أم سعيد123
18-10-2022 - 09:09 am
بسم الله الرحمن الرحيم
عندى كم سؤال الله يفتحها بوجيهكم....
1-كيف الجو بنهاية شهر 1 ميلادي على بداية 2 في اندونيسيا؟؟؟
2- هل ينفع اني آخذ بنتي معي عمرها 3 سنوات الله يحفظها؟
3- كم تتوقعون تكلف الرحله بدون التذاكر لمدة 12 يوم ان شاء الله؟
4-وش تنصحوني احجز فنادق من الرياض والا احجز من اندونيسيا؟
5-ما اسم وكالات السفر والسياحه في اندونيسيا {الموثوقه} وموقعها وهل يوجد في مطارهم وكالات سفر وسياحه ثقه؟؟
6-وش المدن اللي تنصحوني اروح لها ولا ابغى شي فيه طيران داخلي؟؟
وشكرآ وآسفه على الاطاله...
وجزاكم الله الف خير....
مرحبا اختي. وانشا ءالله اني اقدر افيدك واجاوب على اسئلتك.
1-كيف الجو بنهاية شهر 1 ميلادي على بداية 2 في اندونيسيا؟؟؟
راح يكون موسم امطار بس ان شاء الله راح تكون الامور عاديه....بس ابعدي عن الاماكن الساحليه.
2- هل ينفع اني آخذ بنتي معي عمرها 3 سنوات الله يحفظها؟
انا ضد سفر الاطفال اللي اقل من 6 سنوات الى اندونيسيا لعدة اسباب منها ان الاجواء هناك ممطره وفيه بعض الاماكن راح يكون فيها شوية برد. يعني راح تتاثر بنتك باالاجواء هناك واحتمال تمرض عليكم. وهذا بحد ذاته يخرب السفره. وهذا يتطلب عليكم باخذ معاكم صيدليه من السعوديه.3- كم تتوقعون تكلف الرحله بدون التذاكر لمدة 12 يوم ان شاء الله؟
اذا راح تسكنون في فنادق خمس نجوم ,في فيلل راقيه.
انا اتوقع 10 الف ريال كافيه وزياده. وراح تكون شامله لسكن+المواصلات+الاكل+الهداياء.
4-وش تنصحوني احجز فنادق من الرياض والا احجز من اندونيسيا؟
افضل الحجز اول يوم من الرياض او عن طريق النت ......اما اول ما توصلون المطار فااحجزوا عن طريق مكتب كاها لبقية الايام.
5-ما اسم وكالات السفر والسياحه في اندونيسيا {الموثوقه} وموقعها وهل يوجد في مطارهم وكالات سفر وسياحه ثقه؟؟
كاها في جاكرتا وفي الجبل........وايضا فيه في الجبل مكتب اخونا سلطان المزيد "وهو يكتب هنا باسم مستشارك السياحي" وهو شاب سعودي مستثمر.
6-وش المدن اللي تنصحوني اروح لها ولا ابغى شي فيه طيران داخلي؟؟
جاكرتا + الجبل +باندونق.
انا والاخوان هنا تحت امرك لي سوال اختي. فلا تخجلي او تترددي.
شكرا