حياك الله ياصاحبي.. وحبيت اقولك ان يوجد قسم مخصص بالاستفسارات..
الاجابات كالتالي:
1- مااعتقد ان كرت الشحن الماليزي يناسب الشريحة السعودية..وضروري تاخذ لك شريحة ماليزية عشان السواقين وافضل بالتكلفة.
2- كرت الدخول الغي من زمان واتذكر رحلتي العام لم يكن موجودا.
3- التكاسي زي الرز وبكل مكان ولاتحتاج الى التنسيق لانهم كذا قد يطمعون فيك.لكن لايمنع انك تاخذ الرقم واذا وصلت تتصل ويمكن يطلع سعره كويس
4-حسب مافهمت انك بترجع من لنكاوي الى مطار كوالا الدولي عندها اركب الى محطة klسنترال ومن هناك تجد افضل الباصات لكاميرون
ومن افضل الشركات عندك ارولاين.
اما اذا قصدك من لنكاوي الى كاميرون فالطريق صعب ومتعب وحوسة .

( ينقل إلى قسم الاستفسارات )
بالنسبة لأسئلتك أخي الكريم ما قصر أخونا kazami جزاه الله خير
1 - أنا أفضل شريحة ماليزية لكن للأمانة ماجربت الجوال السعودي هناك وفيه خدمات التجوال ممكن يفيدونك اللي جربوها
2 - كرت الدخول ألغي من نهاية 2011 تقريبا
3 - التكاسي كثيرة هناك ويوجد موضوع جديد ومثبت في القسم لأرقام السواقين المجربين ومافي داعي للاتفاق المسبق قبل السفر
وأيضا تقدر تحمل تطبيق ماي تاكسي اللي تكلموا عنه الأخوان وراح يفيدك كثير
https://artravelers.com/p/re/913709
4 - فعلا باصات ايرولاين هي الأفخم لكن حسب علمي أنها لا توصل إلى كاميرون
فيه باصات نايس ويونيتيتي وباصات جديدة قال لنا السواق أنها الأفضل لكن لايحضرني اسمها
اللي اتذكره اكسبريس لكن ناسيه الاسم بالكامل
موفق أخي الفاضل ورحلة ممتعة بإذن الله ..
أختك .. شموخ

اولا توصل بالسلامه
انا لي 3 ايام واصل للسعوديه جاي من ماليزيا واستفدت من المنتدى المعلومات الوافيه
اسمحلي اقولك ماليزيا ممتعه ومريحه وانبسط ولا تشيل هم ..
بالنسبه للشريحه نصيحتي لك خذ لك شريحه من المطار وبتلقى اكشاك لهم وهم دي جي وبعدها سيليكوم والاخير هوت لينك .. انا اخذت سيليكوم ب 69 رينقت تقريبا فيها 2 جيجا نت و 25 رينقت اتصال وسعر الدقيقه للسعوديه 35 سنت اقل من رينقت
بنسبه للدخول وبطاقة الدخول ما مرت علي والشباب افادوك
والتكسي و التنسيق انسى كل مطار فيه مكتب تكاسي تقوله وجهتك وعددكم وعدد شناطك ويعطيك سعر ثابت ..
كامرون انا ما رحتها ولا اقدر افتي بشي ما اعرفه
تقبل مروري واطالتي والله يوفقك وخلك ريلاكس

hah91
فيه تطبيق جدا جميل للتكاسي انا استخدمته وعملي اسمه my teksi .. من خلاله تحدد موقعك والموقع المراد الذهاب اليه ويعرض لك اقرب التكاسي وتحدد وجهتك ويطلع لك بالتطبيق اسم التكسي و لوحت التكسي وصورة السواق والسعر التقريبي للوجهه
انا استخدمته واستفدت منه لانه آمن في حال نسيت اغراض لك ف معلومات التكسي عندك

اجابوك الاخوان ع كل الاسئله لنكاوي جزيره مايمديك تطلع منها الا طيران لكوالا ومن كوالا تروح للكاميرون بالباص ممكن 4 ساعات احنا اخدنا باص اسمه باهي مرا نظيف وجديد بس تعب لو تبغى تروح وترجع بنفس اليوم اقلها خدلك يوم

kazami
جزاكم الله خيرا جميعا على الافاده
اخي الكريم بالنسبه للشريحه قررت اخذها لكن بالنسبه للجهاز هل اخذ معي جهاز جوال اضافي معي للشريحه او بنفس جهازي الحالي
وبالنسبه للتكاسي المشكله هي انني لااجيد الانقليزيه ابدا ففكرت اني اكلم سواقين عرب من هنا .. ام اني سأجر سواقين يتكلمون العربيه بكثره .. وبشكل عام هل سيشكل عدم ايجادي اللغه الانجليزية عائق كبير هناك
والباصات نعم انا سأصل الي مطار كوالا من لنكاوي وفي نقس اليوم ارغب بالذهاب لمرتفعات الكاميرون لكن هل حجز الباص يحتاج يكون مبكر ام نفس وقت وصولي سأجد الباصات متوفره
شاكر لك مقدما

hah91
الله يسلمك ويجزاك خير
اخي الكريم بالنسبه للشريحه قررت اخذها لكن بالنسبه للجهاز هل اخذ معي جهاز جوال اضافي معي للشريحه او بنفس جهازي الحالي
وبالنسبه للتكاسي المشكله هي انني لااجيد الانقليزيه ابدا ففكرت اني اكلم سواقين عرب من هنا .. ام اني سأجد سواقين يتكلمون العربيه بكثره .. وبشكل عام هل سيشكل عدم ايجادي اللغه الانجليزية عائق كبير هناك

استفسار الحاقي
عندي مودم كويك ماي فاي فور جي من الاتصالات السعوديه
هل ممكن يركب عليه شريحة بيانات ماليزيه للنت

1-بالنسبة للجوال فحبذا واحد ثاني يكون اضافي (ابوكشاف) تحط فيه الشريحة الماليزية وتخليه مكالمات سواقين ومطاعم.2-جوالك السعودي تبيه تجوال او تبيه استقبال بكيفك.
3-الرحلة حقت كاميرون يفضل تحجزها من قبل بكم يوم. وانا اقترح عليك تحجزها من قبل الذهاب للنكاوي.
وانت في سلانقور تروح محطة klسنترال وتحجزها منا هناك ثم تروح لنكاوي وترجع وتكون مرتاح.
4- الانقلش اخر شي تفكر فيه..لان اغلب التكاسي يفهم كلمتين عربي وانت قبل ماتركب خذ اسم المكان اللي بتروح له او صورة له. اما شغلة تتفق
مع سواقين عرب فوالله انهم غالين وسعرهم دبل.عموما مايمنع تجرب هناك تكاسي عادية واذا ماناسبك دق على العرب.
5- المودم حق الاتصالات في الاغلب يكون مشفر فقط على شريحة الاتصالات فاذا جربت شريحة موبايلي او شريحة ماليزي فماراح تشتغل
الا اذا كسرت الشفرة حقت المودم.