الاتحاد..اللي قالك تاخذه من مكتبهم بالمطار يبي يوهقك انا صارتلي نفس سالفتك ويوم رحت لمكتبهم اللي بابو ظبي قال لا لازم تاخذ فاوتشر الفندق اذا حجزت وشريت التذااكر فكنا (مجموعة موهقين) متجمعين عند كاونتر طيران الاتحاد بابو ظبي ولا اخذنا شي.. فحجزت على حسابي بمطار الفندق ب 650 درهم
وبالنسبه للشنط ممكن تخليها تحت عند الرسبشن بالفندق وتطلعون لحد مايجي وقت روحتكم للمطاار...

السلام عليكم
بالنسبه للشناط عادي تخليها عند الرسبشن..
وممكن تجلس اصلا بالفندق في غرفتك لمين الساعه 5 (وهو انسب وقت بالنسبه لرحلتكم)
بس طبعا بالاتفاق المسبق معهم (بدون شي اضافي)
هذا اولا..
ثانيا بالنسبه لطيارات الاتحاد..ممتازه وفيها شاشات وكل شي
وخدمتهم زينه
ثالثا بالنسبه للترانزيت-لاتقص تذاكرك لمين يعطونك فاوتشراتك من هنا
واللي ترانزيته اكثر من 8 ساعات مستحق يكون للترانزيت بس مايمنع انك تحرص انك تاخذها من هنا..
وشي ثاني مهم.. حتى لو اخذت الفاوتشر.. اذا وصلت ابوظبي وانت بطريقك لماليزيا.. لازم تأكد الحجز حق الفندق..
لان برجعتنا للسعوديه فيه موظفه روسيه ماتسوى ولاقرش عيت تعطينا سكن بالفندق مع ان معنا فاوتشرات بس تقول ليش مااكدتوا ؟
بس على مين يابابا..
سيدا على المدير المناوب وخلينا عاليها سافلها لمين بيض الله وجيههم جابوها لنا تعتذر منا .. وودونا بسيارة (الفرست كلاس) للفندق مع اننا سياحي مع اعتذارات من المدير نفسه والروسيه قليلة التهذيب اللي تحسبنا بنسكت لها..
رابعا..
في حال قالوا .. لا معليش انتم ترانزيتكم 7 ساعات و50 دقيقه ومالكم ترانزيت..
ممكن تروحون لمارينا مول في ابوظبي.. بيمر الوقت بسرعه.. وبتنبسطون ان شاء الله..
شوفوا ابو ظبي.. وتمشي.. وممدين على الحجره بالبيوت
بس مايمنع ان الطيران ممتاز جدا.. بس لازم يعرف الواحد حقوقه
تحياتي لكم ورحله سعيده يارب
تحياتي لك

في البدايه شكرا لسرعة تجاوبكم الترانزيت عندي تقريبا 9 ساعات من الساعه 12:10 ليلا الى الساعه 8:40 صباحا ايش تشير ون علي لاني خلاص اخذت التذاكر ارجعله واحاول اخذ الفاوتشرات من عنده او اذا فيه رقم اقدر استفسر منه للاتحاد حاجه ثانيه هل لازم ااكد الحجز من ماليزيا حجز العوده وكم رقمهم هناك وشكرا مره اخرى

اقترح انك تنشب لهم لمين تطلع ريحتهم ويصدرون لك الفاوتشر
ولو ماعطوك وجه هذا رقم الاتحاد في الدمام رح لهم او كلمهم وخلهم يتصرفون..
0بعمارة الموسى
بالنسبه لتاكيد حجز العوده زي تاكيد حجز الفاوتشر سوه من مطار ابو ظبي وانت رايح..
اكيد عندك ترانزيت -لقينا لك شغل تسويه
عموما هذا رقمهم في كوالا.. لو تبي تاكد حجزك..
مع انه بييجيك تسجيل صوتي انه مافيه داعي لتاكيد الحجوزات
1تحياتي لك

ابشركم نشبت لهم الين عطوني الفاوتشر حق الفندق وترى النظام يقول اذا ترانزيت اكثر من 8 ساعات لازم يعطوك فندق وما عليكم من المكتب السياحي لازم تروح للمكتب الرئيسي وشكرا

super.
انا مثلك اقيم بالدمام ومسافر بمشيئة الله على طيران الاتحاد مع زملائي قبلك بيوم اي يوم العيد وسوف نعود من ماليزيا قبلك بيوم وقد لاحظت على حجزنا انه لم يحدث تغيير على موعد العودة من كوالا وهو الساعة الثانية ظهرا بتوقيتها لكن العودة لن تكون محطتها الأخيرة الدمام بل البحرين وقال لي الموظف المختص بأن هناك حافلة سوف تقلنا للدمام ولا ادري اذا كان التغيير بالعودة قاصر على تاريخ عودتك فقط لذلك اردت الاشارة الى ذلك واتمنى لك اجازة سعيدة في ربوع ماليزيا

السلام عليكم ورحمة الله وبركاته
بالنسبة للموضوع ماقصرو معك الاخوان وخصوصا مسافره مختبه
وعلى العموم
انت طالبهم بغرفه من مكتبهم واذا رفضوا قول لهم انك بتشتكي عليهم00
او سلمك الله زي ماقالت لك الاخت مسافره
تطلعون على المارينا مول للتجول وتتفرجون على ابو ظبي
واذا تعبانين اقعد بين عيونهم وهددهم بالشكاوي ولا عليك من احد وهذا حقك
وبالنسبة لطيران الاتحااد
طيران ممتاز ومريح حسب ما افادوني اصدقاء
وبالنسبة للشاشات فهي موجوده في اغلب رحلاتهم المتوجهه الى اسيا
وهذي بعض الصور لطيران الاتحاد ان شاء الله تعجبك00

مقصورة الدرجة الاولى

وفالك طيب

اخي العزيز
لقد سافرت على الخطوط السعودية - الخليج - القطرية - العربية - اسيا اير - المصرية - الكويتية - Klm
الاماراتية وكان افضلهم الاتحاد طيران خيال