ahg55
20-12-2022 - 10:13 am
السلام عليكم
عندي بعض الاستفسارات ياليت الاخوان يجاوبوني عليها
حنا عايلة كبيرة شوي وناوين ان شاء الله نروح على صلالة .. وعند العودة معزمين نقعد في الامارات عدة ايام
السؤال الاول
ماهي المسافة بين البريمي و الشارقة .. وياليت احد يقولي كيف تكون الطريقة للذهاب للشارقة (( يوصفلنا الطريق ))
السؤال الثاني
ياليت تدولنا على شقق بالشارقة وتكون يعني سعرها مناسب وكويسة (( اهم شي ماتكون اقل من 3 غرف )) .. يتشرط بعد
من البريمي بتطلع على العين (البريمي في وسط العين)
واتبع اللوحات اللي مكتوب عليها دبي
وبتطلع على خط العين - دبي
ولما تدخل دبي اتبع اللوحات اللي مكتوب عليها "ديرة"
وبعدين اتبع اللوحات اللي مكتوب عليها "الشارقة"
وبتكون وصلت الشارقة
هالطريق هو الاسهل .. بس زحمة شوي
وبالنسبة للشقق .. بشكل عام صعب شوب تلاقي شقة 3 غرف نوم .. اغلب الشقق غرفتين نوم (وان كان بعض الشقق 4 غرف نوم .. بس نادرة)
عالعموم انت قولي كم الميزانية اللي حاطها عشان اعرف وين انصحك