السلام عليكم
بداية عندي كلمتين ،، أولهم شكراً على هذا المنتدى الرائع ، مجهودكم فيه كبير الله يعطيكم الف عافيه
ثاني شغله ، اني قرأت تقريبا كل المواضيع الاخوان/الاخوات الي شارين من الصين
استنتجت من الاغلبيه ان موقفهم ايجابي حول الشراء من الصين
وهذا شجعنا ان نأثث احنا بعد من الصين .............. ولكن المشكلة
ان في جماعة نعرفهم عطونا بعض الملاحظات ،، هم جيران ورايحين مأثثين من الصين لبيوتهم كامله
ملاحظاتهم :-
- ان السلعه صحيح أرخص من الكويت ، ولكن باضافة عمولة المكتب + الشحن + الجمارك + التركيب = تطلع نفس قيمة الموجود بسوقنا !
- بعض البضافه الواصله ناقصه ! او حاطين لهم قطع غلط !!
- الغرفةفيه منها 3 أسعار ، والاخ مختار أغلى سعر -عساس الجودة أحسن- ولكن الي وصلت هي الغرفة الي بأرخص سعر
- الاخ شاري تلفزيونات من هناك ،، وصلوا ولكن واحد منهم موشغال
هذي السلبيات الي شافوها بسفرتهم ، وتندموا
وبجذي زادوا حيرتنا ، البعض يمدح والبعض يذم
المطلوب أخيراً ... نصيحتكم ، ورايكم ،،، بنأثث بيتنا (3 أدوار + سرداب) ، أثاث + معلقات واضاءات + أبواب
وياريت الي عنده فكره عن الأبواب ينورنا
فاشرايكم ، نروح ؟ تسوى السالفه ؟ لو نمسك أرضنا
طولتها ؟ الله يعينكم ، بس اتمنى استفيد من خبرتكم ، وشكراً
وبالتوفيق لكم يارب ..
والله يجعله منزل مبارك ، وعامر بطاعة الله ..
طبعا ً اختي / العنود .. جميع ما تفضلتي به من تجارب لهؤلاء الجيران
هو ما ذكره الأخوه من الخبراء هنا ... وتركيزهم دائما ً وتشديدهم على :
التشييك على البضاعه قبل الشحن ..
ولو تفقدو بضاعتهم قبل الشحن ، لما وقعو في تلك العمليات من الاحتيال
والله يعوضهم بخير منها ..
تحيتي لكِ
ابو أريام