Ahmed Gaber 12
06-12-2022 - 10:25 pm
السلام عليكم
فى البداية احب اشكر كل واحد ساهم فى المنتدى ده بمشاركة او معلومة افادت كل شخص
من خلال قرأتى لمواضيع كتير فى المنتدى ولمشاركات كتير بخصوص الاستيراد من الصين استفدت كتير بس برضوا مقدرتش اوصل لتصور كامل ازاى ابدء تجارتى وايه هى الخطوات عشان تكون تجارة ناجحة .
انا هطرح شوية استفسارات بخصوص استيراد المستلزمات الطبية وياريت اصحاب الخبرة فى الموضوع ده يفيدونى
نصايحكوا ليا و ازاى ابدء وايه اللى اخد حذرى منه خصوصا انى اول مرة اشترى من الصين؟
الاماكن والمصانع فى الصين اللى اقدر اشترى منها المستلزمات الطبية بافضل الاسعار وتكون جودة كويسة ؟
الوصول للمصانع دى ممكن عن طريق النت وازاى ؟
هل الشراء عن الطريق النت مضمون ولا الافضل ان التعامل يكون مباشر مع المصانع دى بالذهاب للصين؟
ولكم جزيل الشكر
ان شاء الله توصلكم افضل الاقتراحات , ولكن من تجارب المشاركين في المنتدى ,
و أكيد مرت عليكم , يكون الاتفاق في البدايه مع مكتب وهو الذي يقوم بمتابعة الطلبيه و تخليص اوراقها وشحنها .
و من مهامه ايضاً يوفر لكم مواصلات و مترجم و يدلكم على محلات بيع السلع التي تريدها ..
و لا شك ان رؤية الأغراض على ارض الواقع افضل من طلبها بالنت ..
و بالتوفيق ..