الجرباوي
01-09-2022 - 05:09 am
مساء الورد للجميع أن شاء الله بروح شهل العسل لماليزيا .....سؤالي كم تكلفه السفر مده اسبوعين انا سمعت ان وكاله المؤيد عندها عرض 18 يوم بتكلفه 9 الالف ريال ....؟ هل هذا الصحيح افيدوني يا هل الخبره اخوكم مطفر شوي .... علما ان سفري أن شاء الله في شهر اغسطس ....تكفون اعطوني معلومات بخصوص الاسعار .............
يابن الحلال ان شاء الله امورك تتيسر واحوالك الماديه تتحسن ،،، وبأذن الله تسافر هذه السنه واذا ما قدرت السنه الجايه
( واهم شي انتبه من الدين والسلف ،،، ترى الدين يتعب )
نرجع لموضوعنا
بالنسبه للعرض اللي انت كاتبه( 18 يوم بسعر 9 الالاف ريال ): الصراحه ما ادري عنه ولا اعرف صحته من عدمه ولكن المنطق يقول انه غير صحيح الا اذا كان هذا السعر للشخص الواحد فقط ،، يعني للشخصين 18 الف ريال.
( لازم تتاكد من هذا الموضوع وتعرف اسماء الفنادق وانواع الغرف )
وبالنسبه لاسعار الفنادق: حاول تلف على كم مكتب وتشوف الاسعار وتقارنها مع موقع اسيا ترفل
http://www.asiatravel.com/
وتجد له شرح كافي ووافي لمشرفنا الاخ مهند لكيفيه الحجز عن طريقه على هذا الرابط
https://artravelers.com/p/re/116223
واما اسعار الطيران فتبدأ تقريبا من 2600 ريال الى 3600 ريال على حسب الخطوط
بس عندك الطيران السيريلانكي لا باس به ورخيص فسعره قريب من 2800 ريال.