ماجلان
هلا بأخي الفاضل حياك الله بين أخوانك وخواتك تفيدون وتستفيدون بالنسبه الموقع بصراحه أنا شخصيا ما جربته
بس مشرفنا الغالي بيمو مسوي شرح مفصل عن الموقع بوكنق وهذا الرابط أن شاءالله تستفيد
https://artravelers.com/p/re/230102

ياخوي مشكور ماتقصر انا شفت الموضوع حق مشرفنا الغالي بس مالقيت الي
يفيدني والله وانا عشان جذي طرحت التسائل هذا

حياك الله
حتى لا تضيع بالشرح ..
حطلي رابط الفنادق الي محتار فيها .. مع كتابتك للتاريخ داخل الرابط
وانا اشرحلك ... حاضر
تحياتي

ماتقصر يامشرفنا الغالي
شوف بالنسبه الاول فندق هذا
https://www.booking.com/hotel/at/pension-andrea.html?aid=1300939
شوف مكتوب في السياسه العامه للفندق
مبلغ التامين مافهمته حق شنو
الشي الثاني
هنا
https://www.booking.com/hotel/at/gruner-baum.html?aid=1300939
متوب في النهاية الصفحه رسوم التنضيف النهائيه هذي شنو
ومع العلم هناك فنادق مو مكتوب فيها هذا الشي شلون
الشي الثالث
https://www.booking.com/hotel/at/boutique-steinerwirt1493.html?aid=1300939
هذا الفندق مكتوب عليه بجانب مشمول ضريبة القمه المضافه وضريبة المدينه ورسوم الخدمه
رسوم الخدمه حق شنو مع العم انه هناك فنادق مو مكتوب عليها
وشكرك وماتقصر يامشرفنا

عطني التواريخ لكل سكن مذكور فوق بالترتيب ..
بنتظارك

تاريخ السكن فيهم كلهم
من 5/8/ الى 9/8/
واشكر تجاوبك

الفندق الاول شروطه صعبه كون هذا عرض وله شروط خاصه
اذا لغيت قبل 60 يوم من اول ليله بيدفعونك 25% من سعر الليالي
====== 28 ============== 40% =======
بعد 28 يوم لغيت بيدفعونك 58% من سعر الليالي
اذا ما وصلت بيوم الحجز يأخذون المبلغ كامل
واول ما تحجز بيخصمون 40 % من سعر الليالي على طول وقابل للاشترجاع
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::
الفندق الثاني التنظيف للشقق فقط وانت حجزك على الفندق وليس الشقق لهذا ما يشملك .. مع ان عرضهم خاص ايضا وفي شروط الغاء .. مقاربه لما ذكرت فوق مع مده اقل .. لكن في خصم مباشر 30 % من سعر الليالي ومسترجع

• ______________

الفندق 3
رسوم الخدمه وضريبة المدينه مشموله مع الافطار .. هذي طبيعيه اما ان تكون مشموله مع السعر النهائي وله تتدفع هناك .. العرض حقك مشمول ..
مافي خصم مباشر مجرد حجز مبلغ ..
لكن اذا كنسلت قبل موعد الوصول ب 30 يوم ما في مشاكل
اذا بعد 30 يوم الى 14 يوم من يوم الوصول بيخصمون عليك 50 % من مجموع الليالي
بعد 14 يوم الى اليوم السايع من يوم الوصول 70% من مجموع الليالي..
يوم الوصول ولم تصل يخصم المبلغ كامل
ان شاء الله الصوره واضحه
تحياتي

ماتقصر يامشرفنا الغالي والله انك خدمتني خدمه كبيره
خلاص انا اخترت Hotel Grüner Baum ابك تعطيني رايك
فيه عشان اتمم احجز وهل احجز من انت ارخص من
المكاتب السياحيه لاني سمعت انه المكتب بعيعطيك
فندق او اثنين بس مايعطيك كل الفنادق الموجده هل صحيح
واشكرك من كل قلبي مره ثانيه

الفندق جيد وهو من فئة 3 نجوم ... لايوجد فيه فخامه الفندق ريفي ونظيف وبالسنتر .. طبعا انت عارف سياسة الغاء الخاصه بها الفندق وايضا الخصم المباشر
قبل لا تحجز فيه شوف مكتب سياحي واعطه اسم الفندق المذكور وشوف بكم يعطيك .. وقارن بينهم .. بس الغالب بوكنق ارخص.. الا اذا كان هناك عرض خاص للمكاتب السياحيه
تحياتي لك واتشرفنا بالتواصل معك