السلام عليكم و رحمه الله و بركاته
كيف حالكم اخواني و اخواتي في بوابه المغرب
اتمنى انكم تجاوبون على الاسئله و ماتقولون لي راجعي التقارير لاني والله راجعت يمكن فوق 30 تقرير في مواقع عربيه و اجنبيه بس وقفت على هالاسئله لاني احتاج اجابه واافيه من ناس زايرين المكان نفسه
سويت لنفسي مليون جدول وحفظت المكاان
هالاسواق ابي شرح مفصل عنها وشنو نوع البضاعه المتوفره سواء مشغولات يدويه او تراثيه او مستورده والسؤال الاهم هل المكان يستاهل اروح له والا لا:
Almazar Shopping Centre
Route de l'Ourika
Gueliz ( هل هذا نفسه جيليز)
Sidi Ghanem
سوق ليلى
سوق الحفرة
سوق النحاسين
سوق السماطه
سوق للارقية
وفي بعد مراكش بلازا هذا بس مكان سكني و الا تجاري؟
شارع فرنسا و جيليز شنو فيهم؟ لان وايد اسمعهم يتكلمون عنهم و هل شارع فرنسا اهوا نفسه محمد السادس
شنو اسامي الاسواق الشعبيه؟ القفاطين - النعل المغربيه - الاكواب المغربيه ... الخ
شنو احلى القصور الي لابد من زيارتها لاني وجدت قصور عديده و جدولي لنص المده مشغول فمابي اضيع النص الثاني في زياره اماكن مكرره
اوريكا و سيتي فاطمه و شلالات اوزورد و تاكر كوست و وامليل ومولاي ابراهيم سهل المكان اذا معانا مره كبيره بالسن وحلوه زيارتهم و الا لا؟
مدينه اغامات شنو فيها؟ نروح لها ولا لا؟
اوكيمدن راح يكون فيها موسم ثلج وسكي و الا تكون مسكره؟
وين في حمامات مغربيه حلوه بس نبي يكون في غرف خاصه للنساء مابي حمامات تكون الجلسه نسائيه لا ابي كل سيده في غرفه منفصله
وين نلاقي مزارع الزيتون و التين والبرتقال؟ في داخل مراكش و الا بس بره مراكش واذا بره وين اقرب شي لمراكش والسؤال الاهم هل موسمهم بشهر نوفمبر
والجو بكون بارد والا معتدل في نوفمبر
يعني ناخذ جاكيتات ثقيله؟
سمعت ان اول ايام العيد ال 3 الاولى كل شي يكون مسكر .. هل هالكلام صحيح؟
يعني مطاعم ساحه الفنا تكون مسكره؟ و المناره مسكره ؟ و الا شلون؟ و اذا شي مفتوح وين هالاماكن؟
وسمعت علي بن فلاح مفتوح هل هالكلام صحيح؟
هل استطيع زياره فاس ومكناس و طنجه ليوم واحد طبعا كل مدينه لحالها بيوم مخصص لها و العوده بنفس اليوم؟ لاني لا استطيع المبيت هناك
لان كنت بروح اغادير بس قريت ان لا يوجد قطارات لها
واخر سؤال
مطعم دار السلام و دار موحا هل فيهم عروض مع الاكل؟ والا لا
واسفه اذا ثقلت بالاسئله
بس والله مالي من بعد الله الا انتوا