q8music
11-08-2022 - 03:13 pm
السلام عليكم
انا عندي استفسار وهو عن شركات الطيران واوقات العروض الخاصة بالسفر
فارجو من الجميع من لدية معلومات عن اي شركة طيران تعلن عن اسعار خاصة في فترات محددة من
السنة ان لايبخل علينا بهذة المعلومات
انا سامع ان الخطوط البريطانية لديها عروض سفر لبريطانيا في شهر سبتمبر واكتوبر فما مدى صحة هذا الخبر
لاني بسافر الى بريطانيا في شهر يناير واذا الخبر صحيح انطر واحجز في شهر اكتوبر ؟؟؟
وارجو من ادارة المنتدى ان تخصص قسم للعروض الخاصة بالطيران لكل الدول
هلا وغلا الغالي ..
مسألة العروض هذي لازم اتكون امتابعها أول بأول او تشترك في الأيميلات عن طريق مواقع الطيران الرسمي ..
وبعض العروض أتكون خاصه حق الأعضاء فقط ..مثلاً القطريه كانوا امسوين عرض ودازينه حق الأعضاء ..وفوق هذا ماطرشوه حق كل الأعضاء ..طرشوه حق الأعضاء الي عندهم البطاقه الذهبيه بس ..ولما جاني الأيميل كان العرض حلو واجد ..فسألت رفيقي في الدوام وقلت له جاك عرض القطريه !! قال لا !! تفاجئت منه ولما سألته عن نوع بطاقته قالي الفضيه ..فبعدها عرفت أنهم يبون ايبلغون الأعضاء الي عندهم الذهبيه ..
وفيه شي بيريحك واجد ..كل ماتحجز بدري كل ماكان السعر أقل ..
بعطيك مثال بسيط ..أخوي حاجز على ماليزيا من شهر 4 الي فات ..وسفرتهم بتكون ان شاءالله في بداية 8 ..
اطلعت عليه التذكره الوحده 2900 ريال قطري ..
راح ولد عمي أمس يبي يحجز على ماليزيا على تاريخ 16 /7 ..تدري كم قالوا له !!
0ريال !!!!!! مع العلم انها سياحيه مش بزنز ..