شوف تقريرعنه بالتقارير لموضوع اخونا سامي ..

عليكم السلام ورحمة الله وبركاته
الفندق عادي جدا وغرفه صغيره ماهو سئ بس ماهو باللي ترتاح له
إذا شهر عسل مانصحك فيه وممكن تشوف افضل منه بقريب سعره
مثل مليا والبارك رويال والدوريست ريجنسي او قريب البرجين أمبيانا كلهم افضل منه

طيب كويس اني ماحجزت فيه لانه بصراحه شهر عسل
بس انا محدود بميزانيه محدوده
انا ابغى فندق لمدة 5 ايام من
20-7 الى 25-7
والميزانيه بين 2000 الى 2200 ريال شامله الضرايب والافطار
ياليت ترشحولي فندق

هلا بالأخ الغالي (mode555 )
إذا بغيت فندق نظيف وإقتصادي وممتاز بشارع العرب ... أرشح لك ( دورسيت ريجنسي ) ...
سعر الفندق في الليلة الواحدة تقريبآ ( 360 ريال ) شاملآ الضريبة والإفطار ...
أنا سكنت فيه العام الماضي وكان رائع وأعجبني للغاية ...
يتميز الفندق بموقعه الحلو خلف الماريوت مباشرة بشارع العرب ...
خدمات الفندق ممتازة والغرف ( الديلوكس ) عندهم وسيعة ومريحة وأنيقة ...
وافي بزمن جافي

وافي بزمن جافي
اهلين بالوافي
والله اني دورت عليه في كل المواقع بس ماني محصله
في بوكينج موجود بس من دون الافطار
ماادري تنصحني اشوف في المكاتب السياحيه

عادي إحجز بدٌون إفطار وهناك إطلب منهم الإفطار. .او ارسل لهم بالإيميل انك تبي تحجز مع الفطور وهم يبلغونك
كم يكون السعر شامل عجبك إحجز ماعجبك اتركه وشوف بيكولو

mode555
شيكت لك حسب المبلغ اللي انت حاط وحصلت فندق البارك رويال ممتاز وخمس نجوم وموقعه ممتاز
قريب من شارع العرب دقيقتين او اقل وقريب من التايم سكوير وسعره في موقع اقودا
الخمس ليال = 2010 ريال شامل الخدمه والضرائب بس بدون فطور
وفيه فندق النوفوتيل موقعه ممتاز قريب من شارع العرب ولا هو بعيد من البرجين في المنتصف تقريبا واقرب لشارع العرب
وغرفه إكزاكتيف من افضل الغرف في ادوار عليا في موقع اقودا المجموع لخمس ليال = 1643 ريال
شامل الخدمه والضرائب والفطور وانا اشوفه معقول جدا بس لازم تحجزه بدري وهو افضل من السويس قاردن بكثير
وفيه هوتيل ميليا وهو حلو وموقعه حلو قريب التايم سكوير وقريب من شارع العرب السعر لخمس ليال
غرفه عاديه =1683 ريال شامل الخدمه والضرائب والفطور موقع اقودا
بالنسبه لنوعية الغرف والسعر والموقع النوفوتيل غرفه إكزاكتيف اشوفها ممتازه بس لازم تحجز بدري ولا بيروح العرض