انصحك تسوين التاشيرات بدري لاتتورطين مثلي
لانهم يعطونك موعد مرتين.... حنا يالله بالواسطه مشيناها
مو لازم تذاكر عطيهم المطلوب وتكون اوراقك كامله

وش الوراق المطلوبة؟ بالضبط حق السياحية

ان كنت في الرياض مطلوب منك صورة الجواز وخطاب تعريف من العمل وتعبئة استمارة قصيرة (ليست مثل امريكا او اوروبا).
كلها كم يوم وتطلع لك ولو تبي مستعجل خلال يومين تدفع اكثر وتستلم جوازك. ومكاتب الاستقبال ليست في السفارة وجدا مريحة وتعاملهم حلو وراقي
فيه مكتب على طريق الملك فهد كما قرات لكن اللي متاكد منه مكتبهم في العمارة اللي بعد طيران الامارات على شارع التخصصي.
طبعا اذا ما عندك عمل لازم صورة من السجل التجاري
ما يطلبون كشف حساب ولا شيء. هذا في الرياض في جدة نظامهم يختلف

المكتب السياحي ف جده طلب كشف حساب 3شهور صورة من تداكر السفر وصوره من حجز الفندق خطاب تعريف موجه للقنصليه الصين الشعبيه باللغه الانجليزيه اصل الجواز و2 صوره ملونه خلفيه بيضاء اعتقد 6x4وتدفع 350 +150 المجموع 500ريال للمكتب

ام نديم
اذا تسوبيها بنفسك ب 250 للشخص الواحد

مع الاسف قالنا المكتب انه ممكن اشتخراج الفيزا خلال اسبوع الى عشره ايام كحدادنى

الرياض يومين الى خمسة أيام بالكثيير

كل الأوراق مقدور عليها بس كيف تقول يا عبد الفتاح سجل تجاري انا رايح سياحه موتجاره؟
وبعدين تعريف العمل كيف اجيبه عربي وشلون يكون موجه للقنصليه ؟
3- وبعدين لازم اروح مكتب أو من القنصليه أقدم الأوراق ؟

السلام عليكم
انا استلمت جوازاتي الاسبوع اللي فات من مكتب في الرياض على طريق التخصصي خاص بأستخراج تأشيرات الصين
قريب من اليورمارشيه وبجانب مكتب طيران الامارات ( دقيقه مشي على الاقدام )
معاملتهم اكثر من طيبه المكتب يفتح طول ايام الاسبوع ماعدا الجمعه من الساعه 8.30 صباحا ً وحتى 2.00 بعد الظهر
ومن 5.00 بعد العصر وحتى 9.00 بعد العشاء
النموذج سهل تعبئته يطلبون صوره شخصيه واحده لصاحب الجواز واذا فيه مرافقين يطلبون لهم صورتين شخصيه
طبعا ً يطلبون تعريف من العمل واساس الجوازات مع صور لها وكذلك صور لدفتر العائله
قيمة التأشيره 450 ريال للجواز الواحد و 250 ريال لكل مرافق
الاستلام بعد اربع أيام
ملاحظه
المكتب مافيه زحمه وقت التقديم عليهم وصلت وكان قبلي شخص واحد وفيه ثلاثه كاونترات وقت الاستلام وصلت عندهم ولا حصلت مراجعين قبلي
ارقام الهواتف الخاصه فيهم ( جايبه من البرشور الخاص فيهم )
ت 2936263 / 2936162
جوال 0535363247