بالنسبة لديزني هونغ كونغ هي تقريبا منطقة مقطوعة يعني مكان بروحه اذا تبي تاخذ شي خذه من المحلات اللي في الحديقة ، اكلهم مو غالي وايد ، 4 ايام بتكفيك وزيادة يعني بتشطب على كل شي فيها، الفنادق مافيها شي الا المبيتبس اذا بتسكن في فندق هوليود فيه سوبرماركت صغيرون .
للتسوق لازم تروح لجزيرة هونغ كونغ او جزيرة كولون بس هونغ كونغ احلى وكلها لمدة 30 الى 45 دقيقة حسب توقف القطار ، والمحطة موجودة في الحديقة ان شاء الله ما تتعب واي سؤال حاضرين.

اختي ما في شي اسمه سكن جنب دزني لاند الجزيرة كلها صغيرة . وبالمترو فقط من 7 الى 10دقايق وصول لدزني
2-دزني هنق كنق يوم واحد زايد عليها هي عبارة عن ملاهي كبيرة شوي ليست مثل دزني امركا او دزني فرنسا .
3- لا انصح بثلاث ايام فالدولة تستحق عشرة ايام اذا عندك وقت .
4- بخصوص المال يكفي الشخص سكن وسياحة كاملة تقريبا 3000 ريال وبزيادة لمدة اربعة ايام .
والريال السعودي = اثنين دولار هنق كنقي.
واعتقد صح الدولار الامريكي افضل .تحياتي

مشكور حبيبي
بس سمعت ان في محطات انزل فيها والاقي أسواق شعبية لازقه فيها
وحبيت اعرف جم يكفي مصروف مع الاكل
وهل تنصحوني اصرف دولارات امريكيه من الحين؟؟

السلام عليكم
تفضل موضوعي وفيه عن ديزني لاند
وبقربه اوت لت مول سيتي جيت
https://artravelers.com/p/re/500534

اشكر كل من رد بموضوعي
وأخوي اماراتي أنا كنت شايف موضوعك بس لان ولا مره رحت هونغ كونغ ضعت شوي بشرحك أنا مسوي جدول رحلة كامل بس احدى محطاتي ديزني لاند هونغ كونغ راح اقعد فيها ثلاث ليالي اربع ايام واطير بالليل وانا حاجز وخالص من ناحية الفنادق والطيران.
الفندق اللي راح اسكن فيه هو هونغ كونغ ديزني لاند هوتيل وشامل تذاكر الحديقة
أنا علشان ماضيع أهناك ووقتي خاصتا راح يكون قصير ابي الاسواق القريبة جداً من ديزني لاند واقدر اروح لها عن طريق القطار
ارجو وضع المحطات من ديزني لاند لي هالاسواق بشكل مبسط
وجم المبلغ الجيد لي هالرحلة من ناحية المصروف والاكل والمشتريات راح تكون بسيطة جداً *
وشكرا

والله كل واحد له راي في نظرته وانت خذ اللي تحتاجه من الآراء.
حظ موفق وهونغ كونغ بلد جميل تستحق الزيارة