تقع مدينة برايتون جنوب لندن مطله على بحر القناة الانجليزية
تعتبر منطقة سياحية ولراغبين الذهاب للبحر
تتواجد بها معاهد كثيرة تختص باللغة الانجليزية والتي معتمد بعض منها بالسعودية
ويمكنكم الاطلاع على تفاصيل أكثر من خلال

وعليكم السلام ..
اخوي هذي منطقه ساحليه تبعد عن لندن تقريبا ساعه وشوي .
تروح لها بالقطار .
ويكفيها يوم كامل .
لمزيد من التفاصيل اكتب بقوقل برايتون
وانت تعرفها اكثر ..
وحياك الله معانا .
همسه :
حاول تستخدم محركات البحث سواء بالمنتدى او خارجه قبل ادراج اي موضوع

شاكر لك اخي الكريم سرعة استجابتك والمعلومات المقدمة
تحياتي لك

وعليكم السلام ورحمة الله وبركاته
هلا وغلا الغالي
المدينه حلوه وتستاهل رحله ليوم كامل اتروح الصباح واترد على المغرب ..
اول ماتطلع من محطة القطار في برايتون اتكمل مشي سيدا لين نهاية الشارع ..
قبل نهاية الشارع في مجمع صغير ادخله وخذ لفه فيه وبعدها اطلع على البحر من خلال نفق المشاه الي امسوينه وبتلاقي الكوفي شبات على يمينك ويسارك ..بتلاقي فيش اند تشيبس على يمينك وأنصحك فيه
وبعدها في مجمع تقدرون اتروحون له مشي حوالي نص ساعه ..ولكن المشي على البحر يعتبر متعه ..ومكانه الغالي اتخلي البحر على يمينك وتمشي لين اتلاقي السوق في وجهك ..ونفس السوق بتلاقي عندهم جمعية أزدا وعندهم سوق اوت لت إذا لكم خاطر فيه
وفيه قصر شكله مثل القصور الهنديه زوروه إذا رحتوا ان شاءالله
واي خدمه احنا في الخدمه

ما قصر اخووي القطري كفى ووفى عن منطقة برايتوون
بس اختلف معاه في نقطة وحده صغيروونه
وهي ان مجمع المارينا اللي اتروح له مشي من طريق البحر ما اعتقد انه ياخذ
نص ساعه ياخذ له اكثر لان انا يوم رحت امشي من البحر يوم ووصلت له الا المارينا مسكرر
مافيه غير البيتزا هت مفتووح
شكرا صاحب الموضوع ... اخوي القطري مشكور والسموحه

ما قصروا اخواني
و ترى فيه مكاتب سياحيه تسوي لبرايتون رحلات
اذا ودك تروح لها تقدر تروح معاهم او بروحك

اشكر الجميع على تفاعلكم مع الموضوع
والرد على الاستفسار وتقديم المعلومات المفيدة عن هذي المدينة
تقبلوا تحياتي

عندي استفسارين عن برايتون
1_ الاوت لت حقها وينه فيه ؟ جنب ازاد ؟ والابمكان ثاني
2_ فيه باصات تودي من لندن لبرايتون واذا ايه وين مكانها وكم اسعارها

maay
السلام عليكم
هلا وغلا اختي maay
مكان الاوت لت عند ازدا
والباصات متوفره ..
بشوف موقعهم وراد ان شاءالله بعد اشوي
دقايق بس ..