السلام عليكم ورحمه الله وبركاته
بخصوص استفسارك عن الساعات التقليدية راح تلقاها فى كل مكان فى السوق الصيني بكوالالمبور وبينانج
وكذلك شارع العرب مع الباعه المتجولين فيه ناس تبياعه مع اكياس والبعض بالصندوق الخاص بها انا
جربتها وما أشوف فيها شي بلعكس كأنها الأصلية أنت جرب وحده واذا صلحت لك خذ كمية هدايا ولاتنسانى
جبلي ساعه معك ههه أمزح يعنى ثنتين ثلاث ...... ما أتشرط أبد.
اهم شي كاسر كاسر وانت وشطارتك على فكرة أسعارها من بعد المكاسر 100 رينقت 80 رينقت تقريباً فى
هذه الاسعار .
اتمنى اكون اجبت على سؤالك
تحياتى لك أخوك : ابو المعارك

ابو المعارك
وعليكم السلام ورحمة الله وبركاته
تسلم اخوي عالتوضيح والله ما تغلى عليك يالغالي.
بو صندوق وين احصلها بالضبط فشلة هدية ساعية بكيس ههه .. شو افضل الماركات؟؟ ساعتك اي ماركة

السوق الصيني في كوالالمبور تراهم معاملتهم سيئه..واخلاقهم تعبانه..
وينافخون ..وممكن يخربون برستيجك عند المدام لانك لازم تبي تعصب..
لذلك عندك سلمك الله شارع باتو فرينقي في بينانج ...
حنا شرينا منه سلمك الله.. وتطلب منهم الصندوق تقول علشان هديه علشان هديه...(بعد ماتضحك معهم وتدهن سير )

مسافر مختب
ههه يا خيتي انا ما عليه اهم شي اني مسافر بس انا طول الوقت احاتيكم حصلتوا حجز ولا لسه مطفرة بموظفي الطيران ههه
اشكرك عالنصحية اختي الغالية والله يوفقكم ان شاء الله .. لا انا خلاص حجزت عالقطرية لا ازعاج بعد اليوم وحجزت اخر مقعدين بالطيارة علشان نصدع اللي قدامنا ومحد يصدعنا ههه

ليه اخر مقعدين؟
بس بيخلص عنكم الاكل كذا..
مايبقى خيارات بين الدجاج والسمك واللحم...

اللي اعرفه الأكل يظهر من الخلف ولا انا غلطان ههه ولا يهمك بناخذ حصتنا وهي ماشية العربة
مبارك عليكم الحجوزات ... بس متى ناوين عالسفر (ملقوف يسأل)

الاكل يظهر من الخلف بس يمرون عليك ركض الى الامام بعدها يبدأ التوزرع من الامام الى الخلف خ

~ كاس عسل ~
والحل في الأكل ...... اكيد اختنا عندها الحل دام هي مجربة الوضع؟؟
طبعا حجزنا من شهر تقريبا لحقنا عالرخيص