ياليت اهل الخبره يردون الله لايحرمهم الاجر

مبروك عليك الشهر ....
اخوي شوف عروض اكثر عن شركه تراه جولين مب مدينة غير معروفه .. يعني بتحصل كثير من الشركات توفر خدمات سياحيه لهذي المدينه فأكيد بتحصل تنافس في الاسعار ..
طبعا لا تقنع بالعروض الموجوده في المواقع كلها بدون ما تكاسرهم .. حتى المكاسر عادي في النت انت رايح للصين كل شي مكاسر عندهم ...هذي الاسعار في الغالب غير ثابته ...
انا سرت في هذي الشركه ...
http://www.chinaodysseytours.com/guilin-tour/3-nights-4-days-in-guilin.html
شوف اسعارهم بعد ...
بالنسبة الى سعر التذكره يمكن يكون معقول ... لو حجزت قبل مدة سفرك من شهرين بتحصل على اسعار مخفضه ..
وخمس ايام كثيره وايد لابد قراءه جدولهم بعنايه ومعرفة اين سيذهب بكم لأنه في خمس ايام تقدر تسوي وايد برامج حتى تقدر تخطط لنفسك قضاء وقتك الخاص في غير وقت البرنامج في المساء مثلا في التسوق او السياحه في الليل...

جزاك الله خيرا ولا حرمك الاجر انا رتبت معهم برنامج خاص بي وفنادق اربع نجوم اريد من يعرف عن هذه الشركه يفيدني لانهم طلبوا مني كاش هل هم ثقه لاحد يبخل علي بالرد

ردو يااصحاب الخبره لاتبخلون علي بشئ لاني اول مره اتعامل مع شركه عن طريق النت

كاش يعني قصدك يوم الوصول تدفع لهم كل شي؟؟؟ هذا المطلوب عندها تقدر تطمن وتتأكد من جدولك قبل ما تبدون وبعدها ان شفتها نفس المتفق عليه تدفع لهم ...

شوف ياعزيزي انا توني جاي من الصين وكنت في جولين حجزت تذاكر عن طريق مكتب سفريات في كوانزو بقيمة 350 رممبي للبالغ ويوم وصلت جولين في مكاتب في المطار حجزت 4 رحلات تقريبا لمدة 4 ايام وكان سعر جميع الرحلات طبعا ثابت لكل شخص من الصباح الى المساء 900 رممبي

بولجين1
فيه شغله مهمه ذكرها الاخ بولجين يزاه الله خير...
فيه نوعين من الشركات السياحيه .. شركة تقدم رحلات خاصه بحيث توفر لك سياره خاصه ومرشد وشركه توفر رحلات عامه بحيث توفر باص سياحي فيه قروب ناس والباص يمر على كل واحد لين يتجمعون ثم يذهبون الى الاماكن السياحيه ويكون المرشد عام حق الجميع ..
سعر الرحلات الخاصه اغلى طبعا من الرحلات العامه وعليه فلابد تتأكد هل الشركه هذي من النوع الاول ام الثاني...
طبعا مميزات الرحلات الخاصه انه الوقت مب مقيد وتاخذ راحتك في السياره والاكل انت تقدر تختاره وتغيره ام الثانيه الوقت مقيد فيه ويكون باص وعلى حسب العدد يمكن فيه وايدين ويمكن قليلين والاكل عادة يكون ثابت ويكون الدفع هناك ام يكون ضمن الباكج ....
طبعا الاكل صيني في العاده ....لكن الرحلات الخاصه تقدر تختار اي نوع من الاكل لو موجود مثلا كنتاكي او ماكدونالدز تقول لمرشدك اثناء تخطيط الرحله وهو بيضبط لك...

دعواتي لكم في هذا الشهر الكريم انا اخترت جميع الرحلات خاصه سؤالي هو ان هذه الشركه طلبت تحويل البلغ حواله كاش مارئيكم اتوكل علي الله وادفع افيدوني جزاكم الله خيرا

اخوي دفع المبلغ كامل ما انصحك به على الاكثر 10% ...
وتدفع الباقي عند الوصول ...