Yandim
29-10-2022 - 02:04 am
أنا حجزت ع المانيا عن طريق موقع cheapoair
دفعت للتذاكر وكل شي من شهر تقريبا
اكتشفت امس وانا اراجع ان اسم العائلة في كل التذاكر غلط
انقصت حرف واحد "A" من اسم العائلة
اتصلت بالموقع مليون مرة كل واحد يحولني على الثاني آخر شي قالوا استحالة نعدل شي
كنسل حجوزاتك كلها واحجز من جديد وكل المبالغ اللي تخسرتها باح
دقيت على نفس الخطوط اللي حاجز عندهم ( التركية Pegasus)
قالوا مانقدر نغير الاسم او نعدله لانك ماحجزت عن طريقنا مباشرة , حجزت عن طريق وكالة
لكن الاجراء الوحيد اللي نقدر نساعدك فيه بنحط ملحوظة جنب اسمك انه في حرف سقط سهوا
لكن مانضمن لك تمشي امورك , الأسلم انك ترجع تحجز حجوزاات جديدة
حجوزاتي مكلفتني فوق 10 الاف
وش السواة ؟
واحد نصحني اروح اعدل الجواز , بس ماادري الجوازات يعدلون بسهولة او لا ؟
والمشكلة ان بطاقتي الفيزا البنكية نفس الجواز وحجوزاتي للفنادق نفس الجواز , وموعدي بالسفارة الألمانية بعد نفس الجواز ( موعدي بعد بكرا )
الله يعافيكم طمنوني
هل يمكن موظفين الطيران يمشونها لي ؟
انا ابطلع من دبي , يمكن ان شاء الله يتساهلون معي موظفين مطار دبي
بس العودة من دسلدورف المانيا
اخاف ينشبون لي الألمان ولا يرجعوني !
احد جرب قبل هالوضع
وشروطها هل يمكن استرجاعها او لا
شيك على الشروط