ارجو المساعدة لو سمحتو

الخطوط السعودية ممكن لكن النزول يكون في مطار فيينا لأن المسافة من فيينا أو براغ الى اوسترافا وحده وأفضل وسيلة برأيي هو السيارة .
القطار راح يكون متعب بسبب كثرة التوقفات واكيد فيه تغيير بين القطارات .
بالنسبة للمعلومات الاخرى عن المصحة وماحولها الأخوة ان شاء الله يعطونك معلومات افضل مني .

بالنسبه للطيران عندك lufthansa الالمانيه او الطيران التركي اهمه الارخص واقل وقفات ( وقفه وحده ) و راح تنزل في براغ العاصمه و من براغ تاخذ قطار يوديك دايركت الى اوسترافا بدون تغيير قطارات وراح تاخذ رحلة القطار من 3 الى 3 ساعات ونص بالكثير وصدقني مابتحس فيهم لان القطار مريح و المناضر الي راح اتشوفهه بتنسيك الدرب وسعر التذكره تقريبا 20 يورو ماتزيد, والقطار يروح من براغ الى اوسترافا كل ساعه تقريبا يعني ما بتتعطل و بالتوفيق لك ولعائلتك .

ياحياك الله بالمنتدى
اولا اسف على التاخر بالرد
ثانيا الخطوط السعوديه من الرياض او جده الى فينا
ومن فينا عندك ثلاث رحلات لمطار اوسترافا
السياره تبعد 5 ساعات تقريبا
القطار بس غثيث
من ناحية الاسعار طبعا السياره ارخص اما شخص لحاله نفس السعر
وسؤالك عن السكن لم تذكر اسم المصحة اذا كان داركوف فانا افضل انك تحجز فيلا من الان قرب المصحة لانه بدا الحجز من الان
المطاعم العربية المصحة فيها مطعم حلال والباقي يبان بداية الصيف يمكن في اوسترافا مطاعم لاني مبطي عنها بس فيها شارع ستدوني كله مقاهي ومطاعم واذكر فيه تركي والباني
الاسواق فيه سوقين الاول تسكو والثاني شوبينق بارك وان كان فية زود فانا ناسي

يعطيكم العافيه اخواني على افدتكم ..
حسب معلوماتي مافي طيران الى فينا على الخطوط السعوديه ..!!!
اسم المصحه klimkovice كليمكوفيسه ..
ياليت تفيدوني اكثر جزاكم الله خير ...