waleed dd
09-02-2022 - 07:58 am
السلام عليكم ورحمه الله وبركاته
بقولكم قصتي تحملوني شوي
انا طلعت بطاقة التسوق من الراجحي ( شحن)
ودخلت بوكينج وحجزت ست فنادق ثلاثه منهن غير مسترد
المبلغ اللي بالبطاقه ما يغطي على الخمس بالوقت اللي حجزت فيه
بعدها دخلت على ملفي في بوكينج جميع حجوزاتي لكن ماحصلت جميع حجوزاتي
وطبعت الفوتشر انا اللي وصلني على الايميل لكل الحجوزات لكن ما حصلت كل الحجوزات بملفي في بوكينج
واتصلت على الراجحي قالما عندك الا عمليتين بس معلقات !!!!!!!!
طيب ودي احجز من جديد واخاف الاولات محجوزات
يرحموالديكم فزعتكم
او اللي يعرف بعطيه المعرف في بوكينج ويدخل يتأكد بنفسه ويقولي وش السالفه
تكفون
بأذن الله الموضوع بسيط جدآ يالغالي ...
أنا حجوزاتي كلها عن طريق ( بوكينق ) ... وببطاقة ( تسوق الراجحي ) بعد
المطلوب يالغالي :
1) تشحن البطاقة بمبلغ يغطي مبلغ الحجز ... ولاتنسى يالغالي بعض الأحيان هناك مبالغ زائدة ( مانعرفها ) بسبب فرق
العملة والضرائب الأخرى ... أنا مرة حجزت وتعلقت العملية بسبب ( 13 ريال ) ناقصة ... وشحنت البطاقة ومشت العملية
2) أتصل على الفنادق وأتأكد بنفسك من الحجوزات ... أنا دائمآ أسوي كذا
3) ترسل رسالة لخدمة العملاء في ( بوكينق ) وتخبرهم بالموضوع وراح يعطونك العلم الأكيد
4) بعض الأحيان يكون التأخير من الفندق ... مايسحب المبلغ على طول
لاتغامر وتحجز من جديد ... أصبر يالغالي يومين ثلاثة وراح ( توضح ) كل الأمور بأذن الله ...
وافي بزمن جافي