ياهلا أختي ( لمى ) ...
بداية ... كل الأماني لكم برحلة ممتعة ...
أما ( جنتنغ ) فهي سحر حلال ... وجنة من جمال ... فوق الخيال
يكفي أنها معشوقة المطر ... ومعانقة الضباب ... وفيها كل مايسر النفس ويبهج الروح
كل من سكن في جنتنغ ( يحبها ) ... ويذكر أنها أجمل محطة في رحلته ...
أنصحك تجربين طريقتي في السفر من بينانغ إلى جنتنغ ... وهي كالتالي :
من بينانغ إلى محطة ( كي أل سنترال ) بكوالا ... باص نايس ( الأنيق ) والمسافة أربع ساعات
ومن المحطة أول ماتنزلون ... تاكسي إلى جنتنغ ( 45 دقيقة ) ... روعة بصراحة
وتفضلي هذا جدول لمدة يومين في جنتنغ ... كامل وشامل بأذن الله
اليوم الأول ( جنتنغ )
الوصول للفندق والراحة قليلآ ... ثم التجول بالمنطقة المحيطة
وبعدها زيارة السوق الضخم والعشاء هناك
اليوم الثاني ( جنتنغ )
الأفطار صباحا ثم زيارة ( بوكيت تينجي ) من الساعة ( 10 ص - 1 ظهرا )
وبعد الظهر زيارة الألعاب الخارجية ( ثيم بارك ) أوت دور ... والجلوس فيها للمغرب

ربي يعطيك مليون عافية اخوي وافي ربي يسعدك ياشيخ دايما تسعدني بسرعة ردك
عندي شوية استفسارات عالاشياء اللي ذكرتها كيف احجز هالباص ومتى وبكم ولازم اوقف اول بكوالا ودي بشي يوصلني على طول جنتنج
بوكيت تنجي عبارة عن ايش (ادري عليمية لاتواخذني )

العفو أختي الكريمة ... وتستاهلون كل خير والله
طبعا الباص من بينانغ إلى جنتنغ ( تعب عليكم ) ... عشان كذا سوي مثل طريقتي ...
طبعا باص ( نايس ) تحجزونه من مجمع ( كوينسبي مول ) في بينانغ قبل الرحلة بيومين أو يوم
سعره 74 رنقت للشخص ... وأختاروا رحلة الصباح أفضل عشان توصولون بداية اليوم
كل التكاسي تعرف مجمع ( كوينسبي مول ) ... ومكتب ( نايس ) في المجمع نفسه
أول ماتوصلون محطة كوالا ... تجدون التكاسي بكثرة ... أتفقوا مع واحد منهم
سعر التاكسي 100 رنقت ... وكلها 45 دقيقة وأنتم بجنتنغ بأذن الله
أما ( بوكيت تينجي ) تبعد عن جنتنغ ( 20 دقيقة فقط ) ...
وهي منطقة رائعة فيها قرية ومباني على الطراز الفرنسي والياباني ... تستحق الزيارة والله