وعليكم السلام ورحمة الله وبركاته
في البداية مرحباً بكِ بيننا
هذا موضوع خبيرتنا في نيوكاسل الأخت شنطه سفر وراح تأتي وتعطيكِ كل ما تريده ان شاء الله
مع خالص احترامي

تفاحه
تنورين نيوكاسل حبيبتى ,,,,
ملبورن
ثانكس على الثقه ,,,انشالله ما نقصر

تفاحه
بتكلم لك بالبدايه عن المدينه بشكل عام وعن اهلها وجوها ,,,وبالنهايه بقولك الاماكن السياحيه اللى فيها وراح احاول ابحثلك عن صور لكن ما اوعدك بالصور لانها مو متواجده عندى يعنى بحاول ابحث عنها بالنت
بالنسبه للمدينه هاديه وحلوه مو busy مثل المدن الكبيرة ,,,فيها نهر كبير حلو للتمشى لدرجه ان العوايل الخليجيه تكشت عنده
الشعب ولله الحمد انا اشوفه محترم كثير وماله الا بنفسه وبالعكس لما يشوفونك يبتسمونلك ومعاملتهم لطيفه للعرب ومافيه اى استنكار للحجاب خصوصا مع كثرة المحجبات ولله الحمد هنا ...ولكن لابد انك تلاقى بعض الاشخاص اللى عندهم عنصريه للعرب ولكنهم شذوذ وليس قاعده
الاسعار بالنسبه للسكن والمعيشه تعتبر غاليه نوعا ما لكن تعتبر ارخص بكثير من الجنوب والوسط ...يعنى رحمه
الصيف عندهم 3 شهور بس طبعا مو مثل صيفنا خ جو حلو وهواء وامطار يعنى جو رومنسي
اما الشتا .....برد وثلج خفيف ...
يعنى باختصار لو جايه بالشتا ثقلى الملابس ولو جايه بالصيف جيبي معاكى جاكيت احتياط للحالات الطارئه ,,,,
لكن داخل البيوت تلبسين اى شي ماعندك مشكله ...لان البيوت دافيه !!
ي ت ب ع

بالنسبه للمناطق اللى يسكنها العرب هى
Kingeston Parck
وتلاقين البيوت فيها دورين ومعاها حديقه خلفيه والمنطقه حيل رايقه وامنه ,,
Fenham
هذى منطقه يكثر فيها الهنود والعرب يعنى المسلمين بشكل عام لكن العوايل الخليجيه ماتفضلها لانها غير امنه مع العلم انها رخيصه مرة ,,,
وفيها المنطقه هذى الحاج مصطفى يبيع اى شي يخطر على بالك من الاكل العربي لدرجه ان زوجى جابلى منه تمر بسر تخيلى
وعنده بعد قصاب تاخذين من عنده لحم ودجاج حلال

لى عوده انشالله مع الاماكن السياحيه ,,,

لقيت لك موضوع رايق لاخونا القطري اثناء زيارته لنيوكاسل شامل لكل الاماكن السياحيه ,,,فقلت تشوفينه قبل لانه غنى ماشالله بالصور ,,,
ولو احتجتى شي غيرة انا موجوده ,,,
https://artravelers.com/p/re/130657

مشكورة حبيبتي ...
بس بغيت اعرف اكثر عن اماكن التسوق و الاماكن السياحيه اكثر و بعرف عن المناطق القريبه منها و كيفيه الوصول اليها..

من عيونى ,,,
لى عوده انشالله ,,,,

city center
هذا السيتى سنتر ,,عباره عن شارع تمشين فيه على يمينك ويسارك توجد المحلات من مختلف الماركات
وفيه مجمع اسمه
Eldon Gardens
ومن بعض الماركات اللى موجوده فيه ,,,
Lasenza/ Next/ Bhs/ Oasis/ MoonSon/ Bay/ New Look/ Virgen
هذا كله DVD'S/ H&M/ French Connection/ Karrin Millen (هذاا ماركة و غالي و رااقي)
و غيرها و غيرها.
فيه مجمع Cruse كرووز كله ماركات قوتشي و ارماني الخ من الماركات الكبيرة العالميه هذا بالسيتي.
فيه عندنا محلات فخمه كثير
مثل جون لويس John Louis هذا يهبل يبيع مكياج عطوور ملابس من نفس اسم المحل
وماركاات و شنط ونظاراات و اكسسوارات الخ طبعا رجال و نساء و اطفاال بعد غير الاجهزة و الاثاث.
وفيه بعد فينيكFenwick و هذا عنده نفس الشي مكياج وعطور وشنط و الزيادة فيه
Food Store هذا اكله غالي و High Quality
وطبعا مطاعم ماكدونالدز و كنتاكي و برجر كننج بس طبعا مو حلال.
و ستار بوكس و كثير كوفى شوب ,,
وبنهايه الشارع فيه مجمع اسمه The Gate هذا فيه سينما و فيه مطعم ناندوز حلال
وبعدها تدخلين على ساحه المونمينت ,,,,تلاقين فيها محلات كثير منها وانصحك ما تفوتين fat face
المكان الثانى اللى بقولك عليه هو
Metro Center
وهذا مجمع من اكبر مجمعات اوربا ,,عباره عن 4 اقسام اتحداكى تخلصينها بيوم واحد ,,,,
فيه كل المحلات الي بالسيتي وغيرها ,,,هذا غير المطاعم والسينما وملاهى للاطفال....بس على فكرة فيه كم لعبه للكبار لاتفوتك :109:
و هذاللاسف ماعنده مترو عشان كذا تروحين له بالباص 20 دقيقه او بالسياره ,,,
هذا كل شي ,,,بالنسبه للاسواق !!
بالتوفيق