sasoz
13-12-2022 - 08:07 am
رحلة لعائلة كبيرة - استفسار ومساعدة
السلام عليكم ورحمة الله
اخواني كما هو موضح في العنوان حاب اطلع سريلانكا بالعايلة كاملة الوالد والوالدة اطال الله في عمرهم واخواني واخواتي
العائلة كبيرة ماشاء الله انا و2 من اخواني متأهلين ولدينا ابناء وهذا سبب اختياري لسريلانكا لانها افضل اسعار تذاكر ودايركت ع الخطوط السعودية وفترة الطيران قصيرة لاجل الوالدين وهذا الي حمسني وراح تفرق معي اسعار التذاكر في التنزه والتمشية واختيار فنادق افضل في سريلانكا
سوالي : العائلة 17 شخص ماشاء الله تبارك الله الثمامه
السفر قبل عيد الاضحى المبارك ب3 ايام لمدة 13 يوم
بالنسبة للمدن و للفنادق لو في منتجعات او فلل يفضل أرجوا نصيحتي _(((مهم _ لوجود كبار في السن والديي امد الله في عمرهم اتوقع التنقل راح يكون قليل بالنسبة للسكن وليس للتمشية يعني اتوقع مدينتين او 3 كافية جدا )))وش المدن ال 3 الي بيكون فيها اكثر اماكن ومتنزهات ونشاطات
انا قريت كثير ان افضل يكون مدن قريبة من الساحل لان الجبال راح تتعب الكبار والاطفال
موضوع المواصلات احتاج الى باص كبير و سيارة صغيرة للتنقل السريع او تنصحوني ب 3 سيارات باصات صغيرة ليكون الجميع حر في التنزه وقتما شاء والاسعار لاهنتوا
ولو في اي نصيحة مهم ما تقصرون معي لان هذي اول مره اروح سريلانكا وشكرا لكم مقدما
دام معاكم كبار السن (الوالد والوالدة) احسن تقليل التنقلات يكون اكثر شيء بين كاندي ونوراليا (جوها بارد)
السائق موضوعه بسيط بالمطار تحصلهم وممكن اخذ 2 ميني باص صغير , سعر السائق عادة بحدود 55 دولار باليوم (للسائق الواحد) شامله الوقود والمصروفات (سكن السائق بالاتفاق) , لا تحتاجون مرشد سياحي لان السائق عنده خبرة كافيه , موضوع السكن افضل استئجار فيلا او شقتين (ممكن افيدك بواحدة جربتها بنوراليا اذا ماضيعت الرقم) , واي استفسار حاضرين