعبي عندك باب البحرين
ما راح تندم بالبحرين
اانا من اهل الدمام بس ما ارتاح الا اذا تمشيت بالبحرين

يا هلا الغالي .. هل زيارتكم راح تكون ليوم واحد ؟؟ أو يومين ؟؟ أو كم بالضبط ؟؟ واذا تقدر تلمح لنا ميزانيتكم .. واذا نقدر نقول أنها شبه مفتوحة ( لمدة قصيرة ) ..
الأماكن السياحية كثيرة .. أرشح لك ( كونك مع المدام ) ..
1. منتزه عذاري.
2. محمية العرين.
3. المجمعات بأنواعها راح تستمتع فيها كثير مثل ما قال أخوي ابو ريم.
4. المرافق التراثية والتاريخية .. أنصحك بزيارة متحف البحرين الوطني + قلعة البحرين .. راح تعيش قرون ماضية وراح تحس بالشعور الغريب لما تخرج إلى ضخب المدينة بعد الأجواء التاريخية هناك.
5. الأسواق الشعبية كثيرة .. أبرزها باب البحرين + سوق المحرق + سوق مدينة عيسى الشعبي.
6. لابد أنك ما تفوت فرصة الجلوس بهالجو الخيالي في إحدى مطاعم شارع يوسف الشيراوي بالعدلية أو شارع الشباب بالجفير .. الحياة حلوة هناك.
7. إذا كنت حاب تاخذ المدام ع الغدا أو العشا في مطعم على البحر أنصحك بأحد مطاعم منتجع ذا دراغون أو سي لوفت في جزر أمواج.
حياكم الله في البحرين.

الاعضاء ما قصورو شوف بتوقيعي ( رحلتي الي البحرين ) راح يخليك ترووح باكر للبحرين

أتمنى توضيح مكان سوق باب البحرين - ومتحف البحرين