مراحب اخوي بالنسبه للفطور له اجواء روعه بماليزيا بصراحه ماتتفوت..
وبالنسبه للنقاب عادي انا رحت مرتين لماليزيا بنقابي وعبايتي عالراس بعد وعادي جدا ماتعبت بالاكل ..
وكنت اقول لزوجي لو مانزلت افطر مااحس اني مسافره ههه..
موفقين تمنياتي لكم برحله سعيده..

السلام عليكم
والله انا اشوفه من مكملات الفندق ومن الحاجات المهمه جدا جدا
له جو رائع والنقاب ماهو عائق ممكن تاخذ مكان صاد
وانا اشوف الفطور بالغرفه ماله جو رائع خاصه في لنكاوي
وبينانق يكون في اماكن مفتوحه وان حبيت في اماكن مكيفه
ولو ناوي تطلب في الغرفه فلاتحجز الفنادق بالفطور
عشان تطلبه من هناك بالغرفه

شف يالحبيب اولا احيي فيك روح الغيره لكن ابعد اشد البعد عن التزمت عافاك الله
الفطور بالفندق من اروع الامور التي تستحق التجربه
ولاتحسبن العالم مثل اربيعك هنا .... انواع القزقزه والبحقلقه بخلق الله لا وانا اخوك الوضع عادي عادي وكلن بحاله إلا إذا انت بتشتغل لخلق الله اي واحد يمر بجنبك ترهبه بنضره تلفت الانتباه لك الى أن يحكم الجمهور عليك بأنك مختل عقليا ( محشوم )
رح وانت بكامل اريحيتك ولاتكتم جوك وجوا اللي معك
فيه مطعم فندق تردرز في كوالا يوجد به غرف مفتوحه من جهه واحده
وفيه مطعم وستن لانكاوي فيه شبه غرف بالمطعم
تحيتي لك

الفطور من بوفيه الافطار افضل
والله انا افطر ولابسه نقابي ولاحد يطالعني ولاحتى يلتفت علي الكل في حاله
وحلو الواحد يقوم بدري وينزل للفطور تغير من فطور داخل الغرف
وترى قائمة البوفيه متنوعه افطار شرقي وماليزي يعني تختار الي يناسب لكن لو بالغفه اتقد راح يجيبون لك شي محدد

انت انزل بدري للفطور واختار الموقع الممتاز اللي يناسبك مثلاً في زاوية الصالة في فنادق المدن اما المنتجعات فراح يكون الأفطار داخلي وخارجي وانت اختر المكان المناسب وصدقني الفرصة ما تتفوت