1. مدة الرحله 18 يوم بداية من 30 اغسطس.


2. اعضاء الرحله : الامير ابو خليل الاقتصادي ابو ريان والشعب محدثكم .


3. برنامج الرحله : جاكرتا-بالي -جاكرتا

السلام عليكم ورحمة الله وبركاته
اخواني اقدم لكم هذا التقرير اهداء لهذا المنتدي ورواده لما كان لهم من فضل في التخطيط لرحلتي.

مدة الرحله 18 يوم بداية من 30 اغسطس.

الرحله علي متن الخطوط الاماراتية مسار الرحله الرياض دبي كولمبو سنغافوره جاكارتا.
توقف بدبي ثلاث ساعات ثم في كولمبو 45 دقيقه بدون النزول من الطائره ثم بسنغافوره45 دقيقه مع النزول الرحله متعب جدا ولا انصح فيها ولكن هذي ضريبه الحجز المتاخر ولاحظ ان في كل نزول تتفتش بالطلوع والدخول من الطائره.
تعليق: سبب تاخر الحجز مع اني اقوم بالترتيب المسبق من بدايه السنه هو عدم تحديد الوجهه بدايه كانت الخطه لبيروت الغيت بسبب الحرب ثم كان التفكير بمصر وتم قطع التذاكر لكن يبدو انه لم يكن احد من اعضاء الرحله مقتنع بالذهاب الي مصر فكلنا كنا نفكر بالاسترخاء اكثر من الازعاج ووالزحمه . اجتمعنا وقررنا نفكر بالبديل طرحت سيرلانكا والتشيك. بقي علي السفر اقل من اسبوع ولسي ما قررنا الوجهه اخيرا اجتماع صارم اتفقنا ما نطلع منه الا بالاتفاق نهائي وكان نتيجه الاجتماع (قديمك نديمك) هالجمله ما كتبوها علي علب الكبريت عبث. قررنا اندونيسيا اللتي كنا قد ذهبنا لها قبل ثلاث سنوات وتوكلنا علي الله.

اعضاء الرحله : الامير ابو خليل الاقتصادي ابو ريان والشعب محدثكم .

برنامج الرحله : جاكرتا-بالي -جاكرتا

الهدف من الرحله: الذهاب الي بالي فقط .وما فكرنا نروح للجبل ولا لاي منطقه ثانيه لكثره ما سمعنا عن بالي وان كان فيه ناس بالمنتدي هنا يقولون بالي حدها خمس ايام والا ست ايام وانا اقول بالي تقعد فيها شهر عادي بس هالشي يعتمد علي هواياتك اذا كنت من محبين الرياضه والتشمس فلن تمل من بالي لان فيها نشاطات وخيارات اكثر مما تتصور.
ولان يقولك قدم الخبر الشين علي الخبر الزين فانا بقولكم الاشياء الشينه اللي صارت معي ثم بعدها ببدا بالصور والتفاصيل

• بالطائره بالذهاب (من اولها ) رجل متوسط العمر وعند النزول في دبي يتميلح بالطائره ومسوي فيها كول وخفيف دم قاعد يذب ويتميلح الا فيه شغاله قامت تضحك ابو الشباب ما صدق جنس مخلوق يضحك له (انا اعتقد انها كانت تضحك عليه مو له) الا قام ولمسها بايده بطريقه بذيئه فصاحت وكل اللي في الطائره يناظرون له.
• ارتفاع الاسعار عن السابق بس تظل لسي بلد رخيص ورخيص جدا.
• حوادث الدبابات شفت حادثين قدامي واحد الا يعزكم دعس كلب جالس في نص الخط وقلب دبابه والثاني امبا حامل المسكينه في الشهور الاخيره صدمت الدباب اللي قبلها والله ياهي كسرت خاطري هالمسكينه.
• طلب الهدايا وعرض الخدمات وهذي فيها قولان :

في جاكرتا والجبل والمناطق اللي فيها السعوديين.
اولا اذا عارفين انك سعودي ينشبولك ويغثونك مدري انا بعض السعوديين وش يسوون بس الظاهر يمشون ويوزعون فلوس ويقولولهم اذا شفتو سعودي الحقو وراه وغثوه وهو بيعطيكم ترانا شيوخ وفلوسنا واجد.
في بالي:
وهذي المنطقه غالبيتهم ما يعرفون ايش السعوديه بس انهم يعرضون خدماتهم علي الكل وخدماتهم علي الترتيب التالي اول شي يناديك بوس...تاكسي....مساج......woman ......ماريوانا.
الحل للتخلص منهم استخدم نظام الاجانب لا تناظر فيه ولا كانك تسمعه ولا تشوفه ولا ترد مهما قالك واذا مد ايده لمسك والا مسك طرف قميصك سو نفسك انخرعت وعصب وعطه ذيك النظره.
عموما الاندونيسين شعب خجول يخافون بسرعه ويستحون ومؤدبين الله يرحم سوريا ومصر يا عطني يا تهاوش معي.
التفاصيل والصور بالنسبه لجاكرتا مافيه شي مميز بتكلم لكم عن الفنادق اللي سكنت فيها والمقارنه بينها وراح اقولكم عن الفندق المظلوم والفندق اللي ما يستاهل.والسوق المظلوم والسوق اللي ما يستاهل.
وفي بالي راح اقدم لكم التفاصيل واخبركم عن رياضتي المفضله اللي اروح لبالي علشانها ان شاء الله في الحلقه الثانيه.
ننتظر ردودكم وارائكم وشرايكم التقرير طويل ممل والا قصير وترتيب الافكار.