ابي استفسر عن نقطه في ماليزيا والصراحه الي خلاني اقولها اني انبهرت في تايلند عن طريقه حلوه ومريحه للسياح وايضا تدل على عقليه سياحيه وتخطيط سليم من السياحه التايلنديه والنقطه هي ان تايلند مثلا الاماكن السياحيه ماتحتاج تكسي ابدا انك تروح لها لو تبي والتكسي يمكن ماتخذه الا ماندر جدا او اذا كنت بتروح لاسواق او وصلت من المطار بتروح للفندق او العكس .
لكن الاماكن السياحيه فيه مكاتب معبيه البلد والشوارع والمطارات خاصه بالرحلات السياحيه لاي مكان في تايلند واي مكان في اي مدينه فيها .
كل الي عليك انك تقول للمكتب انك بتجلس في الديره عدد من الايام وش الرحلات الي عندكم ؟
يقولون كذا وكذا ..وتعطيهم الفلوس وخلاص .
يمرونك في الفندق يوميا في ساعه معينه يعلمونك عنها هم ويجيك مكروباص صغير يوديك ويجيبك شاملا الرحله غدائها او عشائها على حسب وقتها .
فسؤالي عن ماليزيا ناوين نروح لها السنه الجايه ان شاءالله بعد مااعجبتنا تايلند فهل نحصل فيها نفس الطريقه ؟او التنقلات فقط بالتكاسي ؟