السلام عليكم اخوي fah4ever
توصل بالسلامه المسافه من المطار الى البحرين
ساعتين من الخط السريع وبالنسبه ليوم السبت
مافي زحمه بالجسر
وبالتوفيقواي استفسار ثاني حاظرين

من مطار الدمام الى منطقة الإجراءات بالجسر بحدود 45 دقيقة بمعدل سرعة 120كم / ساعة
لقطع جميع مناطق الإجراءات من الجانب السعودي الى مابعد منطقة التأمين من يوم السبت بحدود 15 دقيقة
ثم تحتاج بحدود 30 دقيقة للوصول الى مطار البحرين في الاحوال العادية
المجموع حوالي ساعة ونصف (يعني لن تزيد عن ساعتين في اقصى الاحوال)
بالسلامة ...

المسافة قريبة، والإزدحام كبير جدا ،،
لكن أعتقد إنك ستستطيع ،،

ابو فيصل 99
اهلا وسهلا ,,, هل الازدحام كبير جدا يوم السبت .!
أعرفان المسافة قريبة ولكنك تقول ان الازدحام كبير جدا يوم السبت , فكم تتوقع سيستغرق الوقت بين مطار الدمام الى مطار البحرين مرورا بزحمة الجسر ؟!

من مطار الدمام الى الجسر 45 دقيقه
لكن من بداية الجسر بالخبر الى نهاية الجسر في البحرين لايقل عن ساعتين , ومنها 20 دقيقه الى مطار البحرين, ولك الي تبي اذا طلعت من الجسر في اقل من ساعه,
كما انت ماتدري ان الرحلة الي بتجي فيها الى الدمام راح توصل بوقتها؟ ممكن تتأخر
الجسر مزدحم على طول والايام العادية لايقل عن ساعتين , والعطل لايقل عن 4 ساعات
لو مسافر من المنطقة الى انت فيها احسن لك من رفع الظغط والاعصاب والتوتر خوفا من فوات الرحله
يعني ماتسوى عليك, وكثير تروح عليهم الرحلات بسبب الزحمه ومره صوروها بجريدة الوطن مقطعين التذاكر ورامينها بالجسر من القهر بعد ماراحت عليهم

اخوي الجسر الفتره الحاليه وبعد مازادوا المسارات خفت الزحمه وبشكل كبير،، يعني اذا الوضع طبيعي من بدايه اجراءات الجمارك السعوديه الى التامين بالبحرين في حدود 20 دقيقه وتزيد على حسب الزحمه الين ساعه ونص في اسوا الاحوال وهذا غير متوقع يصير في يوم السبت !!
يعني اذا بتطلع من المطار الساعه 4 ،،،
اضف عليها 45 دقيقه الين جمارك السعوديه
ومن جمارك السعوديه الين التامين بالبحرين من ( 20-90 دقيقه )
ومن التامين الين توصل مطار البحرين 30 دقيقه
1-في الوضع الطبيعي راح ياخذ منك 45 + 20 + 30 = 95 (ساعه و نص تقريبا ) توصل للمطار الساعه 5.30
2-في اسوا الاحوال راح ياخذ منك 45 + 90 + 30 = 165 (ساعتين و 45 دقيقه ) توصل للمطار الساعه 6.45
في كل الحالتين توكل على الله وماعندك مشكله ان شاء الله

سندباد الخبر
حبيبي سندباد الخير ,
شكرا لتطمينك لي الحمد لله وجدت رحلة تصل للدمام الساعة 1 ونص ظهرا , اخترتها تحسبا لأي تأخير با الاقلاع لا قدر الله .
أشكركم جدا

سلطان الشرقية
سلطان الشرقية , فعلا لا أضمن الخطوط السعودية بتأخير رحلة الدمام .!
شاكر لك مساعدتك يا الغالي فقد أنقذتني

السلام عليكم ورحمة الله وبركاته
أخوي ... لاتنسى انا أهل البحرين عندهم أجازة نهاية الأسبوع الجمعه والسبت فربما تكون زحمه من
السعوديه الى البحرين لنظرا لعودتهم خاص بالعصر والله يوفقك وبالسلامه .
تحياتي لك