وعليكم السلام ورحمة الله وبركاته
شوف يالغالي راح افيدك باللى اعرفه والشباب ماراح يقصرون معاك ان شاء الله ..
اغلب اللى شفته وعرفته وانا جربته في ماليزيا انك تضع ميزانية لليوم مابين 300 الى 500 رنجت ..
والفنادق تقدر تختار المناسب لك فيه الغالي وفيه المناسب وفيه الاقتصادي جدا ..
والطيران تقدر تشيك على مواقع الطيران على النت وتختار سعر الخطوط المناسب لك ...
انت اللى تقرر .. بس حط في بالك يكون السعر ما بين 20 الف الى 30 الف ..
بالتوفيق .. واي خدمه حاضرين ..

هلابك يالحبيب الغالي
التكلفة تختلف من شخص لأخر ... وتعتمد أولآ على سعر تذاكر الطيران الدولي ..
لكن تفضل هذه التكلفة التقريبية لرحلة أقتصادية ( 15 يوم ) ... لشخصين طبعآ
الطيران الدولي للشخصين بحدود ( 5000 ريال )
الفنادق الأقتصادية المجربة أربع نجوم ... سعرها في الليلة ( 350 ريال * 15 يوم) = 5250 ريال
التنقلات والطيران الداخلي ( 1000 ريال )
المصروف اليومي ( 450 ريال * 15 أيام ) = 6750ريال
الأجمالي التقريبي ( 18000 ريال ) بأذن الله

مشكورين والله يعطيك الف عافية
وافي اسمعك بك قبل اسجل ودخلت الموقع واعجبتني مواضيك
وافي اسم على مسمى
ان شاءالله بعد ايام قليله بطلع الجوازات ونبي منكم 15 يوم ترتيب في ماليزيا فنادق 4 نجوم

تحية طيبة
والله الواحد بعد وافي يستحي يرد ويساعد ههه
كفيت و وفيت اخوي وافي بصراحه ما اقدر افيدك اكثر
بقلك بس الله يسهل امورك و يوفقك

تسلم والله
بس ياخوان انا شيت على بوكينق لقيت فنادق خمس نجوم كثير مرة في كولالمور رخيصه مدري على شان الحجز بعد شهر او على شان مو موسم
لان حجزي اول ابريل

اعتقد اول ابريل احسن اوقات السنه في الحجوزات لخلو السياحه في هذا الشهر واختيارك للشهر جدا رائع
تاكد من العملة لاتكون دولا ونت غلطان
الفندق يختلف في قيمة الغرفة حسب القرب من البرجين و البعد و القرب من شارع العرب و البعد
لا تنسى اختلاف انواع الغرف و الكماليات فيها و هذا يؤثر بالسعر
لا تنسى قد لا تكون الضريبة محسوبة
لا تنسى غرفة بافطار تختلف بالسعر عن غرفة بدون افطار
و الله اعلم

صدقت انا دخلت على بوكينق وحطيت 15 ليلة واخترت فندق خمس نجوم وحطيتها كلها بكولامبور واكتشفت ان الاسعار تقريبا لجميع الايام من 4 الالف الى 8 الالف اشوفها ممتاز يعني يعادل فنادق السعودية في خمس ايام ههه
ويش احسن الطيران الي تنصحوني فيه

هلابك أخوي ( كاسر غرورك )
وقت سفرك في أبريل ( أجمل وقت ) ... سياح أقل + أسعار أرخص + أجواء أحلى ...
الأن يجب عليك تقسيم الأيام على المدن ... وبعدها تختار الفنادق المناسبة في كل مدينة
والطيران الأشهر والأرخص في ماليزيا هو ( air asia )
أنت عطنا ( تاريخ الوصول لماليزيا + تاريخ العودة ) ... وراح نرتب لك أجمل رحلة بأذن الله

انا ابي السفر يوم 29 مارس والعودة يوم 15 ابريل وماحجزت ولا سويت شي نهائي